Diutronomi 1:1 - Pijin Deuterocanon

^1-5 Disfala buk hemi garem olketa toktok wea Mosis hemi talemaot long pipol blong Israel taem olketa stap long drae eria blong Moab, long vali blong Jodan Riva, kolsap long ples long Suf an long midol long olketa taon olsem: Paran, Tofel an Laban an Haserot an Disahab. Bifoa olketa kasem disfala eria blong Moab, Mosis hemi bin winim Paramaon Sif Sihon blong laen blong Amoa long Hesbon, an hemi bin winim Paramaon Sif Og blong Basan an tufala taon blong hem nao Astarot an Edrei. Sapos eniwan hemi lusim Horeb fo wakabaot long rod long maonten long Seia fo kam kasem Kades-Banea, hemi mas wakabaot long rod ya fo levenfala de. Nomata olsem, Mosis hemi talem disfala toktok long mekfoti yia bihaen long taem olketa lusim Ijip. Hemi long fas de blong mekleven mans blong datfala yia, an olketa stap yet long eria blong Moab long narasaet Jodan Riva long ist, taem Mosis hemi talemaot gud nao lo blong spesol agrimen blong Yawe.

Pijin Bible

^1-5 Disfala buk hemi garem olketa toktok wea Mosis hemi talemaot long pipol blong Israel taem olketa stap long drae eria blong Moab, long vali blong Jodan Riva, kolsap long ples long Suf an long midol long olketa taon olsem: Paran, Tofel an Laban an Haserot an Disahab. Bifoa olketa kasem disfala eria blong Moab, Mosis hemi bin winim Paramaon Sif Sihon blong laen blong Amoa long Hesbon, an hemi bin winim Paramaon Sif Og blong Basan an tufala taon blong hem nao Astarot an Edrei. Sapos eniwan hemi lusim Horeb fo wakabaot long rod long maonten long Seia fo kam kasem Kades-Banea, hemi mas wakabaot long rod ya fo levenfala de. Nomata olsem, Mosis hemi talem disfala toktok long mekfoti yia bihaen long taem olketa lusim Ijip. Hemi long fas de blong mekleven mans blong datfala yia, an olketa stap yet long eria blong Moab long narasaet Jodan Riva long ist, taem Mosis hemi talemaot gud nao lo blong spesol agrimen blong Yawe.

Diutronomi 1:1 ပူးပေါင်းရင်းမြစ်များ

Jenesis 21:21

An mami blong hem, hemi tekem kam wanfala gele blong Ijip fo hemi maritim.

1 Kings 11:18

Olketa ya i goaot from Midian fo go long Paran, an samfala blong Paran i joenem olketa tu. Den olketa go long Ijip fo go lukim king blong Ijip. King ya hemi givim samfala graon an wanfala haos long Hadad, an hemi gohed fo givim kaikai long hem tu.

Habakuk 3:3

Holi God hemi kam from Idom, an from olketa hil long Paran. Saen long bikfala paoa blong hem hemi kavarem skae. An evri pipol long disfala wol i gohed fo mekhae long hem.

Nambas 10:12

So olketa pipol blong Israel i muvaot from bikfala drae eria long Saenae. Bihaen, klaod ya hemi kamdaon moa long drae eria long Paran.

Nambas 11:35

An olketa lusim datfala ples fo go long Haserot. An long Haserot olketa mekem ples blong olketa fo stap.

Nambas 12:16

An bihaen, olketa muvaot from ples long Haserot fo go stap long drae eria long Paran.

Nambas 13:26

Olketa kam long ples long Kades long drae eria long Paran wea Mosis an Eron an olketa pipol blong Israel i stap long hem. Olketa talemaot evrisamting wea olketa lukim, an som tu olketa frut wea olketa karim kam.

Nambas 32:19

An bae mifala nating save tekova long lan long narasaet Jodan Riva, bikos lan blong mifala nao hemi long ist saet.”

Nambas 32:32

Bae mifala save holem evrisamting fo faet an go fastaem long Tambu Boks blong Yawe, an go insaet long Kenan, mekem mifala tekem lan long disfala saet long Jodan Riva.”

Nambas 32:5

So sapos yu hapi tumas long mifala, plis givim kam disfala lan long mifala fo stap long hem. An plis no mekem mifala fo go akros long Jodan Riva.”

