3 Jon 1:8 - Pijin Deuterocanon

⁸ So hemi fitim fo yumi lukaftarem olketa man olsem, mekem yumi evriwan save waka tugeta fo talemaot disfala tru toktok.

Pijin Bible

⁸ So hemi fitim fo yumi lukaftarem olketa man olsem, mekem yumi evriwan save waka tugeta fo talemaot disfala tru toktok.

3 Jon 1:8 ပူးပေါင်းရင်းမြစ်များ

Sams 94:16

Yawe nomoa hemi helpem mi an hemi saetem mi fo agensim olketa nogud pipol ya.

Matiu 10:14

An sapos olketa pipol long wanfala haos o long wanfala taon olketa no laekem fo yufala stap wetem olketa, an olketa no laek fo herem toktok wea yufala talem long olketa, oraet, yufala go nomoa from disfala ples ya. An long semtaem, yufala mas sekemaot graon long lek blong yufala nao.

Matiu 10:40

Jisas hemi sei moa, “Eniwan hu hemi kaen long yufala, hemi kaen long mi tu ya. An eniwan hu hemi kaen long mi, hemi kaen long God hu hemi sendem mi kam tu.

Gudnius abaotem Jisas Kraes wea Luk hemi raetem 11:7

Nao man wea hemi stap insaet long haos ya hemi tok olsem, ‘!Ei man! Yu no mekem mi fo hadwaka moa. Doa hemi sat finis ya, an mi wetem olketa pikinini blong mi, mifala slip finis nao. Mi talem yu stret, mi no save getap an givim enisamting long yu nao.’

2 Korin 6:1

Mifala waka tugeta wetem God, an askem strong long yufala fo no tekem olsem samting nating, disfala kaenfala lav wea God hemi somaot long yufala.

2 Korin 8:23

Yufala save long Taetas finis, hemi fren blong mi an hemi waka tugeta wetem mi fo helpem yufala. An nara tufala brata ya, tufala nao kam long nem blong olketa sios, an waka blong tufala i haemapem nem blong Kraes.

Filipae 4:3

An yu Susuge, wea yu stap tugeta wetem mi long waka, yu tu mas helpem tufala woman ya. Tufala bin wakahad fo talemaot Gudnius wetem mi an wetem Klemen an olketa narawan moa wea nem blong olketa i stap insaet long buk blong laef.

Kolosi 4:11

Josua hu nara nem blong hem Jastas, hem tu hemi talem halo go long yufala ya. An long olketa Jiu wea olketa kamap Kristin, disfala trifala man ya nomoa olketa gohed fo waka wetem mi fo tokabaotem kingdom blong God. An trifala ya nao i barava helpem mi tumas ya.

1 Tesalonaeka 3:2

an mitufala sendem go brata blong yumi Timoti fo kam long yufala. Timoti tu hemi wakaman blong God fo talemaot Gudnius abaotem Kraes. Mitufala sendem hem kam fo strongim moa biliv blong yufala.

Filimon 1:2

An mitufala raetem tu disfala leta go long olketa Kristin wea olketa save kam oltaem fo prea long haos blong yu, wetem Apia Kristin fren blong mitufala, an Akipas hu hemi wakahad fo duim gudfala waka olsem mitufala.

Filimon 1:24

Mak, an Aristakas, an Dimas, an Luk, hu olketa waka tugeta wetem mi, olketa talem halo go long yu.

3 Jon 1:10

So taem mi kam fo lukim yu, bae mi talemaot olketa ravis samting wea hemi save duim, olsem olketa ravis samting wea hemi talem agensim mifala. An narasamting moa, hemi nating laek fo lukaftarem olketa Kristin fren taem olketa kasem sios ya. An sapos olketa narawan i wande helpem olketa ya, Daeotrefis hemi stopem olketa fo no duim diswan an hemi raosim olketa from sios ya tu.

3 Jon 1:7

Bikos olketa ya i goaot fo duim waka blong Kraes, an olketa no save tekem enisamting from olketa hu i no biliv long God.

3 Jon 1:9

Mi raetem finis wanfala sot leta go long olketa pipol long sios, bat Daeotrefis hemi wande haemapem hem seleva olowe an hemi nating laek fo herem toktok blong mi.