2 Korin 3:16 - Pijin Deuterocanon

¹⁶ Bat taem eniwan hemi tane go long Masta, samting wea hemi satem tingting blong hem, Masta hemi tekemaot nao.

Pijin Bible

¹⁶ Bat taem eniwan hemi tane go long Masta, samting wea hemi satem tingting blong hem, Masta hemi tekemaot nao.

2 Korin 3:16 ပူးပေါင်းရင်းမြစ်များ

Eksodas 34:34

Evritaem wea Mosis hemi go insaet long smolfala haostent fo mitim God fo toktok wetem Yawe, oltaem hemi tekemaot kaleko ya from fes blong hem. An taem hemi kamaot moa fo talemaot long pipol olketa samting wea Yawe bin talem hem,

Aesaea 25:7

Long tambu maonten ya bae Yawe hemi tekemaot evrisamting wea hemi mekem olketa pipol long wol fo filnogud.

Aesaea 29:18

Long datfala taem, olketa hu i iapas bae i heresave long olketa toktok insaet long buk ya. An olketa hu i blaen an bin stap long tudak, bae i save lukluk moa.

Aesaea 54:13

Bae mi Yawe nao mi tisim yufala evriwan, an bae mi givim gudfala laef an piis long yufala.

Jeremaea 31:34

No eniwan bae hemi tisim wantok blong hem o brata blong hem long wei wea hemi tok olsem, ‘Yufala mas save long Yawe.’ Bikos long datfala taem, olketa evriwan bae i save finis long mi, nomata man hemi garem biknem o nomoa. Bae mi fogivim olketa from enikaen ravis samting wea olketa duim, an bae mi no tingim moa olketa sin blong olketa.” Hem nao mesij blong Yawe.

Lamentesin 3:40

Hemi gud fo yumi luklukgud long olketa wei blong yumi, mekem yumi lusim eni nogud wei, an kambaek long Yawe.

Leta wea Pol hemi raetem go long sios long Rom 11:23

An sapos olketa Jiu olketa stat fo biliv moa, bae God hemi joenem olketa moa insaet long oliv tri ya. Bikos God hemi garem paoa fo joenem olketa baek moa.

2 Korin 3:15

Ya, evritaem olketa ridim Lo blong Mosis, disfala samting hemi gohed yet fo satem tingting blong olketa.

Diutronomi 4:30

Sapos olketa samting olsem hemi kam kasem yufala, an yufala stap long bikfala trabol, oraet long taem ya, bae yufala save tanem tingting blong yufala, an yufala save kambaek long hem an obeim toktok blong hem moa.