Aposol 17:10 - Pijin Deuterocanon

¹⁰ Semtaem long naet nomoa, olketa Kristin i sendem Pol an Saelas tufala go haed long taon long Berea. An taem tufala kasem Berea, tufala go long preahaos blong olketa Jiu nao.

Pijin Bible

¹⁰ Semtaem long naet nomoa, olketa Kristin i sendem Pol an Saelas tufala go haed long taon long Berea. An taem tufala kasem Berea, tufala go long preahaos blong olketa Jiu nao.

Aposol 17:10 ပူးပေါင်းရင်းမြစ်များ

Aposol 1:15

Bihaen samfala de i gopas finis, kolsap 120 long olketa hu i biliv, olketa hipap tugeta. Nao Pita hemi stanap an hemi tok olsem,

Aposol 15:22

Nao olketa aposol an olketa nara lida wetem evriwan long sios, olketa agri fo siusim tufala man long olketa, an sendem olketa go long Antiok wetem Pol an Banabas. So olketa siusim tufala man wea olketa barava tinghae long tufala. Tufala ya nao Saelas wetem Jiudas wea nara nem blong hem Basabas.

Aposol 17:1

Pol an Saelas tufala wakabaot gopas nomoa long tufala taon long Amfipolis an Apolonia, an tufala go kasem taon long Tesalonaeka. Olketa Jiu i garem wanfala preahaos long taon ya,

Aposol 17:2

an Pol hemi go fo prea wetem olketa olsem hemi save duim oltaem. Long trifala Sabat de nao hemi go an stori wetem olketa an hemi ridim olketa toktok long Buktambu,

Aposol 17:4

Nao samfala long olketa Jiu olketa biliv long toktok ya, an olketa joen wetem Pol an Saelas nao. An plande pipol blong Grik hu i wosipim God, wetem plande long olketa bik woman long ples ya, olketa joen wetem Pol an Saelas tu.

Aposol 17:6

Bat taem olketa no faendem tufala ya, olketa kasholem nomoa Jeson an samfala nara Kristin moa, an olketa pulum olketa go stanap long frant blong olketa bikman blong taon ya. An olketa singaot bikfala olsem, “Tufala man wea tufala bin mekem tumas trabol long evri ples finis, tufala kam kasem taon blong yumi nao.

Aposol 20:4

An samfala man hu i go-go wetem hem nao i olsem, Sopata blong Berea hu hemi san blong Piras, an Aristakas wetem Sekandas blong Tesalonaeka, an Gaeas blong Debe, an Tikikas wetem Trofimas blong provins long Esia, an Timoti moa.

Aposol 9:20

Hemi go stret nomoa insaet long olketa preahaos blong olketa Jiu, an hemi talemaot dat Jisas nao hemi barava San Blong God.

Aposol 9:25

An long wanfala naet, olketa disaepol blong Sol olketa putum hem insaet long wanfala basket, an olketa daonem basket ya godaon aotsaet long wanfala windo long bikfala wolston ya.

1 Tesalonaeka 2:2

An yufala save tu dat taem mifala stap yet long taon long Filipae, olketa pipol barava spoelem mifala tumas an olketa tok nogud tu long mifala. Bat nomata plande pipol olketa agensim mifala, God blong yumi nao hemi strongim tingting blong mifala fo talemaot Gudnius blong hem long yufala.

1 Samuel 20:42

Den Jonatan hemi tok olsem long Deved, “Yu go an yu no wari moa. An yu tingim dat yumitufala bin mekem wanfala agrimen long nem blong Yawe. An bae hemi lukluk long yumitufala wetem laen blong yumitufala fo meksua yumi evriwan i kipim disfala agrimen olowe.” Nao Deved hemi lusim ples ya, an Jonatan hemi gobaek long taon.