Aposol 2:47 - Pijin Deuterocanon

⁴⁷ An oltaem olketa gohed fo preisim God, an olketa pipol olketa gohed moa fo tinghae long olketa. An long evri de nomoa, Masta hemi sevem samfala pipol moa wea hemi joenem olketa kam long seksin blong olketa.

Pijin Bible

⁴⁷ An oltaem olketa gohed fo preisim God, an olketa pipol olketa gohed moa fo tinghae long olketa. An long evri de nomoa, Masta hemi sevem samfala pipol moa wea hemi joenem olketa kam long seksin blong olketa.

Aposol 2:47 ပူးပေါင်းရင်းမြစ်များ

Gudnius abaotem Jisas Kraes wea Luk hemi raetem 19:48

Bat olketa no save faendem eni wei fo duim diswan, bikos evri pipol olketa stap wetem hem oltaem fo herem evri toktok blong hem.

Gudnius abaotem Jisas Kraes wea Luk hemi raetem 2:52

An Jisas hemi gohed fo grouap moa, an hemi gohed fo kamap waes fogud tu. An God hemi barava hapi tumas wetem hem, an olketa pipol i hapi tumas long hem tu.

Aposol 11:21

Paoa blong Masta hemi stap wetem olketa, an go-go plande long olketa pipol ya i biliv an olketa stat fo falom Masta nao.

Aposol 11:24

Banabas hemi wanfala gudfala man, wea Holi Spirit hemi barava stap wetem hem an hemi garem strongfala biliv. An taem ya, plande pipol moa olketa stat fo biliv long Masta.

Aposol 13:48

Taem olketa pipol hu i no Jiu olketa herem diswan nomoa, olketa barava hapi fogud nao, an olketa toktengkiu long Masta from disfala gudfala mesij blong hem. An olketa wea God hemi bin siusim olketa finis fo garem disfala tru laef wea hemi no save finis, olketa biliv long hem nao.

Aposol 14:1

Long taon long Aekoniam tu Pol an Banabas tufala go insaet long preahaos blong olketa Jiu fastaem. An tufala talemaot mesij ya long wei wea plande long olketa Jiu an olketa hu i no Jiu olketa stat fo biliv nao.

Aposol 14:21

Tufala gohed fo talemaot disfala Gudnius long taon long Debe, an go-go tufala mekem plande pipol nao fo kamap Kristin. An bihaen, tufala gobaek moa long Listra an Aekoniam an Antiok long Pisidia,

Aposol 16:5

Nao long wei ya, olketa sios olketa gohed fo kamap strong moa long wei blong biliv. An evri de nomoa, plande pipol moa olketa kam fo joenem olketa.

Aposol 17:12

An plande long olketa Jiu nao olketa biliv. An long olketa Grik tu, plande long olketa bik woman an olketa man olketa stat fo biliv.

Aposol 2:39

Bikos disfala promis blong God, hemi fo yufala an fo olketa pikinini blong yufala, an fo olketa hu i stap long farawe ples tu. Ya, disfala promis hemi fo evriwan wea God Masta blong yumi, hemi kolem olketa kam.”

Aposol 2:41

Olketa hu i bilivim toktok blong Pita olketa baptaes nao. An long disfala de ya, samting olsem 3,000 pipol nao olketa joenem seksin blong olketa.

Aposol 4:21

Nao olketa bikman blong Kansol olketa wonem tufala go moa, bat bihaen ya, olketa letem tufala fo go fri nomoa. Hemi had tumas fo olketa panisim tufala, bikos olketa luksave finis wea olketa pipol olketa go-gohed fo preisim God from wanem hemi bin hapen.

Aposol 4:33

An olketa aposol olketa talemaot toktok abaotem Jisas Masta blong yumi, hu hemi barava laefbaek moa from dae. An toktok blong olketa hemi garem paoa tumas, an God hemi blesim olketa tumas tu ya.

Aposol 4:4

Bat plande pipol hu olketa herem toktok blong tufala, olketa barava bilivim nao. An olketa pipol hu i biliv ya, olketa go kasem samting olsem 5,000 distaem.

Aposol 6:1

Long disfala taem ya, olketa disaepol olketa go-gohed fo kamap plande moa. Nao olketa hu i save toktok long Grik olketa stat fo komplen long olketa nara disaepol hu i stap kam long Jerusalem nomoa. An olketa sei olsem, “Long evri de yufala save helpem olketa hu i sot long kaikai, bat yufala no save helpem gud olketa wido woman blong mifala ya.”

Aposol 6:7

Toktok blong God hemi go-gohed fo go kasem plande ples tumas nao. An olketa disaepol long Jerusalem olketa go-gohed fo kamap plande tumas moa. An plande long olketa prist tu olketa stat fo biliv long Jisas.

Aposol 9:31

Nao long taem ya, olketa pipol blong sios insaet long olketa provins long Jiudia an Galili an Samaria, no eniwan hemi faetem olketa moa. Holi Spirit hemi gohed fo helpem olketa, an hemi mekem sios fo ka-kamap strong moa, an hemi mekem namba blong olketa pipol fo kamap plande moa. An olketa gohed fo mekhae long Masta oltaem.

Aposol 9:35

An bihaen, evriwan hu i stap long Lida an long eria long Saron olketa stat fo biliv long Masta taem olketa lukim Aenias.

Leta wea Pol hemi raetem go long sios long Rom 14:18

Eniwan hu hemi waka fo Kraes long wei olsem, bae God hemi hapi long hem an olketa pipol tu bae hapi long hem.

Leta wea Pol hemi raetem go long sios long Rom 8:30

An olketa pipol wea God hemi bin siusim, hemi bin kolem olketa tu. An hemi mekem olketa stret long ae blong hem, an mekem nambawan laef blong hem saenaot long laef blong olketa.

Leta wea Pol hemi raetem go long sios long Rom 9:27

An Aesaea hemi tokabaotem olketa pipol blong Israel, wea hemi singaot olsem, “Nomata pipol blong Israel olketa plande tumas olsem sanbis long saet si, bae samfala nomoa God hemi sevem olketa.

1 Korin 1:18

Disfala toktok abaotem dae blong Kraes long kros, hemi olsem toktok krangge long olketa hu i go-gohed fo lus from God. Bat yumi hu God hemi se-sevem yumi, yumi save dat disfala toktok nao hemi paoa blong God fo sevem yumi.