Diutronomi 32:19 - Pijin Deuterocanon

¹⁹ Yawe hemi lukim olketa samting ya, an hemi les long yufala, bikos yufala pikinini blong hem i mekem hem kros fogud.”

Pijin Bible

¹⁹ Yawe hemi lukim olketa samting ya, an hemi les long yufala, bikos yufala pikinini blong hem i mekem hem kros fogud.”

Diutronomi 32:19 ပူးပေါင်းရင်းမြစ်များ

Sams 10:3

Olketa nogud pipol i gohed fo tokpraod long olketa nogud samting wea olketa laekem. An olketa wea i laek fo garem evrisamting, i tok nogud long yu an i tanem baeksaet long yu.

Sams 106:40

Nao from olketa samting ya, Yawe hemi nating hapi long olketa, an hemi kros tumas long olketa.

Sams 5:4

God, yu no olsem olketa narakaen god wea i hapi long olketa ravis wei, an yu nating laek fo lukim eni nogud samting fo hemi stap wetem yu.

Sams 78:59

Taem hemi lukim olketa samting ya, hemi barava kros fogud, so hemi barava les finis long olketa nao.

Sams 89:38

Lod Yawe, distaem, king wea yu bin siusim ya, yu kros moa long hem. Ya, yu les long hem, an yu lusim hem finis.

Aesaea 1:2

Yawe nao hemi tokstrong olsem, “!Skae an graon! !Yutufala lisin kam long toktok blong mi! Stat long taem wea olketa pikinini blong mi i smolfala, mi bin lukaftarem olketa gudfala, bat distaem olketa agensim mi nao.

Jeremaea 11:15

“Mi lavem yufala tumas, bat yufala gohed fo duim staka ravis samting. ?Waswe nao yufala kam insaet long Tambuhaos blong mi? ?Waswe, yufala tingse tambu mit blong olketa sakrifaes save sevem yufala from panis wea hemi mas kasem yufala? !Nomoa ya! Bikos taem yufala gohed fo duim evri ravis samting blong yufala, yufala gohed fo hapi tumas.

Jeremaea 40:2

Taem sif ya hemi letem Jeremaea fo go fri, hemi tok olsem long hem, “Profet. Yawe God blong yu, hemi talem finis dat disfala bikfala trabol bae hemi kam kasem disfala ples.

Lamentesin 2:6

Yawe hemi brekemdaon Tambuhaos blong hem, olsem hemi wanfala lif haos long gaden. Olketa bikde an olketa Sabat de, hemi mekem olketa blong Saeon fo fogetem. Bikos hemi kros tumas long olketa, hemi les long olketa king an prist evriwan.

Levitikas 26:11

Bae mi stap wetem yufala, an bae mi no save les long yufala.

Levitikas 26:30

An bae mi spoelem olketa tambuples blong yufala. Bae mi brekem olketa olta wea yufala bin bonem insens long hem. An bae mi torowem olketa bodi blong yufala antap long olketa tambu kaving blong yufala wea i foldaon. An bae mi barava les long yufala.

Emos 6:8

Lod Yawe, God hu hemi garem evri paoa, hemi promis finis long nem blong hem seleva. Hem ya mesij blong Yawe, ?Mi barava les tumas long praod wei blong olketa pipol blong Israel, an mi nating hapi long olketa strongfala sefples ya blong olketa. So, kapitol blong olketa an evrisamting wea hemi stap insaet bae mi givim go long olketa enemi blong olketa.?

Sekaraea 11:8

Trifala narafala man fo lukaftarem sipsip wea mifala waka tugeta i nating laekem mi, trifala agensim mi go-go mi taet long trifala. From samting ya nao, insaet long wanfala mans mi ronemaot trifala.

Revelesin 3:16

Bat bikos yufala hafhaf long evrisamting an lelebet hot nomoa, bae mi toraotem yufala from maos blong mi.

Jajis 2:14

Bikos Yawe hemi kros tumas long olketa, hemi putum olketa long han blong olketa enemi hu i stap raonem olketa. Nao olketa enemi ya i kamap strong tumas an pipol blong Israel i no save gadem olketa seleva. An olketa enemi i gohed fo stilim evrisamting blong olketa.