Diutronomi 27:14 - Pijin Deuterocanon

¹⁴ “Den olketa long traeb blong Livae bae i singaot bikfala olsem,

Pijin Bible

¹⁴ “Den olketa long traeb blong Livae bae i singaot bikfala olsem,

Diutronomi 27:14 ပူးပေါင်းရင်းမြစ်များ

Daniel 9:11

Mifala evriwan blong Israel i no falom nao olketa Lo blong yu, an mifala no obeim yu tu. Mifala sin agensim yu, dastawe nao olketa trabol wea wakaman blong yu Mosis hemi raetemdaon insaet long olketa Lo ya, yu nao yu mekem fo hemi kam kasem mifala.

Diutronomi 27:13

An siksfala traeb mas go stanap long maonten long Ebal. Olketa mas herem olketa trabol wea Yawe bae hemi mekem long olketa pipol sapos olketa no obeim hem. Olketa traeb fo stanap long Ebal i olsem, traeb blong Ruben, an traeb blong Gad, an traeb blong Asa, an traeb blong Sebulun, an traeb blong Dan, an traeb blong Naftali.

Diutronomi 27:15

“Trabol bae kasem eniwan hu hemi tekem timba o ston o aean fo wakem tambu kaving blong narafala god, an hemi haedem an wosipim hem. !Yawe hemi barava les tumas long olketa tambu kaving olsem!” “An olketa pipol mas ansa olsem, ‘!Hem tru ya!’

Josua 8:33

Long datfala taem tu evri traeb blong Israel, wetem evri lida blong olketa, an evri komanda blong olketa, an evri sif blong olketa, an evri strensa wea i stap wetem olketa, evriwan i divaed long tufala grup. Disfala Tambu Boks long Agrimen blong Yawe wea olketa prist blong traeb blong Livae i karim, hemi stap long midol long tufala grup ya. An tufala grup i fesim Tambu Boks an stanap olsem wea maonten ya long Gerisim hemi bihaen long wanfala grup an maonten ya long Ebal hemi bihaen long narafala grup. Mosis bin talem finis bifoa disfala toktok wea olketa mas stanap redi olsem, mekem olketa prist i blesim olketa.

Josua 8:34

Bihaen, Josua hemi ridimaot evri toktok wea hemi stap long lo wea hemi talemaot olketa gudfala samting wea Yawe bae hemi givim long olketa sapos olketa falom disfala Lo, an olketa trabol wea bae hemi kasem olketa sapos olketa no falom. Hemi ridimaot evri toktok barava olsem wea hemi stap insaet long Buk blong Lo.