2 Kronikols 32:17 - Pijin Deuterocanon

¹⁷ King blong Asiria hemi raetem olketa leta wea i tokspoelem Yawe hu hemi God blong Israel. Hemi tok nogud olsem, “Olketa god blong olketa pipol long olketa narafala kantri i no save sevem olketa from paoa blong mi, an god blong Hesekaea tu bae hemi no save sevem pipol blong hem from paoa blong mi.”

Pijin Bible

¹⁷ King blong Asiria hemi raetem olketa leta wea i tokspoelem Yawe hu hemi God blong Israel. Hemi tok nogud olsem, “Olketa god blong olketa pipol long olketa narafala kantri i no save sevem olketa from paoa blong mi, an god blong Hesekaea tu bae hemi no save sevem pipol blong hem from paoa blong mi.”

2 Kronikols 32:17 ပူးပေါင်းရင်းမြစ်များ

2 Kings 19:11

Bat yu herem finis wanem mifala olketa king blong Asiria i bin gohed fo duim long evri narafala kantri. Stat kam bifoa, mifala bin gohed fo spoelem olketa finis nomoa. ?Waswe nao yu tingse disfala god blong yufala save sevem yufala?

2 Kings 19:12

Olketa king blong Asiria bifoa i bin spoelem finis olketa taon long Gosan, an Haran, an Resef, an olketa bin kilim dae finis olketa pipol blong Eden wea i stap long Telasa. Olketa god blong olketa pipol ya i no save sevem olketa.

2 Kings 19:14

Olketa man fo tekem mesij i givim leta ya long King Hesekaea, an hemi ridim nao. Hemi tekem leta ya an go nao long Tambuhaos, an hemi openem long frant long Yawe.

2 Kings 19:22

?Yu tingse hu nao yu tokspoelem ya? ?Hu nao yu singaot bikfala an tokpraod agensim ya? !Mi nao Holi God blong Israel, bat yu tokspoelem mi nomoa!

2 Kings 19:28

Bikos mi save dat yu praod tumas, an mi save dat yu tok kros tumas long mi, bae mi putum wanfala huk long nous blong yu, an wanfala pis aean long maos blong yu, mekem mi pulum yu gobaek long sem rod wea yu bin kam long hem.

2 Kings 19:9

An long semtaem tu, wanfala ripot hemi kasem King Senakerib. Hemi herem dat King Tiahaka blong Kus wetem ami blong hem i kam nao fo faetem olketa. Taem hemi herem disfala ripot, hemi sendem samfala man fo tekem mesij go long King Hesekaea. Hemi tok olsem,

2 Kronikols 32:14

!Yufala trae tingabaotem! ?Wataem nao olketa god ya i bin duim olsem? ?So wanem nao hemi mekem yufala tingse God blong yufala bae hemi save sevem yufala?

2 Kronikols 32:16

Nao olketa bikman blong Asiria olketa talem plande narafala toktok moa agensim Yawe God, an agensim Hesekaea hu hemi wakaman blong God.

Nehemaea 6:5

Nao long mekfaev taem, Sanbalat ya hemi raetem wanfala leta, an hemi rolem leta ya, bat hemi no satem wetem spesol mak blong hem. Den hemi sendem kam wetem wakaman blong hem.

Aesaea 10:15

Bat Yawe hemi tok olsem, “?Waswe, aks hemi save daonem tri, o man hu hemi yusim? ?O soa nao hemi katem log, o man hu hemi holem? ?Waswe, stik nao save holem man, o man nao hemi holem stik?”

Aesaea 37:14

Olketa man fo tekem mesij i givim leta ya long King Hesekaea, an hemi ridim nao. Hemi tekem leta ya an go nao long Tambuhaos, an hemi openem long frant long Yawe.

Revelesin 13:6

An wael animol ya hemi gohed fo tokspoelem God. Hemi tokspoelem nem blong God wetem ples blong hem an olketa hu i stap wetem hem long heven.

1 Samuel 17:26

Oraet, Deved hemi askem olketa soldia kolsap long hem olsem, “?Sapos wanfala man hemi kilim dae disfala soldia blong Filistia fo tekemaot sem from Israel, wanem nao bae hemi garem? Yumi olketa soldia long ami blong God hu hemi laef. Soldia ya hemi hiden man nomoa wea hemi no kate, hem no fit fo hemi toknogud long yumi.”

1 Samuel 17:36

Mi kilim olketa laeon an bea finis, an yu save, mi save duim semsamting long disfala hiden man, bikos hemi tokspoelem ami blong God hu hemi laef.