Diutronomi 27:18 - Pijin Deuterocanon

¹⁸ “Trabol bae kasem eniwan hu hemi lidim blaen man go long rong rod.’ “An olketa pipol mas ansa olsem, ‘!Hem tru ya!’

Pijin Bible

¹⁸ “Trabol bae kasem eniwan hu hemi lidim blaen man go long rong rod.’ “An olketa pipol mas ansa olsem, ‘!Hem tru ya!’

Diutronomi 27:18 ပူးပေါင်းရင်းမြစ်များ

Jenesis 27:12

Sapos dadi hemi holem han blong mi, bae hemi save long mi nomoa ya, wea mi gohed fo laea long hem. Nao bae hemi no save blesim mi, bat bae hemi mekem trabol fo kasem mi.”

Stori abaotem Job 29:15

Long datfala taem, Mi bin gadem olketa blaen man, an mi bin helpem olketa pipol hu i no save wakabaot.

Provebs 28:10

Yu lidim stretfala man long wei nogud, bae yu kasem trap wea yu mekem. Bat man hemi barava gud tumas, bae hemi kasem gudfala samting.

Aesaea 56:10

Evri lida blong Israel i olsem sekiuriti hu hemi blaen tumas, bikos olketa nating wonem nomoa olketa pipol blong mi. Olketa nating save long enisamting. Olketa i olsem nomoa olketa dog wea i no save singaot. Olketa leidaon nomoa fo slip. Olketa hapi nomoa fo drim.

Levitikas 19:14

An yufala mas no talem toktok fo mekem trabol i kasem man wea iapas, an yufala mas no mekem eni blaen man fo hemi foldaon, bikos mi nao Yawe, God blong yufala, an yufala mas barava tinghae long mi.

Matiu 15:14

So yufala no wari long olketa Farasi ya. Olketa trae fo lidim olketa blaen pipol, bat olketa seleva olketa blaen tu ya. An yufala save, sapos wanfala blaen man hemi lidim nara blaen man, bae tufala evriwan i foldaon insaet long hol nao ya.”

Diutronomi 27:19

“Trabol bae kasem eniwan hu hemi no falom stretfala wei long kot fo olketa strensa an olketa pikinini wea dadi blong olketa i dae, an olketa wido.’ “An olketa pipol mas ansa olsem, ‘!Hem tru ya!’

Revelesin 2:14

‘Bat samfala samting nomoa mi no laekem long yufala. Samfala pipol long yufala, olketa gohed fo falom nomoa tising blong profet Balam, wea bifoa hemi tisim King Balak abaotem wei fo trikim pipol blong Israel fo foldaon long sin. Hemi mekem olketa kaikaim mit wea olketa bin sakrifaesim finis long laea god, an hemi mekem olketa fo durong wetem olketa woman.