2 Kronikols 22:9 - Pijin Deuterocanon

⁹ Nao hemi lukaotem King Ahasaea, go-go olketa man blong Jehu i faendem hem long Samaria. Olketa kasholem hem, an tekem hem kam long Jehu. Den olketa kilim hem dae. Bat olketa berem hem long gudfala wei, bikos olketa tinghae long olfala grani blong hem King Jehosafat hu hemi bin traehad tumas fo duim wanem Yawe hemi laekem. So no eniwan long laen blong King Ahasaea hu hemi laef yet hemi garem strong fo kamap king.

Pijin Bible

⁹ Nao hemi lukaotem King Ahasaea, go-go olketa man blong Jehu i faendem hem long Samaria. Olketa kasholem hem, an tekem hem kam long Jehu. Den olketa kilim hem dae. Bat olketa berem hem long gudfala wei, bikos olketa tinghae long olfala grani blong hem King Jehosafat hu hemi bin traehad tumas fo duim wanem Yawe hemi laekem. So no eniwan long laen blong King Ahasaea hu hemi laef yet hemi garem strong fo kamap king.

2 Kronikols 22:9 ပူးပေါင်းရင်းမြစ်များ

1 Kings 13:21

So hemi singaot long man blong God olsem, “Yawe nao hemi tok olsem: Yu no falom Mesij blong Yawe God blong yu, an yu no obeim toktok blong hem.

1 Kings 14:13

Olketa pipol blong Israel bae i krae fo hem, an berem hem. Hem nomoa long famili blong King Jeroboam bae olketa berem, bikos Yawe, God blong Israel, hemi hapi nomoa long disfala pikinini.

2 Kings 9:34

Oraet, Jehu hemi go long haos blong King Joram fo kaikai an dring. An bihaen, hemi tok olsem, “Woman ya, Yawe hemi bin talem finis olsem bae hemi panisim hem, bat bikos hemi dota blong wanfala king, yufala mas go berem bodi blong hem.”

2 Kronikols 19:3

Nomata olsem, yu bin duim samfala gudfala samting. Yu bin katemdaon olketa tambu kaving blong disfala woman god Asera, an yu barava askem God fo lidim yu.”

2 Kronikols 21:17

Olketa kam faet long Jiuda. Olketa go olowe insaet long haos blong king, an tekem evrisamting blong hem, an olketa san blong hem, an olketa waef blong hem. Bat lasbon san blong Jehoram wea nem blong hem hemi Ahasaea, hem nomoa olketa no tekem.

2 Kronikols 21:20

Long taem Jehoram hem kamap king, hemi kasem teti-tu yia, an hemi king long Jerusalem fo eitfala yia. Taem hemi dae, no eniwan hemi sore long hem. Olketa berem hem long Biktaon blong King Deved, bat i no long beregraon blong olketa king.

2 Kronikols 21:4

Nao taem King Jehoram hemi rul strong ovam Jiuda, hemi kilim dae olketa brata blong hem, an hemi kilim dae tu samfala bikman blong Jiuda.

2 Kronikols 22:8

Oraet, taem Jehu hemi gohed fo panisim laen blong King Ehab, hemi faendem samfala bikman blong Jiuda wetem olketa san blong olketa wantok blong King Ahasaea. Olketa bin kam wetem King Ahasaea taem hemi visitim King Joram. Den Jehu ya hemi kilim dae olketa evriwan.

2 Kronikols 24:25

King Joas hemi garekil nogud taem olketa soldia blong Siria i gobaek. Den tufala bikman blong hem i mekem plan fo sensimbaek wanem Joas hemi duim taem hemi kilim dae san blong Prist Jehoeada. So tufala kam kilim dae Joas long bed blong hem. Olketa berem hem long Biktaon blong King Deved, bat i no long beregraon blong olketa king.

2 Kronikols 25:27

Long taem King Amasaea hemi stat fo no falom wei blong Yawe, samfala man long Jerusalem i mekem plan fo kilim hem dae, bat hemi ranawe go long taon long Lakis. Bat olketa sendem samfala man fo go bihaen long hem an olketa kilim hem dae long taon ya.

2 Kronikols 33:24

Nao olketa bikman blong hem i mekem plan agensim hem, an olketa kilim hem dae insaet long haos blong hem.

Jeremaea 29:13

An sapos yufala lukaotem mi long evri tingting blong yufala an evri save blong yufala, bae yufala save faendem mi.