2 Tesalonaeka 1:3 - Pijin Deuterocanon

³ Olketa Kristin fren, oltaem nomoa mifala talem tengkiu long God fo yufala evriwan. An hemi gud fo mifala duim olsem, bikos oltaem nomoa biliv blong yufala hemi gohed fo grou strong moa, an lav wea yufala garem fo evriwan hemi gohed fo bikfala moa.

Pijin Bible

³ Olketa Kristin fren, oltaem nomoa mifala talem tengkiu long God fo yufala evriwan. An hemi gud fo mifala duim olsem, bikos oltaem nomoa biliv blong yufala hemi gohed fo grou strong moa, an lav wea yufala garem fo evriwan hemi gohed fo bikfala moa.

2 Tesalonaeka 1:3 ပူးပေါင်းရင်းမြစ်များ

Stori abaotem Job 17:9

Samfala man i sei, “Eniwan hu hemi falom God, bae hemi no save foldaon. An laef blong man hu hemi no duim eni rong samting, bae hemi gohed fo kamap strong moa.”

Sams 84:7

Taem olketa pipol ya i stap long Saeon, olketa kamap strong moa, bikos olketa bae lukim yu God hu hemi hae tumas long olketa narafala god wea yu stap long ples ya.

Sams 92:13

Ya, bae olketa stap olowe insaet long Tambuhaos blong Yawe. An bae olketa garem gudfala laef long Tambuhaos blong God.

Provebs 4:18

Bat stretfala wei hemi olsem fas laet long moning, hemi gohed fo saen gogo hemi olsem san hemi kamap.

Gudnius abaotem Jisas Kraes wea Luk hemi raetem 15:32

Bat mifala mas mekem fist an mifala mas hapi, bikos brata blong yu ya hemi lus from yumi an hemi olsem hemi dae finis, bat distaem hemi kambaek an hemi olsem hemi laefbaek moa.’”

Gudnius abaotem Jisas Kraes wea Luk hemi raetem 17:5

Olketa aposol olketa tok olsem long Masta, “Plis, yu mekem biliv blong mifala fo kamap strongfala moa.”

Gudnius abaotem Jisas Kraes wea Jon hemi raetem 15:2

Hemi katemaot eni brans blong mi sapos hemi no garem frut. Bat hemi klinim an katemsot nomoa evri brans wea hemi garem frut, mekem olketa save garem plande frut moa.

Leta wea Pol hemi raetem go long sios long Rom 1:8

Fastaem, mi laek fo talem dat nius abaotem wei wea yufala biliv long God hemi kasem evri ples nao. So long nem blong Jisas Kraes mi toktengkiu long God fo yufala.

1 Korin 1:4

Mi tengkiu oltaem long God blong mi, bikos hemi givim kaenfala lav blong hem long yufala hu i stap joen wetem Jisas Kraes.

2 Korin 10:15

An i no wei blong mifala fo tokpraod abaotem waka wea olketa nara pipol nao bin duim. Nomoa. Mifala barava laekem biliv blong yufala fo hemi grou, mekem waka blong mifala long yufala hemi bikfala moa.

Efesas 5:20

Oltaem, yufala mas talem tengkiu long God Dadi ya fo evrisamting, long nem blong Jisas Kraes Masta blong yumi.

Filipae 1:7

Yufala stap olowe long maen blong mi, so hemi fitim fo mi tingim yufala olsem. Yufala evriwan nao i joen wetem mi long disfala waka wea God hemi givim kam long yumi. An diswan hemi tru nomata mi stap insaet long prisin. An hemi tru tu taem mi stap fri fo somaot long olketa pipol dat Gudnius hemi truwan an mi helpem olketa fo biliv long hem.

Filipae 1:9

Mi prea dat lav blong yufala hemi mas gohed fo grou moa, mekem yufala garem gudfala save an evri stretfala tingting.

1 Tesalonaeka 3:12

An letem Masta blong yumi hemi strongim lav blong yufala fo evriwan an fo evri narafala pipol, olsem wea mifala lavem yufala tu.

1 Tesalonaeka 3:6

Bat distaem Timoti hemi kambaek nao long mifala, an hemi talem dat biliv blong yufala hemi strong an yufala barava lavem tumas olketa pipol. An hemi talem tu dat yufala hapi tumas taem yufala tingim mifala, an yufala laekem tumas fo lukim mifala, olsem mifala tu wande lukim yufala.

1 Tesalonaeka 3:9

Mifala barava talem tengkiu tumas long God, bikos long ae blong God yufala nao mekem mifala hapi tumas.

1 Tesalonaeka 4:1

Olketa Kristin fren, mifala talem yufala finis abaotem watkaen laef nao yufala mas falom fo mekem God hemi hapi tumas long yufala. Hem nao disfala laef wea yufala falom kam kasem distaem. Bat long nem blong Jisas Masta blong yumi, mifala talem strong long yufala fo traehad fo falom gud disfala laef ya.

2 Tesalonaeka 2:1

Olketa Kristin fren, hemi gud fo tingim wei wea Jisas Kraes Masta blong yumi bae hemi kambaek moa an bae hemi mekem yumi stap tugeta wetem hem.

2 Tesalonaeka 2:13

Olketa Kristin fren, Masta blong yumi hemi lavem yufala tumas. Ya, hemi fitim fo mifala talem tengkiu long God fo yufala, bikos God hemi siusim yufala, mekem yufala nao olketa faswan fo hemi sevem. Hemi sevem yufala bikos Holi Spirit hemi mekem yufala holi an bikos yufala biliv long disfala tru toktok.

1 Pita 1:22

Bikos yufala bin obeim disfala tru toktok, yufala bin mekem laef blong yufala klin from sin, an yufala save lavem olketa Kristin. An distaem, yufala mas lavem yufala evriwan long ful maen blong yufala.

2 Pita 1:13

Tingting blong mi hemi olsem, taem mi laef yet, hemi gud tumas fo mi talem yufala moa abaotem olketa samting ya, mekem yufala no fogetem.

2 Pita 3:18

Bat evritaem, yufala mas letem kaenfala lav blong Masta an Sevia long yumi Jisas Kraes hemi grou strong long yufala, an yufala mas mekem save abaotem hem hemi grou strong tu. Yumi mekhae long hem distaem an olowe nao. Amen.