2 Korin 3:12 - Pijin Deuterocanon

¹² Nao bikos mifala trastem disfala niufala spesol agrimen, mifala nating fraet.

Pijin Bible

¹² Nao bikos mifala trastem disfala niufala spesol agrimen, mifala nating fraet.

2 Korin 3:12 ပူးပေါင်းရင်းမြစ်များ

Gudnius abaotem Jisas Kraes wea Jon hemi raetem 10:24

An olketa Jiu olketa hipap kam raonem hem, an olketa talem hem olsem, “!Man, yu mekem mifala fo weit longtaem tumas nao! Sapos yu nao disfala Mesaea, yu mas talem stret long mifala distaem nao.”

Gudnius abaotem Jisas Kraes wea Jon hemi raetem 16:25

Jisas hemi sei moa, “Olketa samting wea mi talem long yufala ya, mi talem long olketa tokpiksa ya. Bat bae hemi kasem taem wea bae mi no yusim olketa tokpiksa moa, bat bae mi toktok stret nomoa abaotem Dadi ya long yufala.

Gudnius abaotem Jisas Kraes wea Jon hemi raetem 16:29

Nao olketa disaepol blong hem olketa sei long hem, “!Ei, long distaem yu barava toktok klia nomoa long mifala, yu no toktok long olketa tokpiksa nao!

Aposol 14:3

Bat Pol an Banabas tufala stap long Aekoniam fo longtaem ya, an tufala gohed strong fo talemaot toktok abaotem Masta nomoa. An Masta hemi givim paoa long tufala fo mekem olketa mirakol an olketa saen, an long diskaen wei Masta hemi somaot long olketa pipol wea disfala toktok abaotem kaenfala lav blong hem hemi barava tru.

Aposol 4:13

Olketa man long Kansol olketa sapraes fo lukim hao Pita an Jon tufala nating fraet nomoa, nomata tufala no bikman an tufala nating skul gud tu. An olketa luksave dat tufala save go-goraon oltaem wetem Jisas bifoa.

Aposol 9:27

So Banabas hemi helpem hem an tekem hem go long olketa aposol nao. An hemi talem olketa dat Sol hemi bin lukim Masta long rod, an Masta hemi bin toktok wetem hem. Hemi talem olketa tu wea Sol hemi bin gohed strong nomoa fo talemaot nem blong Jisas long Damaskas.

Aposol 9:29

An hemi gohed tu fo tok wetem olketa Jiu hu i save toktok long Grik, an olketa raoa long toktok ya. Bat go-go olketa traehad fo tingim wanfala wei wea olketa save kilim hem dae.

1 Korin 14:19

Bat taem mi stap wetem olketa long sios, mi laek fo tisim olketa. An nomata mi talem nomoa faefala wod wea olketa save heremsave, hem nao hemi moabeta winim sapos mi talemaot plande taosen wod long olketa spesol kaen langguis.

2 Korin 10:1

Samfala man sei mi hambol tumas taem mi stap wetem yufala an mi save raf nomoa taem mi stap farawe from yufala. Nao Kraes hemi kaen an hemi no raf,

2 Korin 3:11

An disfala olfala spesol agrimen hemi no save stap longtaem, bat nomata olsem hemi bin garem saen blong bikfala paoa blong God. !Bat disfala niufala spesol agrimen wea bae hemi stap olowe, hemi garem saen blong bikfala paoa blong God wea hemi barava ovarem moa faswan ya!

2 Korin 4:13

Buktambu hemi sei, “Mi bin toktok bikos mi biliv.” Mifala biliv long semkaen wei, so mifala tu toktok bikos mifala biliv.

2 Korin 7:4

Mi barava trastem yufala, an mi praod tumas long yufala. Nomata enikaen trabol hemi kasem mifala, yufala mekem tingting blong mi i strong an mi barava hapi fogud.

Filipae 1:14

An bikos olketa Kristin long hia olketa save dat mi stap long prisin, plande long olketa i bin kamap strong moa long biliv blong olketa long Masta. An olketa no save fraet, bat olketa gohed strong fo talemaot toktok blong God.

Filipae 1:20

Mi barava laekem tumas an mi tingim strong dat mi no laek fo duim enisamting wea bae mi filsem long hem long ae blong Kraes. Mi laek gohed fo stap strong an mekhae long Kraes long evrisamting mi duim, olsem mi save duim olowe. So nomata mi gohed fo laef o mi dae, bae mi mekhae long Kraes.

Kolosi 4:4

Yufala mas prea wea bae mi save talemaot klia gud disfala toktok ya, bikos hem nao wanem mi mas duim ya.

1 Tesalonaeka 2:2

An yufala save tu dat taem mifala stap yet long taon long Filipae, olketa pipol barava spoelem mifala tumas an olketa tok nogud tu long mifala. Bat nomata plande pipol olketa agensim mifala, God blong yumi nao hemi strongim tingting blong mifala fo talemaot Gudnius blong hem long yufala.

1 Timoti 3:13

Eniwan hu i waka gud long disfala waka ya bae olketa pipol save tinghae long hem ya, an bae hemi save stap strong fo talemaot toktok abaotem biliv blong hem long Jisas Kraes.

Filimon 1:8

Nao bikos yumitufala evriwan biliv long Kraes, mi save tokstrong long yu abaotem wanem hemi gud fo yu mas duim.