2 Kronikols 3:14 - Pijin Deuterocanon

¹⁴ An kaleko wea olketa hangem fo satem rum ya, olketa wakem long nambawan waet kaleko, wetem blu koton, an red koton, an papol koton. Olketa yusim olketa koton ya fo somapem olketa piksa blong enjel long hem.

Pijin Bible

¹⁴ An kaleko wea olketa hangem fo satem rum ya, olketa wakem long nambawan waet kaleko, wetem blu koton, an red koton, an papol koton. Olketa yusim olketa koton ya fo somapem olketa piksa blong enjel long hem.

2 Kronikols 3:14 ပူးပေါင်းရင်းမြစ်များ

Eksodas 38:18

An olketa wakem wanfala kaleko fo satem disfala doa blong open ples. Longfala blong disfala kaleko hemi kasem 9 mita, an hae blong hemi kasem 2 mita 25 sentemita. Olketa wakem hem long nambawan waet kaleko, an somap olketa piksa long hem long blu koton, an papol koton, an red koton.

Nambas 4:5

Taem yufala redi fo muv go long narafala ples, trifala prist ya, Haeprist Eron wetem tufala san blong hem, bae trifala nao mas kam insaet long Tambu Haostent fo redim olketa samting blong hem. Trifala mas tekemdaon bikfala kaleko wea hemi satem disfala Barava Tambu Rum wea Tambu Boks hemi stap long hem. An trifala mas yusim bikfala kaleko ya fo kavaremap Tambu Boks.

Matiu 27:51

Long semtaem tu, disfala bikfala kaleko wea hemi hangdaon insaet long Tambuhaos ya, hemi brek long midol long hem nao, stat kam long antap go-go kasem long botom. An etkuek hemi sekem graon, an hemi mekem olketa bikfala ston fo brek.

Hibrus 10:20

Yumi save go falom disfala niufala wei wea hemi garem laef, an wea hemi gotru long disfala bikfala kaleko wea hem satem rum ya. Jisas nao hemi openem disfala wei finis taem bodi blong hem hemi dae long kros.

Hibrus 9:3

An bihaen long wanfala bikfala kaleko, mektu rum hemi stap wea olketa kolem “Barava Tambu Rum”.