2 Kronikols 8:6 - Pijin Deuterocanon

⁶ An olketa wakem tu taon long Baalat, an olketa taon fo putum kaikai, an olketa taon fo kipim olketa kaat fo faet an olketa hos blong hem. An olketa bildim olketa narafala samting wea hemi wande bildim long Jerusalem, an long Lebanon, an long olketa narafala ples long eria wea hemi king ovam.

Pijin Bible

⁶ An olketa wakem tu taon long Baalat, an olketa taon fo putum kaikai, an olketa taon fo kipim olketa kaat fo faet an olketa hos blong hem. An olketa bildim olketa narafala samting wea hemi wande bildim long Jerusalem, an long Lebanon, an long olketa narafala ples long eria wea hemi king ovam.

2 Kronikols 8:6 ပူးပေါင်းရင်းမြစ်များ

1 Kings 10:26

Solomon hemi garem 1,400 kaat fo faet an 12,000 hos. Hemi kipim samfala long Jerusalem, an hemi putum olketa narafala long samfala spesol taon long Israel.

1 Kings 7:2

Hemi bildim wanfala haos wea olketa kolem “Haos long Olketa Tri blong Lebanon”. Olketa givim nem ya long hem bikos hemi bildim long olketa sida tri from Lebanon. Long blong haos ya hemi kasem foti-faev mita, an waed blong hem hemi kasem tuenti-tu an haf mita, an hae blong hem hemi kasem tetin an haf mita. Haos ya hemi garem fofala laen blong olketa bikfala pos blong sida. Evri laen blong pos hemi garem fiftin pos long hem. Antap long olketa pos, olketa putum foti-faev bikfala timba blong sida. An antap long olketa bikfala timba ya olketa wakem ruf long olketa timba blong sida.

1 Kings 9:1

King Solomon hemi finisim olketa waka long Tambuhaos blong Yawe, an long bikfala haos blong hem seleva, an long olketa narafala samting wea hemi laek fo bildim.

2 Kronikols 1:14

Solomon hemi garem 1,400 kaat fo faet an 12,000 hos. Hemi kipim samfala long Jerusalem, an hemi putum olketa narafala long samfala spesol taon long Israel.

2 Kronikols 17:12

So King Jehosafat hemi kamap strong moa. An evriwea long Jiuda hemi wakem olketa strongfala sef ples fo haed, an olketa taon

2 Kronikols 8:4

An hemi mekem olketa bildim wolston raonem taon long Tadmoa long drae eria. An hemi mekem olketa fo bildim olketa taon long Hamat fo kipim olketa kaikai an olketa samting fo faet long hem.

2 Kronikols 8:5

An King Solomon hemi mekem olketa bildim moa Bet-Horon wea hemi antap long maonten, an Bet-Horon wea hemi long daon long maonten. Hemi mekem tufala taon ya i garem bikfala wolston raonem, wetem geit wea olketa save lokem long longfala aean.

2 Kronikols 8:7

Long taem wea pipol blong Israel bin tekova long kantri ya, olketa no save kilim dae evri pipol wea i stap long lan ya. Olketa ya i long laen blong Het, an blong Amoa, an blong Peris, an blong Hivi, an blong Jebus. So olketa long olketa laen ya hu i no blong pipol blong Israel i stap yet long lan blong Israel. Nao King Solomon hemi fosim olketa ya fo waka olsem slev, an olketa waka olsem slev olowe long Israel. Hemi putum 250 man blong Israel fo bos long olketa slev ya. Bat hemi no mekem olketa pipol blong Israel fo waka olsem slev. Hemi mekem olketa fo kamap soldia blong hem, an komanda blong ami. An samfala moa i bos long olketa kaat fo faet, an long olketa soldia hu i raedem hos.

Eklesiastes 2:4

Nao mi duim plande barava bikfala waka. Mi wakem finis olketa haos fo mi, an mi mekem finis olketa plantesin long grep.

Nambawan Singsing 4:8

!Kam, braed blong mi! Yu kam wetem mi. Bae yumitufala goaot from olketa maonten long Lebanon. Bae yumitufala godaon from antap long maonten long Amana, an from antap long tufala maonten long Senia an Hemon, wea olketa wael animol ya laeon an lepad i stap long hem.

Josua 19:44

an Elteke, an Gibeton, an Baalat,