2 Samuel 19:10 - Pijin Deuterocanon

¹⁰ Yumi bin mektambu long Absalom fo mekem hem kamap king blong yumi, bat distaem olketa kilim hem dae long faet. ?Waswe nao yumi no mekem wanfala wei fo King Deved hemi kambaek?”

Pijin Bible

¹⁰ Yumi bin mektambu long Absalom fo mekem hem kamap king blong yumi, bat distaem olketa kilim hem dae long faet. ?Waswe nao yumi no mekem wanfala wei fo King Deved hemi kambaek?”

2 Samuel 19:10 ပူးပေါင်းရင်းမြစ်များ

2 Samuel 15:14

Den king hemi tok long olketa bikman blong hem long Jerusalem olsem, “!Sapos yumi no laekem Absalom fo kilim yumi dae, yumi mas hariap fo goaot an ranawe nao! Sapos nomoa, bae hemi kam faetem yumi, an winim yumi, an bae yumi evriwan long taon ya, yumi dae.”

2 Samuel 15:16

Nao king wetem olketa pikinini blong hem an olketa bikman blong hem i goaot from Jerusalem. Bat hemi letem tenfala long olketa woman blong hem fo stap, mekem olketa lukaftarem bikfala haos blong hem.

2 Samuel 18:14

Den Joab hemi tok olsem, “!Sei! !Mi no westem taem long yu!” So hemi tekem trifala spia blong hem an hemi go spiarem Absalom long sest blong hem taem hemi laef an hang yet long bikfala tri ya.

2 Samuel 19:11

Olketa toktok ya hemi go kasem king, so hemi sendem mesij go long tufala prist ya Sadok an Abiata, mekem tufala go talem toktok long olketa lida blong Jiuda olsem, “?Waswe nao yufala i las pipol fo helpem mi fo kambaek long haos blong king?

2 Samuel 19:40

Taem king hemi go long Gilgal, Kimham tu hemi go wetem hem. Taem king hemi katkros long Jodan Riva, evri soldia blong Jiuda wetem haf blong olketa soldia blong olketa narafala traeb blong Israel nao i lidim hem.

2 Samuel 19:9

An olketa pipol long evri traeb blong Israel i gohed fo raoa long olketa seleva olsem, “Distaem King Deved hemi goaot finis from kantri ya bikos hemi ranawe from Absalom, bat hem nao hemi sevem yumi from olketa pipol blong Filistia an olketa narafala enemi blong yumi.

Hosia 8:4

“Olketa gohed nomoa fo siusim olketa king an lida blong olketa, bat olketa nating askem mi fastaem. An olketa gohed fo hipimap olketa silva an gol fo wakem olketa kaving god long hem, bat olketa kaving ya jes spoelem olketa nao.

Jajis 18:9

An faefala ya i tok olsem, “Ya, mifala lukim dat lan blong olketa long Laeis hemi barava gud tumas. So yumi mas go nao long ples ya fo faetem olketa. An yumi mas go kuiktaem fo tekova long ples ya.