Diutronomi 13:6 - Pijin Deuterocanon

^6-8 “Nomata brata blong yu, o pikinini blong yu, o waef blong yu wea yu lavem tumas, o wanfala gudfala fren blong yu, sapos eniwan long olketa hemi kam tokhaed long yu olsem, ‘!Yumitufala go wosipim narafala god’, yu mas no lisin long hem! Maet hemi laekem fo yutufala wosipim olketa god blong pipol wea i stap kolsap long yufala, o long olketa god blong pipol wea i stap farawe long yufala. Maet hemi laekem yutufala fo wosipim olketa god long disfala lan, olketa god wea yufala an olketa olo blong yufala i no bin save long olketa bifoa. Bat yu mas no lisin long hem. An yu mas no sore long hem, an yu mas no haedem hem mekem panis hemi no kasem hem.

Pijin Bible

^6-8 “Nomata brata blong yu, o pikinini blong yu, o waef blong yu wea yu lavem tumas, o wanfala gudfala fren blong yu, sapos eniwan long olketa hemi kam tokhaed long yu olsem, ‘!Yumitufala go wosipim narafala god’, yu mas no lisin long hem! Maet hemi laekem fo yutufala wosipim olketa god blong pipol wea i stap kolsap long yufala, o long olketa god blong pipol wea i stap farawe long yufala. Maet hemi laekem yutufala fo wosipim olketa god long disfala lan, olketa god wea yufala an olketa olo blong yufala i no bin save long olketa bifoa. Bat yu mas no lisin long hem. An yu mas no sore long hem, an yu mas no haedem hem mekem panis hemi no kasem hem.

Diutronomi 13:6 ပူးပေါင်းရင်းမြစ်များ

Jenesis 16:5

Nao Sarae hemi tok olsem long Ebram, “Gele ya hemi gohed fo bikhed nogud tumas long mi nao, diswan ya from yu nao ya. Mi sendem kam fo stap wetem yu, bat taem hemi save dat hemi babule finis, hemi filpraod tumas, nao oltaem nomoa, hemi save lukdaon tumas long mi. Hemi gud fo Yawe hemi jajem yumitufala , mekem hemi somaot olsem hu long yumitufala nao hemi stret.”

2 Samuel 1:26

Jonatan, brata blong mi, mi gohed krae fo yu. Mi lavem yu tumas. Wei blong yu fo lavem mi hemi barava gud winim lav blong olketa woman.

1 Kings 18:40

Nao Profet Elaeja hemi tok olsem, “!Yufala kasholem evri profet blong Baal, an yufala no letem eniwan fo ranawe!” So olketa kasholem olketa evriwan, an Elaeja an olketa tekem olketa profet ya godaon long vali long Kison Riva, an kilim dae olketa evriwan long dea.

2 Kings 11:18

Den evriwan i go long tambuhaos blong Baal, an brekemdaon tambuhaos ya. An olketa spoelem evri olta an evri tambu kaving long ples ya. An kolsap long olketa olta ya, olketa kilim dae Matan hu hemi prist blong Baal. Prist Jehoaeada hemi mekem olketa soldia fo gadem Tambuhaos blong Yawe.

2 Kronikols 15:13

Nomata man o woman, an nomata yangfala o olfala, bat sapos eniwan long olketa hemi no falom Yawe, bae olketa mas kilim hem dae.

2 Kronikols 23:17

Den evriwan i go long tambuhaos blong Baal, an brekemdaon tambuhaos ya. An olketa spoelem evri olta an evri tambu kaving long ples ya. An kolsap long olketa olta ya, olketa kilim dae Matan hu hemi prist blong Baal.

Stori abaotem Job 31:27

Mi nating staphaed fo mekhae long tufala ya. An mi no mekem kis long han blong mi fo wosipim tufala ya.

Eksodas 13:3

Mosis hemi tok olsem long olketa pipol, “Evri yia, bae yumi mas tingim disfala de wea yumi kamaot from Ijip wea yufala bin gohed fo waka olsem slev long hem, bikos long disfala de, Yawe hemi tekem yumi fo kamaot from ples ya, long bikfala paoa blong hem. Taem yumi mekem bikde long disfala de, yumi mas no kaikaim bred wea hemi garem yist long hem.

Eksodas 32:27

An hemi tok olsem long olketa, “Yawe hu hemi God blong Israel, hemi tok olsem, ‘Yufala evriwan mas holem naef fo faet an go evriwea long ples ya an kilim dae olketa hu i bin duim disfala ravis samting, nomata olketa brata, o fren, o wantok blong yufala.’ ”

Provebs 18:24

Plande fren i yusles nomoa. Barava fren, hemi gud winim wantok.

Provebs 5:20

San, yu no holetaet long woman fo durong, an yu no hapi long waef blong nara man.

