Diutronomi 2:7 - Pijin Deuterocanon

⁷ “‘Yufala mas no fogetem wei wea Yawe, God blong yufala, hemi blesim yufala long evrisamting wea yufala duim. Olowe long foti yia wea yumi wakabaot long bikfala drae eria, hemi lukaftarem yufala, an yufala nating save sot long enisamting.’

Pijin Bible

⁷ “‘Yufala mas no fogetem wei wea Yawe, God blong yufala, hemi blesim yufala long evrisamting wea yufala duim. Olowe long foti yia wea yumi wakabaot long bikfala drae eria, hemi lukaftarem yufala, an yufala nating save sot long enisamting.’

Diutronomi 2:7 ပူးပေါင်းရင်းမြစ်များ

Jenesis 12:2

Bae mi mekem fo yu garem plande pikinini, bae olketa long laen blong yu i kamap plande fogud. Bae olketa kamap wanfala strongfala laen an bae mi blesim yu. Bae mi mekem nem blong yu hemi kamap bikfala an bae yu kamap olsem wanfala gudfala blesing long evri narafala pipol.

Jenesis 24:35

Yawe hemi gohed fo blesim masta blong mi long plande samting. An hemi mekem hem kamap wanfala risman, wea hemi garem olketa sipsip an olketa nanigot an olketa buluka, an hemi garem tu olketa silva an olketa gol, an olketa slev man an olketa slev woman, an olketa kamel an olketa dongki tu.

Jenesis 26:12

Long sem yia wea Aesak hemi wakem gaden long ples ya, olketa sid blong wit wea hemi plantem, olketa garem staka kaikai tumas, bikos Yawe hemi gohed fo blesim hem.

Jenesis 30:27

Bat inlo blong hem hemi tok olsem long hem, “Mi wande talem wanfala samting. Olketa saen ya wea mi gohed fo lukim, olketa gohed fo somaot long mi dat Yawe hemi gohed fo blesim mi bikos yu bin stap wetem mi.

Jenesis 39:3

Potifa hemi lukim dat Yawe hemi gohed fo stap wetem Josef, hemi gohed fo mekem olketa waka blong hem fo hemi gohed gudfala tumas.

Jenesis 39:5

An stat long taem ya, bikos long gudfala waka blong Josef, Yawe hemi gohed fo blesim man ya wetem evrisamting long haos blong hem an long gaden blong hem fo gohed gudfala.

Nehemaea 9:21

Long foti yia ya wea olketa gohed fo wakabaot long datfala drae eria, oltaem nomoa yu gohed fo lukaftarem olketa. Olketa no sot long enisamting. Kaleko blong olketa i no bre-brek, an lek blong olketa i no soa.

Stori abaotem Job 23:10

Nomata olsem, God hemi save long ples wea hemi save faendem mi. An taem hemi testem wei blong mi, bae hemi lukim dat laef blong mi hemi barava stret nomoa.

Sams 1:6

Olketa nogud pipol ya i go-go fo dae blong olketa nao ya, bat God hemi gohed fo lukaftarem gogo blong olketa gudfala pipol.

Sams 107:4

Samfala long yumi i wakabaot olobaot nomoa long drae eria wea no eni rod long hem, an olketa no save faendem eni taon fo stap long hem.

Sams 31:7

Bae mi hapi tumas, bikos lav blong yu hemi barava bikfala fogud. Yu luksave dat mi safa tumas, an yu save long olketa trabol blong mi tu.

Sams 90:17

God, yu nao yu Masta blong mifala, plis yu blesim mifala. Plis yu mekem evrisamting wea mifala duim fo kamap gudfala.

Eksodas 16:35

Fo foti yia, olketa pipol blong Israel i gohed fo kaikaim mana, go-go olketa kasem lan wea olketa laen blong Kenan i stap long hem.

