Diutronomi 2:14 - Pijin Deuterocanon

¹⁴ Stat long taem wea yumi lusim Kades-Banea, kam kasem taem wea yumi krosim Sered Riva, hemi teti-eit yia. An long datfala taem, evri man fo faet, olketa evriwan i dae, barava olsem wea Yawe hemi bin talem.

Pijin Bible

¹⁴ Stat long taem wea yumi lusim Kades-Banea, kam kasem taem wea yumi krosim Sered Riva, hemi teti-eit yia. An long datfala taem, evri man fo faet, olketa evriwan i dae, barava olsem wea Yawe hemi bin talem.

Diutronomi 2:14 ပူးပေါင်းရင်းမြစ်များ

Sams 106:26

Nao hemi mekem wanfala strongfala toktok long olketa. Hemi talem olketa dat bae hemi kilim olketa dae long drae eria,

Sams 90:15

Plis yu mekem mifala hapi moa, fo sensim bikfala sore wea hemi bin kasem mifala bifoa long olketa yia wea mifala bin stap kam long trabol wea hemi kam from yu.

Sams 90:3

Oltaem, taem mifala dae yu mekem mifala fo gobaek moa long graon. Ya, yu mekem mifala fo tane go moa long graon wea yu bin wakem mifala long hem.

Sams 90:9

Taem yu kros, yu sotem nomoa laef blong mifala. Mifala save dae kuiktaem nomoa olsem lelebet win wea hemi kamaot long maos blong man.

Sams 95:11

Mi bin kros tumas long olketa, dastawe nao mi tokstrong olsem, ‘Bae yufala no save kasem ples blong mi fo yufala res long hem.’”

Esikiel 20:15

Mi bin mekem strongfala promis long olketa insaet long drae eria, an sei wea bae mi no tekem olketa go kasem datfala lan wea mi givim long olketa. Lan ya hemi barava gud tumas winim evri narafala kantri long wol. Graon blong hem hemi barava gud tumas, an oltaem hemi garem staka kaikai long hem.

Nambas 1:1

Long mektu yia bihaen long taem wea olketa traeb blong Israel i lusim Ijip, long mektu mans, long fas de blong hem, Yawe hemi toktok long Mosis. Hemi hapen taem olketa stap long drae eria long Saenae. Yawe hemi toktok wetem Mosis insaet long Tambu Haostent wea olketa mit wetem hem. An hemi tok olsem,

Nambas 13:26

Olketa kam long ples long Kades long drae eria long Paran wea Mosis an Eron an olketa pipol blong Israel i stap long hem. Olketa talemaot evrisamting wea olketa lukim, an som tu olketa frut wea olketa karim kam.

Nambas 32:11

‘!Mi talem stret, bikos yufala nating trastem mi, olketa man hu i kasem tuenti yia an goap bae i no save go kasem lan wea mi bin promis finis long Ebraham an Aesak an Jekob.

1 Korin 10:5

Bat nomata olsem, plande long olketa nao God hemi nating hapi wetem olketa, an dastawe olketa dae olobaot insaet long drae eria.

Diutronomi 1:19

Mosis hemi tok olsem, “Yawe, God blong yumi, hemi bin talem yumi fo lusim Horeb, an gotru long bikfala drae eria wea hemi barava nogud, fo go long olketa maonten blong olketa laen blong Amoa. So yumi duim nao an kam kasem Kades-Banea.

Diutronomi 2:13

Nao Mosis hemi tok moa olsem, “Yawe hemi sei, ‘Tude, yufala mas getap, an yufala mas katkros long Sered Riva.’ So yumi duim wanem hemi talem.

Diutronomi 2:16

“An taem olketa evriwan i dae finis,

Diutronomi 2:7

“‘Yufala mas no fogetem wei wea Yawe, God blong yufala, hemi blesim yufala long evrisamting wea yufala duim. Olowe long foti yia wea yumi wakabaot long bikfala drae eria, hemi lukaftarem yufala, an yufala nating save sot long enisamting.’

Josua 24:7

olketa olo blong yufala i krae kam long mi mekem mi helpem yufala, nao mi putum bikfala tudak long midol long yufala an olketa man blong Ijip. Mi mekem bikfala solwata ya fo kavaremap olketa man ya blong Ijip hu i ronem yufala. An solwata ya hemi draonem olketa evriwan nao. Yufala lukim finis olketa samting wea mi bin duim long olketa man blong Ijip long datfala taem. ‘Longfala taem nao yufala bin stap kam long drae eria,

Josua 5:4

Stori abaotem kate ya hemi olsem: Bifoa, taem pipol blong Israel i kamaot from Ijip, olketa man an olketa boe i kate finis. Nao, bikos olketa blong Israel i no obeim Yawe, hemi talemaot wanfala panis fo olketa. Panis ya hemi olsem: evri man hu i fit fo faet long ami taem olketa kamaot from Ijip, olketa no save go kasem disfala barava nambawan lan wea hemi promisim bifoa kam long olketa olo blong Israel. Dastawe olketa man hu i fit fo faet i dae taem pipol blong Israel i raon-raon fo fotifala yia long drae eria. Oraet, Yawe hemi mekem olketa san blong olketa man hu i dae fo sensim olketa man ya. So olketa boe an olketa bikfala man nao, Josua hemi mekem kate long olketa, bikos long taem wea olketa blong Israel i raon-raon long drae eria, olketa ya i no kate yet.

Jiud 1:5

Nao mi laek fo talem gud wanfala toktok long yufala, nomata yufala save finis long hem. Fastaem, Masta blong yumi hemi sevem olketa pipol blong Israel, taem hemi tekemaot olketa from Ijip ya. Bat bihaen nomoa, hemi gohed fo kilim dae samfala pipol wea olketa no biliv long hem.