Nambas 33:20

Afta olketa lusim Rimon-Peres, olketa stap kam long Libna.

Nambas 33:21

Afta olketa lusim Libna, olketa stap kam long Risa.

Nambas 34:15

Lan blong olketa ya, olketa tekem finis long ist saet long Jodan Riva, long narasaet long riva from Jeriko.”

Nambas 35:14

Nao trifala taon olsem bae i stap long saet blong Jodan Riva long ist, an nara trifala bae i stap long narasaet long Kenan.

Diutronomi 2:8

“So yumi goraon long eria blong olketa wantok long laen blong Iso. An yumi lusim rod wea hemi go long Ded Si an tufala taon long Elat an Esion-Geba. Den yumi gogo fo kasem drae eria long Moab.

Diutronomi 27:1

Nao Mosis hemi stanap wetem olketa lida blong Israel, an hemi tok olsem long olketa pipol, “Yufala mas obeim olketa lo mi givim long yufala tude.

Diutronomi 29:1

Hem nao toktok blong spesol agrimen wea Yawe hemi mekem wetem pipol blong Israel, wea hemi talem Mosis fo talemaot long olketa, taem olketa stap long eria blong Moab. Disfala spesol agrimen hemi adem go moa long spesol agrimen wea Yawe hemi mekem wetem olketa bifoa long maonten long Horeb.

Diutronomi 31:1

Mosis hemi tok moa long pipol blong Israel.

Diutronomi 33:2

“Yawe hemi aot long maonten long Saenae, hemi kam long yufala. Hemi kam long yufala olsem san wea hemi kamap narasaet long eria blong Idom. An laet blong hem hemi saenaot from maonten long Paran an hemi kam kasem yufala. Hemi garem 10,000 enjel wea i kam wetem hem, an hemi holem bikfala faea long raet han blong hem.

Diutronomi 5:1

Nao Mosis hemi kolem pipol blong Israel fo kam tugeta. an hemi tok olsem long olketa, “!Olketa! Yufala lisingud long olketa lo an olketa rul wea bae mi talemaot long yufala distaem. Yufala mas lanem olketa ya, an oltaem yufala mas obeim.

Josua 22:4

Distaem God hemi mekem olketa wantok blong yufala fo stap gudfala long lan blong olketa, olsem wea hemi bin promisim bifoa. An hemi gud tumas fo yufala gobaek nao long olketa ples blong yufala, long lan wea yufala onam narasaet long Jodan Riva, wea Mosis bin givim finis long yufala bifoa.

Josua 3:16

wata ya hemi stop nao. Haf long riva wea hemi gohed fo ran kamdaon, hemi hipap farawe tumas kolsap long taon long Adam wea hemi kolsap long ples long Saretan. An narafala haf long riva wea hemi gohed fo ran godaon kasem Ded Si hemi kamap barava drae nao. Evriwan i go akros nao long narasaet kolsap long Jeriko.

Josua 9:1

Josua wetem olketa blong Israel i bin winim faet long Jeriko an Ai, an nius abaotem diswan hemi kasem olketa paramaon sif long evri ples long west saet long Jodan Riva. Olketa paramaon sif ya i from laen blong Het, an laen blong Amoa, an laen blong Kenan, an laen blong Peres, an laen blong Hivi, an laen blong Jebus. Olketa ya i stap kam long olketa ples long olketa hil, an long olketa smolfala hil long west, an long olketa flat ples kolsap long Mediterenian Si, go-go kasem kantri long Lebanon long not. Olketa evriwan i herem nius abaotem hao Josua wetem olketa pipol blong Israel i winim olketa enemi blong olketa long faet.

Josua 9:10

An mifala herem tu wanem hemi duim long tufala paramaon sif ya long Amoa long narasaet Jodan Riva long ist, Sif Sihon blong Hesbon, an Sif Og blong Basan, wea kapitol taon blong hem nao Astarot.

1 Samuel 25:1

Profet Samuel hemi dae, an evriwan long Israel i kam tugeta an krae fo hem. Bihaen, olketa berem hem long ples blong hem long Rama. Bihaen long taem ya, Deved hemi go long drae eria long Paran.