2 Korin 7:15 - Pijin Deuterocanon

¹⁵ Taetas hemi lavem yufala tumas bikos hemi tingabaotem hao yufala evriwan bin wiling fo obeim hem an fraetem hem an tinghae long hem an yufala bin lukaftarem hem gud tumas.

Pijin Bible

¹⁵ Taetas hemi lavem yufala tumas bikos hemi tingabaotem hao yufala evriwan bin wiling fo obeim hem an fraetem hem an tinghae long hem an yufala bin lukaftarem hem gud tumas.

2 Korin 7:15 ပူးပေါင်းရင်းမြစ်များ

Jenesis 43:30

Kuiktaem nomoa, Josef hemi stanap, an go insaet long rum blong hem fo krae, bikos taem hemi lukim brata blong hem ya, hemi barava hapi fogud.

1 Kings 3:26

Bat woman hu hemi barava mami blong bebi ya hemi sore tumas long hem, an hemi singaot olsem, “Ooo, masta blong mi, yu no kilim bebi ya. Yu givim long woman ya.” Bat narafala woman hemi tok olsem, “!Nomoa, letem olketa katem long tufala haf! Long wei olsem, no eniwan long yumitufala hemi save garem.”

Esra 10:9

Long trifala de ya, olketa man hu i stap long tufala distrik long Jiuda an Benjamin i gohed fo kam long Jerusalem. Long mektri de, wea hem nao mektuenti de long meknaen mans, evriwan ya i hipap tugeta an sidaon long bikfala open eria ya frant long Tambuhaos blong God. Bikfala ren hemi foldaon kam long olketa, mekem olketa filnogud, an olketa seksek tu from rison olketa bin kolem olketa fo kam long disfala miting.

Esra 9:4

Mi sidaon an mi gohed fo sore an krae go-go kasem taem fo mekem sakrifaes long ivining. An olketa pipol blong yumi hu i mekhae long olketa strong toktok ya wea God blong yumi hemi talem finis abaotem diskaen sin ya, an hu i fraet long wanem bae hemi hapen from disfala wei wea olketa hu i kambaek from Babilonia bin lusim wei blong God, olketa ya i hipap kam raonem mi.

Stori abaotem Job 21:6

Mi tu mi fraet an mi seke long olketa samting wea i bin hapen long mi.

Sams 119:120

Mi barava seksek fogud bikos mi fraetem yu. Ya, taem mi tingim wei wea yu jajem pipol, mi barava fraet fogud.

Sams 2:11

Ya, yufala mas waka fo Yawe an yufala mas tinghae long hem. Yufala mas putum yufala seleva daon, an bae yufala i hapi.

Nambawan Singsing 5:4

Daling blong mi hemi putum han blong hem gotru long hol blong doa ya, mekem bele blong mi hemi filnaes tumas.

Aesaea 66:2

Mi seleva nao mi mekem evrisamting. Dastawe nao, evrisamting ya hemi stap.” Hem nao mesij blong Yawe. Yawe hemi tok moa olsem, “?Waswe, yufala tingse watkaen man nao mi hapi long hem? Kaen man wea mi hapi tumas long hem nao: man hu hemi hambol, an hemi sore fo olketa sin blong hem, an hemi tinghae long mi an obeim toktok blong mi.

Hosia 13:1

(Profet) Bifoa, taem olketa long traeb blong Efrem i tok, olketa long levenfala narafala traeb blong Israel i fraet an tinghae long olketa, bikos olketa i strong. Bat olketa long Efrem nao i sin an wosipim disfala laea god Baal. An from disfala samting nao, olketa kamap olsem man dae.

Gudnius abaotem Jisas Kraes wea Jon hemi raetem 16:21

Taem woman hemi kolsap fo bonem pikinini, hemi sore tumas ya bikos hemi kasem taem blong hem fo filsoa. Bat taem hemi bonem pikinini finis, hemi fogetem taem blong filsoa nao, bikos hemi hapi from pikinini wea hemi bon kam finis.

Aposol 16:29

So bikman ya hemi singaotem kam laet, an hemi resis go insaet long prisin ya nao. Hemi nildaon long frant blong Pol an Saelas, an hemi seksek fogud from hemi fraet.

1 Korin 2:3

Taem mi kam kasem yufala, mi barava wik tumas an mi seksek nao from mi fraet.

2 Korin 2:9

Mi raetem leta ya long yufala lastaem bikos mi wande testem yufala an lukim sapos yufala wiling olowe fo duim wanem mi talem.

2 Korin 6:12

Mifala no stop fo lavem yufala, bat yufala nao stop fo lavem mifala.

Efesas 6:5

Yufala olketa slev, yufala mas obeim olketa bos blong yufala wea yufala mas tinghae long olketa. An tingting blong yufala hemi mas stap stret, wea yufala obeim olketa olsem yufala obeim Kraes.

Filipae 1:8

God hemi luksave dat mi lavem yufala tumas long sem wei wea Jisas Kraes hemi lavem yufala.

Filipae 2:12

Olketa fren blong mi, yufala bin obeim mi olowe taem mi stap wetem yufala. So yufala mas gohed fo duim diswan tu nomata mi no stap wetem yufala. God hemi sevem yufala, so yufala mas tinghevi an tinghae long hem an gohed nomoa fo wakahad fo kasem wanem hemi makem fo yufala.

Kolosi 3:12

Yufala ya, God hemi siusim yufala finis an yufala i olketa pipol blong hem wea hemi barava lavem yufala tumas. Olsem, yufala mas sore an kaen tumas long olketa pipol. An yufala mas hambol an wei blong yufala hemi mas no raf, an yufala mas no kuiktaem fo kros long nara pipol.

2 Tesalonaeka 3:14

Maet samwan long yufala hemi no save obeim olketa toktok wea mifala bin raetem go long disfala leta. Sapos olsem, hemi gud fo yufala mas luksave gud long man ya. An yufala mas no stap tugeta wetem hem, mekem hemi filsem long wei blong hem seleva.

1 Jon 3:17

Sapos wanfala man hu hemi garem plande samting hemi lukim nara man hu hemi sot long enisamting, bat hemi no laek fo helpem hem, oraet, man ya hemi no garem disfala lav blong God.