Diutronomi 5:12 - Pijin Deuterocanon

¹² ‘Yufala mas gohed fo kipim Sabat de, an barava mektambu long hem olsem wea mi talem finis long yufala bifoa.

Pijin Bible

¹² ‘Yufala mas gohed fo kipim Sabat de, an barava mektambu long hem olsem wea mi talem finis long yufala bifoa.

Diutronomi 5:12 ပူးပေါင်းရင်းမြစ်များ

Nehemaea 13:15

Long datfala taem tu, mi lukim dat olketa pipol blong Jiuda, olketa gohed fo waka long Sabat de. Samfala gohed fo tekem olketa grep, an step antap long hem fo wakem waen long hem. An samfala gohed fo tekem olketa kaikai, an olketa waen, an olketa grep, an olketa fig, an olketa deferen samting moa, an putum antap long olketa dongki fo karim go long Jerusalem fo salem. From samting ya nao, mi tokstrong long olketa olsem, “!Yufala mas no salem olketa samting ya long Sabat de ya!”

Eksodas 16:23

bat hemi tok olsem long olketa, “Yawe hemi talem finis dat tumoro hemi Sabat de, an de ya hemi tambu, mekem yumi res fo onarem Yawe. Olketa kaikai wea yufala laek fo kaikaim tude, yufala save bekem o kukim, bat haf wea hemi stap, yufala mas putumgud fo tumoro.”

Eksodas 16:30

So, olketa pipol i res long mekseven de, an no waka long hem.

Eksodas 31:13

“Bae yu mas talem pipol blong Israel dat mi tok olsem long olketa, ‘Sabat de hemi blong mi, an yufala mas kipim olowe nao. Sabat de ya hemi wanfala saen olowe fo mi an fo yufala, mekem yufala savegud dat mi nao Yawe, an mi bin mektambu long yufala fo kamap spesol pipol blong mi.

Eksodas 31:15

Yufala garem siksfala de wea yufala save duim waka blong yufala long hem, bat long mekseven de, hemi de fo res, an hemi blong mi Yawe. Eniwan wea hemi duim waka long de ya, yufala mas kilim hem dae.

Aesaea 56:6

An yufala olketa pipol blong olketa narafala kantri hu i bin promis fo falom mi, an hu i lavem mi an waka fo mi, an hu i kipim Sabat de, an oltaem yufala kipim olketa toktok long spesol agrimen blong mi,

Aesaea 58:13

Yawe hemi tok moa olsem, “Sapos yufala kipim Sabat de holi, an sapos yufala no duim enisamting falom tingting blong yufala seleva long de ya, an sapos yufala hapi tumas fo tinghae long mi long disfala holi de blong mi, an sapos yufala no wakabaot go farawe tumas long de ya, an sapos yufala no duim eni waka blong yufala, an sapos yufala no mekem de ya fo stori olobaot nomoa, bae mi blesim yufala.

Jeremaea 17:22

Yufala mas no duim eni waka o karim eni hevi samting kamaot long olketa haos blong yufala. Yufala mas gohed fo kipim Sabat de, an barava mektambu long hem olsem mi talem finis long olketa grani blong yufala bifoa.

Gudnius abaotem Jisas Kraes wea Mak hemi raetem 2:27

An Jisas hemi talem long olketa olsem moa, “Sabat ya, God hemi mekem fo helpem pipol nomoa, bat hemi no mekem Sabat fo bos ovarem olketa.

Diutronomi 5:13

Yufala garem siksfala de fo duim olketa waka blong yufala,