Jeremaea 28:15

Den Profet Jeremaea hemi tok olsem long Profet Hananaea, “!Hananaea! !Lisin kam! !Yawe hemi no sendem yu ya! An yu gohed fo mekem olketa pipol fo bilivim laea toktok blong yu.

Jeremaea 28:16

Dastawe nao Yawe, hemi tok olsem: No longtaem, bae mi aotem yu from disfala wol. Bifoa wanfala yia hemi finis, bae yu dae, bikos yu gohed fo talemaot long olketa pipol wea olketa mas agensim mi Yawe.”

Jeremaea 44:3

bikos olketa pipol bin gohed fo falom olketa ravis wei. Mi kamap kros fogud bikos olketa bin bonem insens long olketa laea god, an olketa bin gohed fo mekem wosip long olketa, nomata yufala wetem olketa grani blong yufala bifoa i no save long olketa god ya.

Sekaraea 13:3

An sapos wanfala man hemi gohed fo talem dat mesij blong hem hemi wanfala profesi, dadi an mami blong hem bae tufala tok olsem long hem, ?Yu mas dae, bikos yu talem dat yu wanfala profet, bat yu laea nomoa.? Long sem taem wea hemi gohed fo toktok olsem, dadi an mami blong hem bae tufala kilim hem dae long naef.

2 Korin 5:16

So distaem, mifala no jajem eniwan falom wei blong man long wol. Long bifoa, mifala bin jajem Kraes falom wei blong man, bat distaem mifala no duim olsem moa.

Galesia 2:4

Samfala nara pipol nomoa hu i laea an sei olketa i Kristin, olketa nao laek fo fosim hem. Olketa joenem yumi fo faendemaot nomoa hao nao yumi save stap fri wea yumi joen finis wetem Jisas Kraes. Olketa laek fo mekem yumi fo stap olsem olketa slev blong Lo moa.

Efesas 4:14

Den, bae yumi no olsem olketa pikinini wea olketa save ran go olobaot fo lisin long enikaen laea tising. Bae yumi no olsem smolfala bot wea strongfala win an bikfala wev save pusum olobaot long si. Bae yumi no falom olketa laea tisa wea olketa laekem yumi fo go long rong wei an falom olketa trik blong olketa nomoa.

Diutronomi 11:32

yufala mas barava obeim olketa lo an olketa rul wea mi givim long yufala tude.”

Diutronomi 13:2

Nao taem datfala mirakol o bikfala samting hemi kamap, maet hemi tok olsem, ‘Yumi mas go fo wosipim olketa god wea yufala no bin save long olketa bifoa.’

Diutronomi 17:12

“Olketa jaj an olketa prist i duim waka blong Yawe, God blong yufala. So sapos eniwan hemi les long olketa, an hemi toknogud long wanem olketa talemaot, hemi mas dae. Hem nao wanem yufala mas duim fo tekemaot disfala ravis wei from ples blong yufala.

Diutronomi 18:20

Bat sapos wanfala profet hemi talemaot samfala toktok long nem blong mi wea mi no talem, oraet yufala mas kilim hem dae. An eni profet wea hemi toktok long nem blong olketa narafala god, yufala mas kilim hem dae tu.

Diutronomi 19:19

oraet, bae yufala mas panisim hem long semkaen panis hemi laekem narafala man fo garem. Hem nao wanem yufala mas duim fo tekemaot disfala ravis wei from ples blong yufala.

Diutronomi 21:21

So olketa man blong taon ya i mas sutim hem long ston go-go hemi dae. Long wei olsem yufala save aotem disfala ravis wei from yufala. Nao taem yufala duim olsem, olketa pipol blong Israel bae i herem nius, an bae olketa fraet.”

Diutronomi 22:21

Sapos hemi olsem, oraet, olketa lida mas tekem gele ya go long doa blong haos blong dadi blong hem. Den olketa man blong taon i mas sutim hem long ston go-go hemi dae. Gele ya hemi bin durong taem hemi stap yet long ples blong dadi blong hem an hemi mekem sem kam long pipol blong Israel. Yufala mas aotem disfala wei nogud from yufala.”

Diutronomi 24:7

“Sapos eni man hemi kasholem wanfala wantok blong hem an fosim hem fo kamap slev blong hem, o hemi salem hem olsem wanfala slev, oraet, yufala mas kilim hem dae. Yufala mas kilim hem dae fo aotem disfala wei nogud from yufala.

Diutronomi 28:54

An nomata wanfala gudfala man wea hemi kaen tumas, bat long datfala taem, bae hemi filnogud tumas from hanggre, so bae hemi kilim dae pikinini blong hem fo kaikaim mit blong hem. Bat bae hemi no save givim eni mit olsem long brata blong hem, o long waef blong hem wea hemi lavem hem tumas, o long olketa narafala pikinini blong hem wea i stap yet.

