2 Kronikols 14:2 - Pijin Deuterocanon

² Asa hemi duim olowe olketa samting wea hemi gud an stret long ae blong Yawe hu hemi God blong hem.

Pijin Bible

² Asa hemi duim olowe olketa samting wea hemi gud an stret long ae blong Yawe hu hemi God blong hem.

2 Kronikols 14:2 ပူးပေါင်းရင်းမြစ်များ

1 Kings 15:11

King Asa hemi duim olketa samting wea i stret long ae blong Yawe, olsem wea grani blong hem King Deved hemi bin duim bifoa.

1 Kings 15:12

Hemi torowem evri tambu kaving blong olketa narafala god, wea grani blong hem an dadi blong hem i bin wakem. An hemi raosim olketa man an woman fo durong long olketa tambuples, mekem olketa goaot from lan blong Jiuda.

1 Kings 15:14

Hemi tru wea king ya hemi no brekemdaon evri tambuples blong olketa narafala god, bat long haat blong hem, hemi barava tinghevi long Yawe olowe long laef blong hem.

2 Kronikols 14:1

An taem Abaeja hemi dae, olketa berem hem long beregraon blong olketa king long Biktaon blong King Deved. Nao san blong hem, Asa, hemi sensim hem fo kamap king. Long taem wea King Asa hemi rul ovam Jiuda, kantri blong Jiuda hemi stap kuaet nomoa fo tenfala yia.

2 Kronikols 14:3

Hemi tekemaot evri olta blong olketa hiden pipol, an hemi aotem olketa tambuples, an hemi brekemdaon olketa barava tolfala tambu ston, an hemi katemdaon evri tambu kaving blong disfala woman god Asera.

2 Kronikols 15:16

Disfala woman Maaka hu hemi olfala grani blong Asa, hemi bin wakem wanfala tambu kaving blong woman god Asera. Tambu kaving ya hemi raviswan long ae blong God. So King Asa hemi finisim hem olsem hemi no wanfala kuin moa. An hemi katemdaon tambu kaving ya, an hemi pisisim hem an hemi bonem hem long Kidron vali.

2 Kronikols 17:6

Hemi tingting strong olowe fo falom wei blong Yawe. An long kantri long Jiuda, hemi aotem evri tambuples fo wosipim olketa narafala god, an hemi katemdaon evri tambu kaving blong disfala woman god Asera.

2 Kronikols 20:32

King ya hemi duim olketa samting wea hemi stret long ae blong Yawe, olsem dadi blong hem, King Asa, hemi bin duim bifoa.

2 Kronikols 21:12

Profet Elaeja hemi sendem wanfala leta go long King Jehoram. Hemi sei olsem, “Yawe hu hemi God blong olfala grani blong yu Deved, hemi tok olsem long yu, ‘Dadi blong yu King Jehosafat, an grani blong yu King Asa, tufala falom olketa gudfala wei, bat yu no falom wei blong tufala.

2 Kronikols 31:1

Taem Fist blong Pasova hemi finis, olketa pipol i go long evri taon long Jiuda, an brekem olketa tolfala tambu ston, an olketa katemdaon olketa tambu kaving blong disfala woman god Asera. An olketa spoelem tu olketa nogud olta an olketa tambuples. Bihaen, olketa go duim semsamting long olketa narafala ples long Jiuda, an long olketa ples long distrik long Benjamin, an long distrik long Efrem, an long distrik long Manase. Den olketa gohom.

2 Kronikols 31:20

King Hesekaea hemi duim olketa stretfala samting evriwea long Jiuda. Hemi duim olketa gudfala samting bikos hemi tinghevi long Yawe hu hemi God blong hem.

2 Kronikols 34:7

Hemi aotem olketa olta an olketa tolfala tambu kaving blong Asera. Hemi brekem an pisisim olketa tambu kaving go-go olketa kamap olsem asis nomoa. An hemi brekem tu olketa olta fo bonem insens evriwea long olketa distrik blong Israel, an bihaen, hemi kambaek moa long Jerusalem.

Eksodas 23:24

Yufala mas no bendaon fo mekhae long olketa god blong olketa, an yufala mas no wosipim olketa god ya tu. An yufala mas no falom olketa ravis wei blong olketa fo wosip. Bae yufala mas spoelem olketa tambu kaving blong olketa laea god blong olketa, an yufala mas brekemdaon tu olketa tolfala tambu ston wea olketa stanemap fo wosipim.

Gudnius abaotem Jisas Kraes wea Luk hemi raetem 1:75

An mekem yumi holi an stret fogud long ae blong hem long evri de long laef blong yumi.”

Diutronomi 12:3

Yufala mas brekemdaon olketa olta blong olketa, an yufala mas spoelem olketa tambu kaving long ston, an yufala mas bonem olketa kaving blong disfala woman god Astarot, an yufala mas katemdaon olketa tambu kaving blong olketa god blong olketa. An yufala mas meksua no eniwan save tingim nem blong olketa god long olketa ples ya.