2 Kronikols 8:14 - Pijin Deuterocanon

¹⁴ Hemi makem olketa seksin blong olketa prist fo duim waka wea olketa mas duim evri de falom rul wea dadi blong hem i bin mekem. An hemi makem olketa Livaet fo helpem olketa prist, an fo singsing an preisim God. Hemi divaedem olketa gad blong Tambuhaos long olketa seksin, an hemi mekem olketa fo gadem olketa geit blong Tambuhaos falom wei wea Deved hu hemi man blong God hemi bin talem bifoa.

Pijin Bible

¹⁴ Hemi makem olketa seksin blong olketa prist fo duim waka wea olketa mas duim evri de falom rul wea dadi blong hem i bin mekem. An hemi makem olketa Livaet fo helpem olketa prist, an fo singsing an preisim God. Hemi divaedem olketa gad blong Tambuhaos long olketa seksin, an hemi mekem olketa fo gadem olketa geit blong Tambuhaos falom wei wea Deved hu hemi man blong God hemi bin talem bifoa.

2 Kronikols 8:14 ပူးပေါင်းရင်းမြစ်များ

2 Samuel 23:2

Spirit blong Yawe hemi yusim mi fo talemaot olketa toktok blong hem. Toktok blong hem hemi long maos blong mi.

1 Kings 13:1

Wanfala de, Yawe hemi bin talemaot Mesij blong hem long wanfala man blong God long Jiuda. Hemi talem hem fo go long Betel. So man ya hemi go kasem Betel long taem wea Jeroboam hemi stanap long saet long olta fo mekem sakrifaes.

1 Kronikols 16:37

Nao King Deved hemi siusim Asaf wetem olketa long laen blong hem fo lukaftarem saet blong wosip long ples wea Tambu Boks blong Spesol Agrimen blong Yawe hemi stap long hem. Olketa ya i duim waka blong olketa long ples ya evri de.

1 Kronikols 16:42

Heman an Jedutun i lukaftarem olketa hu i bloum olketa trampet, an ringim olketa simbol, an pleim olketa narafala samting fo mekem miusik fo wosipim God. An olketa long laen blong Jedutun i gohed fo gadem geit blong tambuples ya.

1 Kronikols 23:1

Taem King Deved hemi kamap olo tumas, hemi siusim san blong hem Solomon fo sensim hem fo kamap king blong Israel.

1 Kronikols 24:1

Eron hemi garem fofala san olsem: Nadab, an Abihu, an Eleasa, an Itama. Nao Nadab an Abihu, tufala bin dae bifoa dadi blong tufala hemi dae, an tufala no garem eni san. So Eleasa an Itama nomoa, tufala sensim dadi blong tufala fo kamap prist. Oraet tufala laen blong Eron nao i duim waka blong prist.

1 Kronikols 24:3

King Deved hemi divaedem olketa ya long olketa deferen grup fo duim olketa waka blong prist. Nao Prist Sadok long laen blong Eleasa, an Prist Ahimelek long laen blong Itama, tufala helpem Deved fo divaedem olketa.

1 Kronikols 25:1

King Deved wetem olketa lida blong olketa Livaet i siusimaot laen blong Asaf, an laen blong Heman, an laen blong Jedutun, mekem olketa lidim wosip. Waka blong olketa, hemi fo dans an singsing fo preisim God long taem olketa pleim simbol, an ringim olketa kaen gita. Nem blong olketa man wea i duim waka ya i olsem:

1 Kronikols 26:1

Nem blong olketa hu i gohed fo gadem Tambuhaos i olsem: Meselemaea, san blong Kore long laen blong Asaf long laen blong Kora.

1 Kronikols 28:19

Deved hemi tok olsem, “Evrisamting ya i stap insaet long plan wea mi bin raetemdaon taem paoa blong Yawe hemi stap long mi. Yawe nao hemi givim save long mi abaotem evri smol samting long plan ya.”

1 Kronikols 9:17

Olketa sekiuriti blong Tambuhaos wea i kambaek long Jerusalem, i olsem: Salum, an Akub, an Talmon, an Ahiman, wetem olketa wantok blong olketa. Salum ya hemi lida blong olketa.

1 Kronikols 9:24

Olketa sekiuriti ya i stap long fofala saet blong Tambuhaos. Hem nao long ist, an long west, an long not, an long saot.

2 Kronikols 23:19

An hemi putum olketa sekiuriti long olketa geit blong Tambuhaos, mekem olketa stopem eniwan wea hemi no klin long ae blong Yawe fo no kam insaet.

2 Kronikols 23:4

Yumi mas duim olketa samting olsem: wanfala grup long olketa prist an olketa Livaet wea yufala kam fo duim waka blong yufala long Sabat de, yufala mas gadem olketa geit blong Tambuhaos.

2 Kronikols 29:25

Oraet, king hemi talem olketa Livaet fo tekem olketa kaen gita an olketa simbol, an stap long ples blong olketa long Tambuhaos falom rul blong Yawe wea King Deved, an Profet Gad, an Profet Natan bin talemaot.

