2 Samuel 22:2 - Pijin Deuterocanon

² Singsing ya hemi olsem: Yawe nao hemi strongfala Rok wea hemi sefples blong mi. Hemi sevem mi.

Pijin Bible

² Singsing ya hemi olsem: Yawe nao hemi strongfala Rok wea hemi sefples blong mi. Hemi sevem mi.

2 Samuel 22:2 ပူးပေါင်းရင်းမြစ်များ

2 Samuel 22:32

!Yawe nomoa hemi God! No eni Rok hemi olsem hem.

2 Samuel 22:33

Hem nao God hu hemi mekem mi strong, an hemi mekem rod blong mi hemi sef fo wakabaot long hem.

2 Samuel 23:3

God blong yumi Israel, hemi toktok. Strongfala Rok blong Israel, hemi tok olsem long mi, “King hu hemi rulim pipol long stret wei, an long wei wea hemi tinghae long God,

Sams 144:2

Hemi tinghevi tumas long mi olowe. Hem nao hemi strongfala sefples blong mi, an hemi gohed fo sevem mi. Hemi olsem sil wea hemi stopem aro fo no kasem mi, an hemi garem paoa fo kipim mi sef. Hem nao hemi givim paoa long mi mekem mi save rul ovarem olketa pipol blong mi.

Sams 31:3

Yu nao yu sefples blong mi, an yu nomoa yu strongfala ples blong mi fo haed. Plis yu go fastaem long mi an yu lidim mi, bikos yu nao yu gaed blong mi.

Sams 42:9

God, yu nao yu strongfala sefples blong mi. ?Waswe nao yu fogetem mi? ?Waswe nao mi gohed fo safa long olketa nogud samting wea olketa enemi i duim long mi?

Sams 71:3

Oltaem mi kam fo haed long yu, an mi luk nomoa long yu fo yu gadem mi. Yu nao yu strongfala sef ples blong mi fo haed. Plis yu gadem mi.

Provebs 18:10

Nem blong Yawe hemi olsem wanfala sefples, olketa stretfala pipol save go haed long hem.

Matiu 16:18

So mi talem long yu, yu nao Pita wea yu olsem wanfala ston ya. An antap long disfala bikfala ston ya bae mi wakem sios blong mi long hem. An nomata paoa blong dae, bae hemi no save fo winim disfala sios.

Diutronomi 32:4

Yawe hemi sefples fo haed. Wei blong hem hemi gud tumas, an hemi stret olowe nomoa. Hemi God hu hemi tinghevi long yufala pipol blong hem. Hemi stret nomoa an hemi no save duim eni nogud samting.

1 Samuel 2:2

No eniwan hemi holi olsem yu Lod Yawe, an no eni narafala god hemi olsem yu. Yu wanfala strong sefples blong mifala, an mifala no garem eni narawan wea hemi olsem yu.”

1 Samuel 23:25

Sol wetem olketa man blong hem i kam fo lukaotem hem, bat taem Deved hemi herem dat olketa ka-kam, hemi go haed long disfala maonten long ston long drae eria kolsap long Maon. Taem Sol hemi herem samting ya, hemi aftarem hem.

1 Samuel 24:2

So hemi tekem 3,000 man wea i nambawan soldia blong Israel, an olketa go fo lukaotem Deved wetem olketa man blong hem kolsap long olketa bikfala ston wea nem blong hem, “Ston blong Wael Nanigot”.