Jeremaea 2:2

“Yu go tok olsem long evri pipol long Jerusalem: Yawe nao hemi tok olsem, ‘Oltaem mi tingim taem wea olketa laen blong Israel jes kamap olsem wanfala kantri. Yufala bin gohed fo tinghevi long mi, an yufala bin lavem mi tumas, olsem yang woman wea hemi jes marit an hemi lavem tumas hasban blong hem. Yufala bin gohed fo falom mi long drae eria, wea man kanduit plantem eni kaikai long hem.

Hosia 13:5

Mi nao bin lukaftarem olketa grani blong yufala insaet long drae eria, ples wea hemi hot tumas.

Emos 2:10

An taem yufala waka olsem slev long Ijip, mi nao mi tekem yufala fo kamaot an lidim yufala insaet long drae eria fo fotifala yia. An bihaen, mi givim disfala graon long yufala wea olketa long laen blong Amoa i bin onam fastaem.

Nambas 1:1

Long mektu yia bihaen long taem wea olketa traeb blong Israel i lusim Ijip, long mektu mans, long fas de blong hem, Yawe hemi toktok long Mosis. Hemi hapen taem olketa stap long drae eria long Saenae. Yawe hemi toktok wetem Mosis insaet long Tambu Haostent wea olketa mit wetem hem. An hemi tok olsem,

Nambas 14:33

An bikos yufala nating tingting strong long mi, olketa pikinini blong yufala bae i wakabaot olobaot long drae eria fo fotifala yia. Bae olketa pikinini ya mas safa from ravis wei blong yufala. Bae olketa mas safa go-go kasem taem wea laswan blong yufala hemi dae.

Nambas 14:34

Yufala mas safa from sin blong yufala fo fotifala yia, wea wanfala yia hemi makem wanfala de blong olketa fotifala de wea tuelfala man i go fo lukluk long datfala lan. !An long fotifala yia ya, bae yufala save dat mi les long yufala!’”

Nambas 22:12

Nao God hemi tok olsem long Balam, “Yu no save go wetem olketa. An yu mas no singaot fo mekem trabol kasem olketa, bikos mi gohed fo blesim olketa nomoa.”

Nambas 32:13

“Nao, Yawe hemi barava kros long mifala evriwan, an hemi mekem yumi fo wakabaot olobaot long drae eria fo fotifala yia. Yumi wakabaot olsem go-go kasem taem wea olketa dadi blong yufala hu i bin sin, olketa evriwan i dae.

Gudnius abaotem Jisas Kraes wea Luk hemi raetem 22:35

An Jisas hemi sei moa, “Lastaem, taem mi sendem yufala fo goaot, mi stopem yufala fo no tekem eni paos an basket an sandol. ?Waswe, yufala sot long enisamting?” Nao olketa sei, “Nomoa ya.”

Gudnius abaotem Jisas Kraes wea Jon hemi raetem 10:27

Olketa sipsip blong mi, olketa heremsave toktok blong mi an olketa go bihaen long mi. Mi save long olketa

Diutronomi 1:19

Mosis hemi tok olsem, “Yawe, God blong yumi, hemi bin talem yumi fo lusim Horeb, an gotru long bikfala drae eria wea hemi barava nogud, fo go long olketa maonten blong olketa laen blong Amoa. So yumi duim nao an kam kasem Kades-Banea.

Diutronomi 2:14

Stat long taem wea yumi lusim Kades-Banea, kam kasem taem wea yumi krosim Sered Riva, hemi teti-eit yia. An long datfala taem, evri man fo faet, olketa evriwan i dae, barava olsem wea Yawe hemi bin talem.

Diutronomi 2:6

So taem yufala gohed fo gotru long lan ya, bae yufala mas peim kaikai an wata long olketa.

Diutronomi 29:4

Bat kam kasem distaem, hemi no openem tingting blong yufala, mekem yufala minim olketa samting wea hemi kamap. Hemi no openem ae blong yufala fo luksave long olketa samting ya, an hemi no openem ia blong yufala tu, mekem yufala heremsave.

Diutronomi 29:5

Hemi sei long yufala, ‘Long fotifala yia wea mi gohed fo lidim yufala long drae eria, olketa kaleko blong yufala an olketa slipa blong yufala i no brek o kamap nogud.