Diutronomi 22:6 - Pijin Deuterocanon

⁶ “Sapos yufala faendem nest blong bed antap long tri o daon long graon wea hemi garem mami blong hem hemi gohed fo sidaon long eg o long pikinini blong hem, bae yufala mas no kilim mami blong hem.

Pijin Bible

⁶ “Sapos yufala faendem nest blong bed antap long tri o daon long graon wea hemi garem mami blong hem hemi gohed fo sidaon long eg o long pikinini blong hem, bae yufala mas no kilim mami blong hem.

Diutronomi 22:6 ပူးပေါင်းရင်းမြစ်များ

Jenesis 32:11

Lod Yawe, plis yu sevem mi from disfala brata blong mi ya. Mi fraet tumas, nogud hemi kam an kilim dae mifala evriwan, wetem olketa woman ya an olketa pikinini tu.

Jenesis 8:17

An yu save letem evrisamting wea i stap wetem yu insaet long sip ya, i kamaot tu, mekem bae olketa garem pikinini, mekem olketa save kamap plande moa long wol ya.”

Provebs 12:10

Gudfala man hemi lukaftarem olketa animol blong hem. Nogud man hemi mekem olketa safa.

Hosia 10:14

Oraet. Bikos yufala duim diswan, olketa enemi bae i kam an spoelem evri strongfala sefples blong yufala. Ya, bae hemi barava nogud, olsem taem wea King Salman hemi spoelem taon long Bet-Abel. Long datfala faet, olketa kilim olketa woman wetem olketa pikinini blong olketa, mekem olketa dae long graon.

Levitikas 22:28

Yufala mas no mekem sakrifaes long eni mere buluka wetem pikinini blong hem, o mere sipsip wetem pikinini blong hem, o mere nanigot wetem pikinini blong hem, wea yufala kilim tufala wantaem long sem de nomoa.

Gudnius abaotem Jisas Kraes wea Luk hemi raetem 12:6

“Yufala save, faefala smolfala bed olketa save salem fo tufala blaksens nomoa. Bat nomata olsem, no eniwan long olketa bed ya God hemi fogetem ya.

Diutronomi 22:5

“Olketa woman mas no werem kaleko blong man, an olketa man mas no werem kaleko blong woman. Yawe, God blong yufala, hemi barava les long eniwan wea hemi duim disfala samting.