2 Kronikols 32:3 - Pijin Deuterocanon

^3-4 hemi toktok tugeta wetem olketa bikman blong hem an olketa komanda. Olketa agri fo berem olketa springwata aotsaet long Jerusalem, mekem ami blong Asiria i no garem wata fo dringim taem olketa kam long ples ya. So olketa bikman ya i tekem plande man, an olketa go aotsaet long taon, an berem olketa springwata ya.

Pijin Bible

^3-4 hemi toktok tugeta wetem olketa bikman blong hem an olketa komanda. Olketa agri fo berem olketa springwata aotsaet long Jerusalem, mekem ami blong Asiria i no garem wata fo dringim taem olketa kam long ples ya. So olketa bikman ya i tekem plande man, an olketa go aotsaet long taon, an berem olketa springwata ya.

2 Kronikols 32:3 ပူးပေါင်းရင်းမြစ်များ

2 Kings 18:20

Yu talem yu strong, an yu savegud long wei fo faet, bat yu tok nating nomoa ya. ?Hu nao yu dipen long hem mekem hemi helpem yu fo agensim mi?

2 Kings 20:20

Olketa narafala samting wea King Hesekaea hemi duim, wetem olketa bikfala samting wea hemi mekem, an stori abaotem pul blong watasaplae wea hemi wakem, an disfala bikfala hol andanit long graon wea hemi wakem fo tekem wata kam insaet long Jerusalem, olketa raetemdaon long Buk Abaotem Olketa Samting Olketa King blong Jiuda i Duim.

2 Kronikols 32:2

Taem King Hesekaea hemi luksave dat king ya hemi wande kam faet long Jerusalem,

2 Kronikols 32:30

Hem nao hemi blokem wansaet blong springwata long Gihon, an hemi digim ples fo mekem watasaplae hemi go kasem insaet long Biktaon blong Deved long saet long west. Evrisamting samting wea hemi duim, hemi kamap gudfala.

Provebs 15:22

No eni advaes, bae plan gorong, plande advaes, bae plan gohed.

Provebs 20:18

Lisin long plande advaes taem yu mekem eni plan. Yu laek fo mekem woa, lukaotem gudfala tingting.

Provebs 24:6

Yu wande mekem woa, planem gudfala fastaem. Yu wande winim woa, lisin long plande advaes.

Aesaea 40:13

?Hu nao hemi barava savegud long maen blong Yawe? ?An hu nao save advaesim hem?

Neiham 3:14

Distaem, yufala mas redim olketa samting fo faet wea bae hemi gohed fo longtaem. Bae olketa enemi i raonem taon blong yufala, mekem yufala no save kamaot. Yufala mas tekem plande wata insaet fo dring. Yufala mas tekem red graon, an step long hem mekem hemi kamap sof fo wakem olketa brik. An yufala mas mekem olketa strongfala sefples blong yufala fo kamap strong moa.

Leta wea Pol hemi raetem go long sios long Rom 11:34

Olsem Buktambu hemi talem, “?Hu nao i save long tingting blong Masta? ?Hu nao i save tisim hem long enisamting?”