2 Kronikols 31:2

King Hesekaea hemi mekem olketa grup long olketa prist an olketa Livaet. Hemi divaedem olketa long olketa grup fo duim olketa deferen waka long Tambuhaos blong Yawe. Hemi siusim samfala fo mekem olketa sakrifaes wea i barava bone, an fo mekem olketa sakrifaes fo somaot dat olketa stapgud wetem Yawe. Hemi siusim samfala fo lidim wosip long Tambuhaos. An hemi siusim samfala fo singsing fo preisim an talem tengkiu long Yawe.

2 Kronikols 35:10

Taem olketa prist an Livaet i redim finis olketa samting blong fist ya, olketa prist an olketa seksin blong olketa Livaet i kam stanap long olketa ples blong olketa olsem wea king hemi bin talem.

2 Kronikols 35:15

Long de blong fist ya, olketa long laen blong Asaf i gohed fo pleim miusik. Olketa stanap long olketa ples barava olsem wea King Deved, an Asaf, an Heman, an Jedutun hu hemi profet blong king, i bin talem bifoa. An olketa sekiuriti blong olketa geit long Tambuhaos ya i no lusim ples blong olketa tu, bikos olketa narafala Livaet i redim kaikai blong Pasova fo olketa ya.

2 Kronikols 35:4

An yufala mas redim olketa seksin blong yufala falom olketa laen blong yufala, an go stanap long ples blong yufala olsem King Deved an san blong hem King Solomon, tufala bin raetemdaon.

2 Kronikols 5:11

Den olketa prist i goaot from bikfala Tambu Rum. Evri prist wea i stap tugeta long dea, nomata olketa i blong watkaen laen, olketa evriwan i mekem olketa seleva fo klin long ae blong Yawe.

2 Kronikols 8:15

Olketa prist an olketa Livaet i barava falom olketa strong toktok blong king long evrisamting, nomata long wei fo lukaftarem olketa stoarum tu.

Esra 6:18

Long datfala taem, olketa mektambu long olketa prist an olketa Livaet long olketa spesol grup blong olketa, fo duim olketa waka ya wea olketa save duim long Tambuhaos blong Yawe long Jerusalem, barava olsem nao wea toktok long buk blong Mosis hemi talem.

Nehemaea 12:24

Long datfala taem tu, olketa hed blong olketa Livaet i olsem: Hasabaea, an Serebaea, an Jesua, san blong Kadmiel. Olketa ya i stanap long wanfala saet blong Tambuhaos fo singim olketa preis singsing, an olketa wantok blong olketa i stanap long narasaet fo singim ansa long singsing ya, barava olsem King Deved hu hemi man blong God, hemi bin tisim olketa Livaet bifoa.

Nehemaea 12:25

Matanaea, an Bakbukaea, an Obadaea, an Mesulam, an Talmon, an Akub, olketa ya i sekiuriti long olketa stoarum blong Tambuhaos wea i stap kolsap nomoa long olketa geit.

Nehemaea 12:36

Olketa wantok blong hem wea nem blong olketa, Semaea, an Asarel, an Milalae, an Gilalae, an Maae, an Netanel, an Jiuda, an Hanani, olketa bihaenem hem. Olketa ya i gohed fo pleim nao olketa samting fo mekem miusik, olsem King Deved, man blong God bifoa, hemi bin tisim olketa Livaet fo yusim. Prist Esra, hu hemi tisa long Lo blong God, hemi wakabaot long frant long disfala grup.

Gudnius abaotem Jisas Kraes wea Luk hemi raetem 1:5

Long taem wea Herod hemi king ovarem kantri long Israel, Sekaraea nao hemi wanfala prist wea hemi stap long taem ya. Hemi stap long seksin blong olketa prist wea olketa kolem Abaeja. Waef blong hem tu hemi bon kam long laen blong Eron, an nem blong hem nao Elisabet.

Gudnius abaotem Jisas Kraes wea Luk hemi raetem 1:8

Long wanfala taem, hemi taem blong seksin blong Sekaraea fo duim olketa waka long disfala Tambuhaos blong God. So Sekaraea hemi gohed fo waka olsem olketa save duim evri de.

Aposol 13:22

Bihaen, God hemi tekemaot Sol moa, an hemi mekem Deved nao fo kamap king blong olketa. An hem nao wanem God hemi talem abaotem Deved ya, wea hemi sei, ‘Mi luksave dat Deved disfala san blong Jese, hem nao man hu hemi barava wanmaen wetem mi, an bae hemi duim evrisamting wea mi laekem hem fo duim.’

Aposol 13:36

Yumi save, taem Deved hemi laef yet, hemi duim wanem God hemi laekem hem fo duim. Bat taem hemi dae, olketa berem hem wetem olketa olo blong hem, an bodi blong hem hemi go roten.

Diutronomi 33:1

Mosis, hemi man blong God, an kolsap long taem wea hemi dae, hemi talemaot wanfala blesing long pipol blong Israel. Toktok wea hemi talemaot hemi olsem,