Diutronomi 11:13 - Pijin Deuterocanon

¹³ “Yufala mas barava obeim olketa lo wea mi givim long yufala distaem, an yufala mas lavem Yawe, God blong yufala, an yufala mas yusim evri tingting blong yufala an evri save blong yufala fo tinghevi long hem.

Pijin Bible

¹³ “Yufala mas barava obeim olketa lo wea mi givim long yufala distaem, an yufala mas lavem Yawe, God blong yufala, an yufala mas yusim evri tingting blong yufala an evri save blong yufala fo tinghevi long hem.

Diutronomi 11:13 ပူးပေါင်းရင်းမြစ်များ

1 Kings 3:3

King Solomon hemi lavem Yawe, an hemi obeim evri toktok wea dadi blong hem hemi bin tisim hem. Bat hem tu hemi gohed fo mekem olketa sakrifaes long olketa narafala tambuples ya, an hemi gohed fo bonem insens long olketa tu.

Sams 119:2

Olketa pipol hu i falom evri tising blong yu, an obeim hem long ful laef blong olketa, olketa ya nao i hapi.

Sams 119:4

Lod Yawe, yu bin givim finis olketa gudfala toktok blong yu long mifala, an yu bin talem mifala fo barava falom olketa toktok ya.

Jeremaea 17:24

“‘Bat mi talem yufala tru nao. Mi laek tumas fo yufala obeim olketa toktok blong mi. Mi laek fo yufala kipim Sabat de hemi tambu, an no karim kam eni hevi samting insaet long olketa geit long wolston blong taon long disfala de. Sapos yufala kipim Sabat de ya hemi tambu wea yufala no duim eni waka long hem,

Esikiel 34:26

Bae mi blesim olketa open ples an bus ya wea i raonem tambu maonten blong mi. Bae mi givim ren long olketa long barava taem blong hem, mekem lan hemi groum plande gudfala samting long hem.

Levitikas 26:3

“Sapos yufala falom olketa lo blong mi an obeim olketa toktok blong mi,

Levitikas 26:4

bae mi sendem kam ren fo yufala long barava taem blong hem, mekem yufala save garem plande kaikai long graon blong yufala, an olketa tri blong yufala save karim plande frut tu.

Diutronomi 10:12

Nao Mosis hemi gohed fo tok olsem, “Pipol blong Israel. ?Wanem nao Yawe, God blong yufala, hemi laekem yufala fo duim? Yufala mas tinghae long hem, an yufala mas falom olketa wei blong hem, an yumi mas lavem hem. An yufala mas yusim evri tingting blong yufala an evri save blong yufala fo tinghevi long hem.

Diutronomi 11:1

Mosis hemi gohed fo tok olsem, “Olowe nao Yufala mas lavem Yawe, God blong yufala, an obeim olketa lo an olketa rul an olketa strongfala toktok wea hemi talem long yufala.

Diutronomi 11:22

“Oltaem, tingting blong yufala i mas stap strong fo obeim olketa lo wea mi gohed fo givim long yufala tude. Yufala mas lavem Yawe, God blong yufala, an yufala mas falom olketa wei blong hem, an yufala mas tinghevi long hem.

Diutronomi 11:8

Mosis hemi gohed fo tok olsem, “Yufala mas obeim olketa lo wea mi givim long yufala tude, long disfala wei bae yufala garem paoa fo tekova long lan taem yufala go akros long Jodan riva fo tekem.

Diutronomi 28:1

Nao Mosis hemi tok moa olsem, “Sapos yufala barava obeim Yawe, God blong yufala, an falom gudfala toktok wea mi givim long yufala tude, oraet, bae hemi mekem yufala garem biknem winim olketa narafala pipol long wol.

Diutronomi 4:29

Bat long olketa narafala ples olsem, bae yufala save lukaotem Yawe, God blong yufala. An sapos yufala yusim evri tingting blong yufala an evri save blong yufala fo lukaotem hem, oraet bae yufala save faendem hem.

Diutronomi 6:17

Oltaem nomoa, yufala mas barava obeim olketa strongfala toktok blong Yawe, an olketa tising an olketa rul wea hemi bin talem long yufala.

Diutronomi 7:12

Mosis hemi gohed fo tok olsem, “Taem yufala gohed fo lisin long olketa lo ya, an yufala obeim olketa, Yawe, God blong yufala, bae hemi kipim agrimen blong hem an lavem yufala tumas olsem hemi bin promis long olketa olo blong yufala.