2 Samuel 22:8 - Pijin Deuterocanon

⁸ Bikos God hemi barava kros tumas, graon long wol hemi seksek, an skae antap tu hemi tanda.

Pijin Bible

⁸ Bikos God hemi barava kros tumas, graon long wol hemi seksek, an skae antap tu hemi tanda.

2 Samuel 22:8 ပူးပေါင်းရင်းမြစ်များ

2 Samuel 23:7

Nilagras olsem, man mas yusim aean huk o spia fo karim go an bonem long faea.

Stori abaotem Job 26:11

Taem hemi tokstrong long olketa pos wea i holemap skae, olketa fraet, an seksek fogud olsem wanfala man.

Sams 18:7

Bikos God hemi kros tumas long olketa enemi blong mi, hem nao graon long wol ya hemi seksek fogud, an botom blong olketa maonten tu i seksek.

Sams 68:8

Yu nao God hu yu somaot paoa blong yu long maonten long Saenae, an yu nao God blong mifala pipol blong Israel. An long taem wea yu kam, graon hemi seksek, an bikfala ren tu hemi kam.

Sams 77:18

Yu mekem tanda ya hemi bosta bikfala fogud, an yu mekem laetning ya hemi laet long evri ples long wol, nao graon hemi seksek olsem man wea hemi fraet an hemi seksek.

Sams 77:19

Yu bin wakabaot long olketa wev, an yu bin katkros long dipsi, bat no eniwan hemi lukim yu nomoa.

Sams 97:4

Taem laetning blong hem hemi saen kam long evri ples, graon hemi barava seksek nao olsem man wea hemi fraet an hemi seksek.

Neiham 1:5

Taem hemi kam, olketa bikfala maonten i seksek, an olketa smolfala hil i kamap sof olsem wata wea hemi randaon. Disfala wol wetem evriwan hu i stap long hem, i fraet an seksek.

Matiu 27:51

Long semtaem tu, disfala bikfala kaleko wea hemi hangdaon insaet long Tambuhaos ya, hemi brek long midol long hem nao, stat kam long antap go-go kasem long botom. An etkuek hemi sekem graon, an hemi mekem olketa bikfala ston fo brek.

Matiu 28:2

!An seknomoa, wanfala bikfala etkuek hemi sekem evrisamting nao! An wanfala enjel blong God hemi kamdaon long heven, an hemi rolem go disfala ston an hemi go sidaon antap long hem nao.

Aposol 4:31

Taem olketa prea finis, disfala haos wea olketa hipap tugeta long hem ya, hemi seksek nao. An olketa evriwan olketa fulap long Holi Spirit, an bihaen ya, olketa gohed strong fo talemaot toktok blong God nao.

Jajis 5:4

Lod Yawe, taem yu bin somaot paoa blong yu long Seia long lan blong Idom, bikfala ren hemi foldaon kam from olketa klaod long skae an graon hemi seksek tumas.