Aposol 28:1 - Pijin Deuterocanon

¹ Taem mifala evriwan kasem soa gudfala, mifala jes faendemaot nao wea aelan ya nem blong hem Molta.

Pijin Bible

¹ Taem mifala evriwan kasem soa gudfala, mifala jes faendemaot nao wea aelan ya nem blong hem Molta.

Aposol 28:1 ပူးပေါင်းရင်းမြစ်များ

Aposol 13:6

Trifala wakabaot go, go-go olketa kasem biktaon long Pefos wea hemi stap long narasaet long aelan ya. An long ples ya nao olketa mitim wanfala man blong Jiu, nem blong hem Bajisas. Hemi wanfala laea profet wea hemi save mekem majik.

Aposol 16:10

So taem Pol hemi lukim drim ya finis, semtaem nomoa mifala mekredi nao fo go long Masedonia, bikos mifala luksave dat God hemi kolem mifala fo go talemaot disfala Gudnius long olketa pipol long Masedonia.

Aposol 27:1

Taem olketa talemaot finis wea bae mifala mas go long sip fo go long kantri long Itali, olketa givim Pol wetem samfala man moa long prisin, long han blong wanfala bikman blong ami. Hemi soldia blong bikfala King long Rom an nem blong hem Jiulias.

Aposol 27:26

Bat nomata olsem, bae yumi mas flot go kasem wanfala aelan ya.”

Aposol 27:39

Taem delaet nomoa, no eniwan hemi luksave long ples ya nao. Bat olketa lukim wanfala bei wea sanbis hemi stap long hem. So olketa tingting fo mekem sip fo go long soa long ples ya.

Aposol 27:44

An evriwan moa hu i stap, olketa mas holem olketa haf timba o enisamting moa from sip ya, an flot go long soa. So hem nao hao mifala evriwan i go kasem soa, an no eniwan hemi lus.