2 Kronikols 4:7 - Pijin Deuterocanon

^7-8 Olketa wakem tenfala spesol frem blong lam falom plan blong olketa. An olketa wakem tenfala tebol. Nao olketa putum tenfala ya insaet long Tambuhaos ya. Olketa putum faefala spesol frem blong lam an faefala tebol long saet long saot, an faefala spesol frem blong lam an faefala tebol long saet long not. An olketa wakem 100 smolfala besin long gol.

Pijin Bible

^7-8 Olketa wakem tenfala spesol frem blong lam falom plan blong olketa. An olketa wakem tenfala tebol. Nao olketa putum tenfala ya insaet long Tambuhaos ya. Olketa putum faefala spesol frem blong lam an faefala tebol long saet long saot, an faefala spesol frem blong lam an faefala tebol long saet long not. An olketa wakem 100 smolfala besin long gol.

2 Kronikols 4:7 ပူးပေါင်းရင်းမြစ်များ

1 Kings 7:39

Hemi putum faefala kaat ya fo stap long saot saet long Tambuhaos, an hemi putum narafala faefala long not saet long Tambuhaos. An hemi putum bikfala tangk ya long kona blong Tambuhaos, long kona long saot ist.

1 Kings 7:49

Tenfala spesol frem blong olketa lam. Olketa putum faefala long saet long saot, an faefala long saet long not long frant long Barava Tambu Rum. Olketa kaving long olketa flaoa, an olketa lam, an olketa sisis fo holem faea,

1 Kronikols 28:12

Olketa plan wea Spirit blong God i bin givim long Deved, hemi givim long Solomon. Hem nao plan long open eria raonem Tambuhaos, an plan long olketa rum raonem Tambuhaos, an plan long olketa stoarum blong olketa samting fo yusim long Tambuhaos, an plan long stoarum fo kipim olketa samting wea pipol i givim go long Yawe.

1 Kronikols 28:14

An King hemi talem hem tu abaotem hevi blong olketa silva an gol wea olketa save yusim fo wakem olketa samting blong Tambuhaos.

1 Kronikols 28:15

Hem nao haomas gol fo wakem olketa gol lam, an olketa gol frem fo putum olketa lam, an hem nao haomas silva fo wakem olketa silva lam an olketa silva frem fo putum olketa lam, fitim wea nao olketa yusim olketa lam.

1 Kronikols 28:19

Deved hemi tok olsem, “Evrisamting ya i stap insaet long plan wea mi bin raetemdaon taem paoa blong Yawe hemi stap long mi. Yawe nao hemi givim save long mi abaotem evri smol samting long plan ya.”

Gudnius abaotem Jisas Kraes wea Jon hemi raetem 8:12

Jisas hemi toktok olsem moa long olketa pipol, “Mi nao mi laet fo pipol long disfala wol ya. Man hu hemi falom mi, bae hemi no save wakabaot long tudak ya, bat bae hemi garem laet wea hemi save givim laef ya.”

Hibrus 8:5

Olketa duim waka blong olketa ya long tambuples wea hemi wanfala piksa nomoa long barava tambuples blong God long heven. Dastawe nao God hemi wonem Mosis, taem hemi laekem hem fo wakem disfala haostent blong hem, wea hemi sei, “An taem yu wakem olketa samting ya, yu mas barava falom disfala plan wea mi gohed fo talemaot long yu, antap long disfala maonten.”

Revelesin 1:20

Yu lukim sevenfala sta wea mi holem long raet han blong mi, an sevenfala bikfala gol lam. Olketa garem mining wea hemi haed. Olketa sevenfala sta ya hemi minim olketa enjel blong sevenfala sios ya. An sevenfala bikfala lam ya hemi minim sevenfala sios ya nomoa.”