Diutronomi 11:7 - Pijin Deuterocanon

⁷ So, yufala save, yufala nao barava lukim wetem ae blong yufala seleva evri bikfala samting wea Yawe hemi bin duim.”

Pijin Bible

⁷ So, yufala save, yufala nao barava lukim wetem ae blong yufala seleva evri bikfala samting wea Yawe hemi bin duim.”

Diutronomi 11:7 ပူးပေါင်းရင်းမြစ်များ

Sams 106:2

?Hu nao hemi save talemaot evri gudfala samting wea Yawe hemi duim? No eniwan nao, bikos hemi ovarem wanem man save tingim. ?Hu nao hemi save talem evrisamting fo preisim Yawe? No eniwan nao, bikos hem bik winim save blong man.

Sams 145:12

Long wei ya nao bae evriwan save long olketa bikfala waka blong yu, an long gudfala wei ya wea yu rul long paoa blong yu.

Sams 150:2

Yumi preisim hem fo olketa bikfala samting wea hemi bin duim. Ya, yumi preisim hem bikos hemi barava hae fogud.

Diutronomi 11:6

Olketa pikinini blong yufala nao no lukim wanem Yawe hemi duim fo panisim Datan an Abiram, tufala san blong Eliab blong traeb blong Ruben, bat yufala ya lukim graon hemi open, an tufala ya wetem olketa famili blong tufala, an olketa haostent blong tufala, an olketa animol blong tufala i foldaon go insaet long graon.

Diutronomi 11:8

Mosis hemi gohed fo tok olsem, “Yufala mas obeim olketa lo wea mi givim long yufala tude, long disfala wei bae yufala garem paoa fo tekova long lan taem yufala go akros long Jodan riva fo tekem.

Diutronomi 27:10

So yufala mas obeim hem, an yufala mas falom olketa lo an olketa rul blong hem wea mi givim long yufala tude.”

Diutronomi 29:2

Oraet, Mosis hemi kolem kam olketa pipol blong Israel, an hemi tok olsem long olketa, “Yufala lukim finis evrisamting wea Yawe hemi mekem long King blong Ijip, an olketa bikman blong hem, an olketa pipol blong Ijip.

Diutronomi 4:3

Yufala lukim finis long ae blong yufala evrisamting wea hemi mekem long Baal-Peo. Olketa hu i bin wosipim disfala god Baal long Peo, Yawe hemi kilim olketa dae.

Diutronomi 5:3

Hemi no mekem wetem olketa olo blong yufala nomoa. Hemi mekem wetem yumi evriwan wea yumi stap tude.

Diutronomi 7:19

Hemi tekemaot yufala from olketa long strongfala han blong hem. Yufala bin lukim dat taem Yawe, God blong yufala, hemi tekemaot yufala from Ijip hemi yusim olketa mirakol, an paoa, an olketa samting wea i mekem man fraet tumas. Long sem wei, bae hemi spoelem olketa pipol wea yufala fraetem.

Josua 24:31

Taem wea Josua hemi laef yet, olketa traeb blong Israel i gohed fo falom nomoa Yawe. An bihaen long taem wea hemi dae finis, pipol blong Israel i gohed fo falom hem, go-go kasem taem wea olketa lida hu i bin lukim seleva olketa bikfala waka wea Yawe hemi bin duim fo Israel, olketa dae evriwan.