Diutronomi 2:8 - Pijin Deuterocanon

⁸ “So yumi goraon long eria blong olketa wantok long laen blong Iso. An yumi lusim rod wea hemi go long Ded Si an tufala taon long Elat an Esion-Geba. Den yumi gogo fo kasem drae eria long Moab.

Pijin Bible

⁸ “So yumi goraon long eria blong olketa wantok long laen blong Iso. An yumi lusim rod wea hemi go long Ded Si an tufala taon long Elat an Esion-Geba. Den yumi gogo fo kasem drae eria long Moab.

Diutronomi 2:8 ပူးပေါင်းရင်းမြစ်များ

Jenesis 25:23

Nao Yawe hemi tok olsem long hem, “Tufala pikinini nao i stap long bele blong yu, an tufala evriwan bae i grandadi blong tufala laen. Tufala laen ya bae hemi bon kam long laen blong yu, bae wanfala hemi traehad olowe fo kamap hae moa long narawan, bat wanfala long tufala bae hemi strong moa, winim narawan. Fasbon bae hemi waka fo mektu pikinini ya.”

1 Kings 9:26

King Solomon hemi wakem olketa sip tu long Esion-Geba wea hemi kolsap long Elat, long saetsi long Red Si long Idom.

2 Kings 14:22

Bihaen long taem wea Amasaea hemi dae, King Asaraea hemi go faet long taon long Elat, an hemi tekembaek taon ya, an hemi bildimbaek moa.

2 Kings 16:6

An wanfala taem, King Resin blong Siria hemi kam fo faetem pipol blong Jiuda long taon long Elat. Hemi raosim olketa, an tekembaek taon ya. Den olketa pipol blong Idom i kam stap long Elat, an olketa stap kam long hem kam kasem tude.

Nambas 21:4

Pipol blong Israel i lusim maonten long Hoa, an falom rod wea hemi go long Akaba Bei, fo raonem eria blong Idom. Bat taem olketa wakabaot go, olketa i no hapi fo gohed long disfala gogo.

Nambas 33:35

Afta olketa lusim Abrona, olketa stap kam long Esion-Geba.

Diutronomi 1:1

Disfala buk hemi garem olketa toktok wea Mosis hemi talemaot long pipol blong Israel taem olketa stap long drae eria blong Moab, long vali blong Jodan Riva, kolsap long ples long Suf an long midol long olketa taon olsem: Paran, Tofel an Laban an Haserot an Disahab. Bifoa olketa kasem disfala eria blong Moab, Mosis hemi bin winim Paramaon Sif Sihon blong laen blong Amoa long Hesbon, an hemi bin winim Paramaon Sif Og blong Basan an tufala taon blong hem nao Astarot an Edrei. Sapos eniwan hemi lusim Horeb fo wakabaot long rod long maonten long Seia fo kam kasem Kades-Banea, hemi mas wakabaot long rod ya fo levenfala de. Nomata olsem, Mosis hemi talem disfala toktok long mekfoti yia bihaen long taem olketa lusim Ijip. Hemi long fas de blong mekleven mans blong datfala yia, an olketa stap yet long eria blong Moab long narasaet Jodan Riva long ist, taem Mosis hemi talemaot gud nao lo blong spesol agrimen blong Yawe.

Jajis 11:18

“Olketa wakabaot nomoa long drae eria go-go olketa goraon long saet blong spialaen blong lan blong Idom, an long lan blong Moab. Olketa go long ist saet long Moab wea olketa putumap haostent blong olketa narasaet long Anon riva wea hemi spialaen blong Moab, an olketa nating go akros long spialaen ya.