Diutronomi 3:1 - Pijin Deuterocanon

¹ Mosis hemi tok moa olsem, “Bihaen evrisamting ya, yumi wakabaot go long not, falom rod wea hemi go long taon long Basan. An Paramaon Sif Og wetem olketa soldia blong hem i kam fo faetem yumi kolsap long taon long Edrei.

Pijin Bible

¹ Mosis hemi tok moa olsem, “Bihaen evrisamting ya, yumi wakabaot go long not, falom rod wea hemi go long taon long Basan. An Paramaon Sif Og wetem olketa soldia blong hem i kam fo faetem yumi kolsap long taon long Edrei.

Diutronomi 3:1 ပူးပေါင်းရင်းမြစ်များ

1 Kings 4:19

Geba, san blong Uri, hem lukaftarem distrik long Gilead wea bifoa kam Sif Sihon blong Amoa an Sif Og blong Basan tufala bin rul ovarem. Hem nomoa hemi lukaftarem distrik ya.

Nehemaea 9:22

“Yu letem olketa fo winim olketa narafala pipol an tekova long olketa narafala kantri, mekem hemi kamap haf long lan blong olketa. Olketa bin tekova long lan blong King Sihon blong Hesbon, an King Og blong Basan.

Sams 136:20

An hemi kilim dae King Og, wea i king long Basan. Ya, bikos hemi tinghevi long yumi olowe.

Diutronomi 2:32

Den Sihon wetem ami blong hem i kam fo faetem yumi kolsap long taon long Jahas.

Diutronomi 29:7

“Taem yufala kasem disfala ples, Paramaon Sif Sihon blong Hesbon, an Paramaon Sif Og blong Basan, tufala kam fo faet agensim yufala, bat yufala winim tufala.

Diutronomi 3:2

Bat Yawe hemi tok olsem long mi, ‘Mosis, yu no fraetem Sif ya. Hem wetem evri soldia blong hem an olketa lan blong hem, bae mi putum olketa evriwan long han blong yufala. Bae yufala save kilim hem long sem wei wea yufala duim long Sihon Paramaon Sif long laen blong Amoa long Hesbon.’

Diutronomi 31:4

Oraet, Yawe bae hemi spoelem olketa pipol blong Kenan olsem hemi bin spoelem Paramaon Sif Sihon an Paramaon Sif Og, an ples blong laen blong Amoa.

Josua 12:1

Bifoa kam, Mosis nao hemi bin lidim olketa Israel pipol fo faet an winim tufala paramaon sif long ist saet long Jodan Riva long faet an tekova long lan blong olketa. Spialaen long lan blong tufala paramaon sif ya, hemi stat long vali long Anon an goap long Jodan Riva an go olowe go-go kasem maonten long Hemon long not.

Josua 12:4

An narawan nao Sif Og, wea hemi paramaon sif blong eria long Basan. Paramaon sif ya hemi laswan long olketa Refaem pipol an hemi rul ovarem tufala taon long Astarot an Edrei.

Josua 13:30

Disfala eria ya hemi stat long Mahanaem an evri lan long Basan hemi insaet long disfala eria, wetem siksti vilij wea Jaea bin winim wanfala taem bifoa long faet. Bifoa, Paramaon Sif Og blong Basan nao hemi rul ovarem evri ples long datfala eria.

Josua 9:10

An mifala herem tu wanem hemi duim long tufala paramaon sif ya long Amoa long narasaet Jodan Riva long ist, Sif Sihon blong Hesbon, an Sif Og blong Basan, wea kapitol taon blong hem nao Astarot.