2 Pita 2:21 - Pijin Deuterocanon

²¹ Ating hemi moabeta fo olketa no luksave kam long stretfala wei olsem bifoa. Bikos hemi nogud fo olketa luksave long disfala wei an herem abaotem disfala lo wea hemi holi, bat bihaen, olketa tanem baeksaet blong olketa nomoa long hem.

Pijin Bible

²¹ Ating hemi moabeta fo olketa no luksave kam long stretfala wei olsem bifoa. Bikos hemi nogud fo olketa luksave long disfala wei an herem abaotem disfala lo wea hemi holi, bat bihaen, olketa tanem baeksaet blong olketa nomoa long hem.

2 Pita 2:21 ပူးပေါင်းရင်းမြစ်များ

Sams 125:5

Bat taem yu panisim olketa nogud pipol ya, plis yu panisim tu olketa hu i lusim olketa gudfala wei blong yu. Lod Yawe, hemi gud tumas sapos yu mekem mifala long Israel fo garem gudfala laef. (Olketa singim disfala singsing taem olketa goap fo fist long Jerusalem.)

Sams 85:8

Yawe nao hemi God, an mi herem nao wanem hemi talem. Hemi promisim fo givim piis long yumi hu i tinghevi long hem, bat yumi mas no gobaek long olketa krangge wei blong yumi.

Provebs 12:28

Stretfala wei hemi rod fo laef, falom gudfala rod ya fo laef olowe.

Provebs 16:31

Waetfala hea blong olo, hemi olsem trufala biknem. Yu save kasem hem long stretfala laef.

Esikiel 18:24

“?Bat waswe, sapos wanfala stret man hemi lusim wei wea hemi stret an hemi gohed fo duim olketa ravis samting olsem wea nogud man save duim, yu tingse bae hemi save laef? !Nomoa nao! Bae mi nating tingim eni gudfala samting wea hemi bin duim fastaem. Ya, bikos hemi les finis long mi, an hemi gohed finis fo sin, bae hemi mas dae nao.

Esikiel 23:13

Mi lukim dat hem tu hemi mekem hem seleva fo kamap no klin long ae blong mi, an hemi semsem nomoa olsem disfala sista blong hem.

Esikiel 3:20

“An sapos wanfala stretfala man hemi tane from gudfala wei blong hem an duim olketa ravis samting, an yu no tok nomoa long hem fo sensim ravis wei blong hem, bae hemi dae nao long sin blong hem. Bae mi no tingim moa olketa stretfala samting wea hemi bin duim, an bae mi panisim yu nao from dae blong hem bikos yu nating wonem hem nomoa.

Esikiel 33:13

An sapos mi talem dat wanfala stretfala man bae hemi laef nomoa, bat hemi gohed fo tingse olketa stretfala wei wea hemi bin duim hemi naf fo sevem hem, an hemi sin, bae mi no save sevem hem bikos hemi bin duim olketa stretfala samting bifoa. Bae hemi mas dae, bikos hemi duim ravis samting.

Sefenaea 1:6

Olketa hu i agensim mi Yawe an les fo falom mi, an olketa hu i no prea long mi, bae mi finisim olketa evriwan.

Matiu 21:32

Hemi olsem, bikos yufala no bilivim Jon Baptaes taem hemi kam fo som wanem hemi stret fo yufala fo duim. Bat olketa man fo tekem taks an olketa juri ya, olketa nao bilivim hem. An nomata yufala lukim diswan, yufala nating sensim tingting blong yufala an bilivim hem.”

Gudnius abaotem Jisas Kraes wea Luk hemi raetem 12:47

“Nao sapos wanfala wakaman hemi save nomoa long olketa samting wea bos blong hem hemi laekem hem fo duim, bat hemi nating mekredi an hemi no duim olketa samting ya, bae olketa mas panisim hem fogud.

Gudnius abaotem Jisas Kraes wea Jon hemi raetem 15:22

Sapos mi no kam long disfala wol fo toktok long olketa, olketa no save luksave long rong blong olketa tu ya. Bat distaem ya, hemi had fo eniwan fo haedem rong blong hem nao.

Gudnius abaotem Jisas Kraes wea Jon hemi raetem 9:41

Nao Jisas hemi tok olsem, “Sapos yufala blaen tru, yufala no rong ya. Bat bikos yufala sei yufala save lukluk, diswan hemi somaot dat yufala rong yet ya.”

Leta wea Pol hemi raetem go long sios long Rom 7:12

Nao Lo ya hemi holi, an evri toktok blong Lo hemi holi an stret an gudfala nomoa.

Galesia 6:2

Yufala mas helpem eniwan blong yufala wea trabol hemi kasem hem, mekem yufala barava falom lo blong Kraes.

1 Tesalonaeka 4:2

Bikos yufala save finis long olketa toktok wea mifala talem long yufala long nem blong Jisas Masta blong yumi.

1 Timoti 6:14

Olketa samting wea God hemi talem yu fo duim, yu mas obeim long barava stretfala wei go-go kasem taem Masta blong yumi Jisas Kraes bae hemi kambaek.

Hibrus 10:26

Yumi save finis long disfala tru toktok abaotem Kraes ya. Bat sapos eniwan long yumi gohed nomoa fo duim olketa samting nogud, bae no eni sakrifaes hemi save finisim olketa sin olsem ya.

Jemes 4:17

So man hu hemi save nomoa long stretfala samting fo duim bat hemi no duim, hemi sin nao.

2 Pita 3:2

Mi laekem yufala fo tingim moa olketa toktok wea olketa holi profet i talem bifoa. An yufala mas tingim tu toktok blong Masta an Sevia blong yumi. Mifala olketa aposol bin talemaot finis disfala toktok long yufala.

Jiud 1:3

Olketa gudfala Kristin fren, fastaem mi laekem tumas fo raetem wanfala leta go long yufala fo tokabaotem wei wea God hemi sevem yumi evriwan long hem. Bat distaem, mi barava tingim mi mas raetem leta ya fo talem strong long yufala, wea yufala mas faet strong fo holem disfala tru biliv wea God hemi bin givim kam long olketa pipol blong hem, an biliv ya hemi no save sens enitaem.