2 Kronikols 13:16 - Pijin Deuterocanon

¹⁶ Olketa soldia blong Israel i fraet, an olketa ranawe. God hemi mekem olketa fo lus long ami blong Jiuda.

Pijin Bible

¹⁶ Olketa soldia blong Israel i fraet, an olketa ranawe. God hemi mekem olketa fo lus long ami blong Jiuda.

2 Kronikols 13:16 ပူးပေါင်းရင်းမြစ်များ

Jenesis 14:20

Hem nao hemi helpem yu winim olketa enemi blong yu long faet. !Yumi preisim hem!” Nao Ebram hemi tekem evrisamting ya wea hemi tekem kam moa from fofala king ya, an hemi divaedem long tenfala haf, an hemi givim wanfala haf wea hemi bin divaedem, go long King Melkisedek.

2 Kronikols 13:17

King Abaeja wetem ami blong Jiuda i barava spoelem olketa, go-go olketa kilim dae 500,000 strongfala soldia blong Israel.

2 Kronikols 16:8

Yu save, ami blong Kus, an ami blong Libia, tufala ami ya i bin bikfala tumas an garem plande kaat fo faet an plande soldia fo ran long hos, bat bikos yu trastem Yawe, hemi mekem yu fo winim olketa.

Diutronomi 2:36

Long taem ya, Yawe hemi helpem yumi fo tekova long evri taon blong olketa, stat long Aroa long saet long Anon Riva, an taon long flat ples kolsap long riva ya, go-go kasem ples long Gilead long not. No eni taon hemi garem wolston wea hemi hae tumas o strong tumas, mekem yumi no save winim.

Diutronomi 3:3

“Yawe hemi putum Paramaon Sif Og wetem olketa soldia blong hem long han blong yumi, an yumi kilim dae olketa evriwan go-go no eniwan hemi laef.

Josua 10:12

Long datfala de, wea Yawe hemi mekem Josua wetem ami blong Israel fo winim olketa laen blong Amoa long faet, Josua hemi prea go long Yawe long ae blong olketa pipol blong Israel, an hemi tok olsem, “San, yu stop antap long Gibeon an saen kamdaon. Mun, yu stop antap long vali ya long Aejalon an saen kamdaon.”

Josua 21:44

Yawe hemi mekem olketa fo stap long piis evriwea insaet long lan blong olketa olsem wea hemi bin promisim long olketa grani blong olketa bifoa. An long taem ya tu, no eniwan long olketa enemi save winim olketa, bikos Yawe bin mekem olketa fo winim finis olketa enemi blong olketa ya.

Jajis 1:4

Oraet, Yawe hemi mekem tufala traeb ya fo winim olketa pipol blong Kenan an olketa pipol blong Peris. Long datfala taem olketa kilim 10,000 man long ples long Besek.

Jajis 11:21

Bat Yawe God blong pipol blong Israel hemi mekem wea olketa grani blong mifala i winim paramaon sif ya wetem olketa pipol blong hem. Olketa tekova long olketa lan blong laen blong Amoa.

1 Samuel 23:7

Nao samwan hemi go talem King Sol wea Deved hemi stap long Keila. So king hemi tok olsem, “God hemi putum hem long han blong mi finis. Hemi go stap long wanfala taon wea hemi garem bikfala wolston raonem wetem bikfala geit wea i save satem hem. !Hemi stap long wanfala trap nao ya!”