2 Pita 3:5 - Pijin Deuterocanon

⁵ Bat olketa ya i les fo tingim dat God hemi tok nomoa, an skae wetem graon tufala kamaot nao. Hemi mekem graon fo kamaot from olketa wata, an hemi yusim wata fo mekem evrisamting long wol.

Pijin Bible

⁵ Bat olketa ya i les fo tingim dat God hemi tok nomoa, an skae wetem graon tufala kamaot nao. Hemi mekem graon fo kamaot from olketa wata, an hemi yusim wata fo mekem evrisamting long wol.

2 Pita 3:5 ပူးပေါင်းရင်းမြစ်များ

Jenesis 1:6

God hemi tok moa olsem, “Hemi mas garem wanfala samting olsem bikfala ruf fo stap long midol, fo divaedem wata ya, mekem haf blong hem bae hemi stap antap long hem an narafala haf blong hem bae hemi stap andanit long hem.”

Jenesis 1:9

God hemi tok moa olsem, “Wata ya wea i stap andanit long skae hemi mas kam tugeta, mekem drae ples hemi kamap.” Nao samting ya hemi hapen olsem wea hemi bin talem.

Sams 136:6

Hemi stanemap graon ya, long dipsi. Ya, bikos hemi tinghevi long yumi olowe.

Sams 24:2

Hemi putum disfala graon ya long midol long solwata, an hemi putum faondesin blong hem, barava long botom blong dipsi.

Sams 33:6

Yawe nao hemi mekem evrisamting long skae, long toktok blong hem nomoa. Hemi tok nomoa, den san an mun an olketa sta i stap long skae nao.

Provebs 17:16

Waswe nao krangge man garem seleni fo kasem save? Hemi no laek fo lane.

Leta wea Pol hemi raetem go long sios long Rom 1:28

An bikos olketa les fo save long God, God hemi letem olketa fo falom nomoa ravis tingting blong olketa seleva, an olketa duim nomoa olketa samting wea no fit fo pipol i duim.

Kolosi 1:17

Kraes hemi stap fastaem long evrisamting, an hem nao hemi gohed fo mekem evrisamting stap joen gud tugeta.

Hibrus 11:3

Nao yumi biliv long God, an yumi save finis wea long toktok blong hem seleva nomoa hemi mekem disfala wol ya. Olsem, hemi yusim wanem yumi no save lukim fo mekem evrisamting wea yumi lukim nao.