Aesaea 40:27 - Pijin Deuterocanon

²⁷ Pipol blong Israel. Yufala evriwan i tok olsem, “Yawe hemi no luksave nomoa long olketa trabol blong mi. Ya, hemi no wari nomoa taem hadtaem hemi kasem mi.” ?Waswe nao yufala komplen long Yawe olsem?

Pijin Bible

²⁷ Pipol blong Israel. Yufala evriwan i tok olsem, “Yawe hemi no luksave nomoa long olketa trabol blong mi. Ya, hemi no wari nomoa taem hadtaem hemi kasem mi.” ?Waswe nao yufala komplen long Yawe olsem?

Aesaea 40:27 ပူးပေါင်းရင်းမြစ်များ

Stori abaotem Job 23:14

Bae hemi duim wanem hemi bin planem fo duim long mi. An plande plan moa i stap finis insaet long maen blong hem.

Stori abaotem Job 27:2

Hemi barava tru tumas wea God hemi no letem mi fo garem raet blong mi. Ya, God hu hemi garem evri paoa hemi mekem laef blong mi fo kamap barava nogud tumas.

Stori abaotem Job 34:5

Job hemi bin tok olsem, “Laef blong mi hemi stret nomoa, bat God hemi no letem mi fo garem raet blong mi.

Aesaea 25:1

Yawe. Yu nao yu God blong mi. Bae mi preisim yu, an liftimap nem blong yu. Yu gohed fo duim olketa bikfala samting, wea pipol i sapraes tumas long hem. Fo longtaem nao yu bin planem fo duim olketa samting ya, bikos yu nao yu kipim promis blong yu olowe.

Aesaea 44:21

Yawe hemi tok moa olsem, “Pipol blong Israel, yufala mas tingim olketa toktok ya wea mi bin talem. Yufala olketa wakaman blong mi ya. Mi nao mi mekem yufala, an mi no save fogetem yufala.

Aesaea 49:14

Bat olketa pipol blong Jerusalem i tok olsem, “!Yawe hemi lusim yumi finis! !Hemi fogetem yumi nao!”

Aesaea 49:4

Bat mi tok olsem, ‘Mi bin gohed fo waka had, bat kolsap fo mi givap nomoa. Mi bin yusim ful paoa blong mi, bat hemi yusles nomoa.’ Nomata olsem, Yawe hu hemi God blong mi, bae hemi jajem waka blong mi. Bae hemi givim gudfala samting long mi long wanem mi bin duim.

Aesaea 54:8

Fo lelebet taem nomoa mi bin kros long yufala an mi bin lusim yufala. Bat mi tinghevi long yufala olowe nao, an bae mi sore tumas long yufala.” Hem nao toktok blong Yawe hu hemi mekem yufala fri.

1 Samuel 27:1

Bihaen, Deved hemi tingting seleva olsem, “Ating wanfala de, King Sol bae hemi kilim mi dae. Hemi moabeta mi ranawe go stap long Filistia. Sapos mi stap long dea, bae hemi save givap an no lukaotem mi long Israel, an bae hemi no save spoelem mi.”