2 Samuel 14:1 - Pijin Deuterocanon

¹ Oraet, Joab hemi save dat King Deved hemi filnogud tumas bikos pikinini blong hem Absalom hemi no stap wetem hem.

Pijin Bible

¹ Oraet, Joab hemi save dat King Deved hemi filnogud tumas bikos pikinini blong hem Absalom hemi no stap wetem hem.

2 Samuel 14:1 ပူးပေါင်းရင်းမြစ်များ

2 Samuel 13:39

An taem sore blong Deved long Amnon hemi finis, hemi laekem tumas fo lukim Absalom moa.

2 Samuel 14:2

So hemi sendem go toktok long taon long Tekoa fo kolem kam wanfala woman wea hemi waes fogud. Taem woman ya hemi kam, Joab hemi tok olsem long hem, “Mi laekem yu fo mekem olsem wea yu filsore an krae long wanfala man dae. Bae yu werem olketa kaleko wea hemi som olsem wea yu filsore, an bae yu no wakem eni oel long hea o skin blong yu. Yu mas mekem olsem i longtaem nao wea yu bin filsore long man dae.

2 Samuel 18:33

Nao king hemi seksek tumas. Hemi go long wanfala rum antap long geit blong bikfala wolston, an hemi gohed fo krae olsem, “!Oooo, san blong mi! !San blong mi Absalom! !Absalom, san blong mi! !I moabeta mi bin dae fo sensim yu! !San blong mi! !Oooo, Absalom, san blong mi!”

2 Samuel 19:2

An nomata ami blong king i bin winim faet, bat olketa i no hapi. Olketa evriwan i filnogud, bikos olketa herem dat king hemi gohed fo krae fo pikinini blong hem.

2 Samuel 19:4

An king hemi kavarem fes blong hem, an gohed fo krae bikfala olsem, “!Oooo, san blong mi! !San blong mi Absalom! !Absalom, san blong mi!”

2 Samuel 2:18

Nao trifala san blong Seruia i stap long ples ya, an nem blong trifala nao, Joab, an Abisae, an Asahel. Oraet, Asahel ya, hemi save ran fas tumas olsem wael dia.

1 Kronikols 2:16

An Jese hemi garem tufala dota tu wea nem blong tufala nao, Seruia an Abigeil. Seruia, hemi garem trifala san olsem: Abisae, an Joab, an Asahel.

Provebs 29:26

Plande man laek toktok long sif, bat Yawe nomoa save mekem man garem raet blong hem.