Diutronomi 29:18

So yufala mas lukaot an no letem eniwan fo tanem baeksaet blong hem long Yawe, God blong yufala. Nomata eni man, o eni woman, o eni famili, o eni traeb blong yufala, no eniwan nao save go wosipim olketa god blong olketa narafala pipol. Nogud eniwan long yufala hemi grouap olsem wanfala tri wea hemi garem poesen frut.

Diutronomi 8:14

Sapos yufala no lukaot gudfala, bae yufala save tinghae long yufala seleva, an bae yufala save fogetem Yawe, God blong yufala. Hem nao hemi tekemaot yufala finis long Ijip wea yufala bin waka olsem slev bifoa.

Kolosi 2:4

Mi talem diswan long yufala from mi no laekem eniwan fo laea long yufala long olketa barava suit toktok blong hem.

Josua 7:13

!Yu stanap an go long olketa pipol ya, an talem long olketa fo mekem olketa seleva klin moa long ae blong mi. An yu talem toktok blong mi long olketa olsem: ‘Mi nao Yawe, an mi nao God blong yufala olketa traeb blong Israel. Tumoro, yufala mas kam long mi, bikos yufala kipim nomoa samfala samting wea mi bin talem finis long yufala fo barava bonem. Sapos yufala gohed fo kipim olketa samting ya, bae yufala no save winim olketa enemi blong yufala.

2 Pita 2:1

Bifoa, plande laea profet nao olketa kamap long olketa pipol blong Israel. An long sem wei tu, bae olketa laea tisa kamap long yufala. Bae olketa talemaot olketa laea tising wea i save spoelem biliv blong yufala. An nomata Masta hemi sevem olketa from sin, bae olketa tanem baeksaet blong olketa moa long hem. An from olketa samting ya nao, bae olketa spoelem olketa seleva kuiktaem nomoa.

Revelesin 12:9

Olketa raosim hem wetem olketa enjel blong hem an torowem olketa godaon long wol. Bikfala snek ya, hem nao disfala snek blong bifoa kam yet. An hem nao olketa kolem hem “Devol” o “Seitan”, wea hemi save trikim evri pipol long wol fo duim olketa nogud samting.

Revelesin 13:14

Bikos hemi garem paoa fo mekem olketa mirakol long saet blong fas wael animol ya, hemi trikim evri pipol long wol. Hemi talem olketa pipol fo mekem wanfala kaving fo luk olsem fas wael animol ya, wea olketa bin kilim hem dae wetem naef fo faet bat hemi laefbaek moa.

Revelesin 20:3

Den enjel ya hemi torowem snek ya insaet long hol ya, an hemi satem doa blong disfala ples an hemi lokem strong. Bikfala snek ya bae hemi stap insaet long hol ya fo 1,000 yia, mekem hemi no save laea moa long olketa pipol long wol. Bat bihaen long 1,000 yia, bae enjel ya mas letem hem fri moa fo lelebet taem.

Jajis 10:6

An bihaen, pipol blong Israel i gohed moa fo duim olketa nogud samting long ae blong Yawe. Olketa lusim hem an wosipim olketa tambu kaving blong Baal an Astarot. Olketa gohed fo wosipim tu olketa god blong Siria, an olketa god blong Saedon, an olketa god blong Moab, an olketa god blong Amon, an olketa god blong Filistia.

Jajis 2:13

Olketa lusim hem an gohed fo wosipim disfala god Baal an disfala woman god Astarot.

Jajis 20:13

Yufala mas tekem kam olketa nogud man blong Gibea, mekem mifala kilim olketa dae. Yumi mas aotem ravis wei ya from lan blong yumi blong Israel.” Bat olketa long traeb blong Benjamin i nating wande herem disfala toktok blong olketa wantok blong olketa long olketa narafala traeb blong Israel.

Jajis 5:8

Taem pipol blong Israel i siusim olketa narafala god, faet hemi kamap, bat no eniwan long olketa 40,000 soldia blong Israel hemi garem spia o sil fo faet.

1 Samuel 18:1

Nao king wetem Deved, tufala stori long olketa samting wea Deved hemi mekem. An stat long de ya, king hemi kipim Deved wetem hem an no letem hem fo gobaek moa long ples blong hem. Long datfala taem, Jonatan hemi fren wetem Deved.

1 Samuel 18:3

An bikos hemi laekem Deved tumas, tufala mekem wanfala strong agrimen olsem tufala frengud olowe.

1 Samuel 20:17

Den Jonatan hemi mekem Deved fo hemi promis moa fo tinghevi long agrimen ya bikos Jonatan hemi laekem Deved tumas olsem hem seleva.