Diutronomi 3:9 - Pijin Deuterocanon

⁹ Yu save, maonten long Hemon, pipol blong Saedon i kolem long Sirion, bat laen blong Amoa i kolem long Senia.

Pijin Bible

⁹ Yu save, maonten long Hemon, pipol blong Saedon i kolem long Sirion, bat laen blong Amoa i kolem long Senia.

Diutronomi 3:9 ပူးပေါင်းရင်းမြစ်များ

1 Kronikols 5:23

Haf long traeb blong Manase wea i stap long saet long ist long Jodan Riva i garem staka pipol. Olketa mekem ples blong olketa long eria long Basan. Olketa stap kam long eria long not wea hemi go kasem tufala taon long Baal-Hemon an Senia kolsap long maonten long Hemon.

Sams 133:3

Hemi olsem wea pipol i hapi taem staka ren hemi foldaon long drae eria long Saeon. Long sem wei tu long Saeon, Yawe hemi gohed fo blesim laef blong olketa olowe nao. (Olketa pipol i singim disfala singsing ya taem olketa wakabaot goap fo fist long Jerusalem.)

Sams 29:6

Hemi mekem olketa hil long Lebanon fo jam olobaot olsem olketa pikinini blong buluka. An hemi mekem maonten long Hemon fo jam olobaot olsem olketa yangfala manwan buluka.

Sams 42:6

Long hia, long narafala kantri, mi barava sore fogud, so mi mas tingim yu moa. Yu bin sendem kam trabol long laef blong mi olsem olketa bikfala wev long solwata. Olketa bikfala trabol ya i kasem mi olsem wata wea hemi ran bikfala an hemi draonem mi nao. Olketa trabol ya i kasem mi olsem olketa bikfala watafol wea hemi kamdaon from tufala maonten long Hemon an long Misa, wea hemi meknoes olsem tanda, an godaon long Jodan Riva.

Sams 89:12

Yu nao yu bin mekem evri ples, stat long not go-go kasem long saot. Maonten long Teboa an maonten long Hemon i hapi tumas olsem pipol wea i hapi an singsing fo preisim yu.

Nambawan Singsing 4:8

!Kam, braed blong mi! Yu kam wetem mi. Bae yumitufala goaot from olketa maonten long Lebanon. Bae yumitufala godaon from antap long maonten long Amana, an from antap long tufala maonten long Senia an Hemon, wea olketa wael animol ya laeon an lepad i stap long hem.

Esikiel 27:5

Olketa mekem yu long paen tri from maonten long Hemon, an olketa mekem mast blong yu long sida tri from Lebanon.

Josua 11:17

Olketa tekova long evri ples from maonten long Halak long saot kolsap long kantri long Idom, go-go kasem taon long Balgad long vali long Lebanon long not kolsap long maonten long Hemon. Fo longtaem nao Josua bin gohed fo faet wetem olketa paramaon sif blong olketa ples ya, go-go hemi winim olketa evriwan long faet an kilim dae evriwan long olketa.