2 Korin 13:5 - Pijin Deuterocanon

⁵ Yufala mas testem yufala seleva oltaem, mekem yufala savegud sapos yufala barava biliv o nomoa. ?Waswe, yufala no save dat Jisas Kraes hemi stap long yufala? ?O waswe, yufala no bin pasim disfala test ya?

Pijin Bible

⁵ Yufala mas testem yufala seleva oltaem, mekem yufala savegud sapos yufala barava biliv o nomoa. ?Waswe, yufala no save dat Jisas Kraes hemi stap long yufala? ?O waswe, yufala no bin pasim disfala test ya?

2 Korin 13:5 ပူးပေါင်းရင်းမြစ်များ

Sams 119:59

Taem mi tingim olketa gudfala wei blong yu, mi tanem tingting blong mi nao fo falom olketa tising blong yu.

Sams 17:3

Yu save long tingting blong mi. Yu bin kam finis long mi long naet, an yu luksave finis long laef blong mi, wea mi no laekem eni ravis samting.

Sams 26:2

Plis yu lukluk gudfala long laef blong mi, fo save watkaen man nao mi, an fo luksave long olketa tingting blong mi.

Jeremaea 6:30

An olsem wea man hemi les long silva wea ravis blong hem no save ranaot, bae mi Yawe nao mi les tu long olketa ravis pipol ya.”

Lamentesin 3:40

Hemi gud fo yumi luklukgud long olketa wei blong yumi, mekem yumi lusim eni nogud wei, an kambaek long Yawe.

Esikiel 18:28

Bikos hemi luksave long evri sin blong hem, an hemi les long disfala ravis wei, bae hemi no dae.

Hagae 1:5

Yufala mas luksave long olketa samting yufala du-duim.

Hagae 1:7

Hem nao wanem Yawe hu hemi garem evri paoa hemi talem, ?Yufala mas luksave long olketa samting yufala du-duim.

Gudnius abaotem Jisas Kraes wea Jon hemi raetem 14:23

Jisas hemi ansarem hem olsem, “Sapos eniwan hemi lavem mi, bae hemi obeim toktok blong mi ya. An Dadi blong mi bae hemi lavem hem, an bae mitufala kam an stap wetem hem.

Gudnius abaotem Jisas Kraes wea Jon hemi raetem 15:4

Yufala mas joen olowe long mi, mekem mi joen olowe long yufala. Eni brans wea hemi no joen long grep tri, bae hemi had fo hemi garem frut long hem ya. Bat sapos hemi joen olowe long grep tri ya, bae hemi save garem frut. Yufala olsem tu, sapos yufala no joen olowe long mi, bae yufala no save garem eni frut.

Gudnius abaotem Jisas Kraes wea Jon hemi raetem 17:23

Mi stap wetem olketa an yu stap wetem mi, mekem olketa barava kamap wan nao. Long wei ya, bae olketa pipol long disfala wol i luksave dat yu nao yu sendem mi kam, an wea yu lavem olketa pipol blong mi long semkaen wei wea yu lavem mi.

Gudnius abaotem Jisas Kraes wea Jon hemi raetem 17:26

An mi mekem olketa fo save abaotem yu finis nao, an bae mi gohed fo duim diswan moa, mekem mi stap wetem olketa, an mekem olketa save lavem nara pipol long semkaen wei wea yu lavem mi.”

Gudnius abaotem Jisas Kraes wea Jon hemi raetem 6:56

Man hu hemi kaikaim bodi blong mi an hemi dringim blad blong mi, hemi gohed fo stap wetem mi an mi gohed fo stap wetem hem.

Gudnius abaotem Jisas Kraes wea Jon hemi raetem 6:6

Hemi ask olsem fo traem Filip nomoa ya, bikos hemi save finis wanem bae hemi duim.

Leta wea Pol hemi raetem go long sios long Rom 1:28

An bikos olketa les fo save long God, God hemi letem olketa fo falom nomoa ravis tingting blong olketa seleva, an olketa duim nomoa olketa samting wea no fit fo pipol i duim.

Leta wea Pol hemi raetem go long sios long Rom 8:10

Bodi blong yufala bae hemi dae bikos yufala bin sin. Bat bikos Kraes nao hemi stap insaet long yufala, Holi Spirit hemi mekem yufala laef, wea yufala stret long ae blong God finis.

1 Korin 11:28

Dastawe evriwan i mas luksave gud long tingting blong hem seleva fastaem, bifoa hemi jes kaikaim disfala bred an dring long disfala kap ya.

1 Korin 11:31

Sapos yumi luksave gud long tingting blong yumi seleva fastaem, bae yumi no save kam andanit long panis blong God.

1 Korin 3:16

Yufala save finis wea yufala i Tambuhaos blong God ya an Spirit blong God hemi stap insaet long yufala.

1 Korin 6:15

Yufala save nomoa dat olketa bodi blong yufala olketa stap joen wetem bodi blong Kraes ya. ?So waswe, mi save tekem wanfala haf long bodi blong Kraes an joenem go wetem wanfala juri? !Had ya!

1 Korin 6:19

?Waswe, yufala no save dat bodi blong yufala hemi Tambuhaos blong Holi Spirit? God hemi givim kam Holi Spirit long yufala an hemi stap insaet long yufala. Yufala i no blong yufala seleva,

1 Korin 6:2

?Waswe, yufala no save nomoa dat olketa pipol blong God bae olketa jajem evri pipol long wol? ?An sapos yufala bae jajem evriwan long wol, hao nao yufala no save hao fo jajem olketa smolfala samting long yufala seleva?

1 Korin 9:24

Yufala save finis, nomata plande man nao i save ran long resis, bat wanfala long olketa nomoa hemi save winim praes. So yufala evriwan i mas ran gudfala, mekem yufala save tekem praes.

1 Korin 9:27

Mi gohed fo hitim bodi blong mi, mekem hemi barava obeim mi. Bikos nogud mi talemaot disfala Gudnius long olketa nara pipol, bat mi seleva nao mi lus.

2 Korin 6:16

?Hao nao Tambuhaos blong God hemi save garem olketa laea god insaet? !Yumi nao tambuhaos blong God hu hemi laef! Bikos God hemi bin tok olsem, “Mi bae mi go stap wetem olketa pipol blong mi an bae mi wakabaot wetem olketa. Mi nao bae mi God blong olketa, an bae olketa nao pipol blong mi.”

Galesia 2:20

Hemi olsem wea mi dae wetem Kraes long kros. An i no mi nao mi stap laef distaem ya, bat Kraes nao hemi stap laef insaet long mi. Disfala laef blong mi long wol ya, mi garem nomoa bikos mi biliv long San Blong God hu hemi lavem mi an hemi letem hem seleva fo dae fo helpem mi.

Galesia 4:19

Olketa pikinini blong mi, hemi mektu taem nao wea mi olsem woman hu hemi kolsap fo bonem pikinini. Mi filpein tumas bikos mi weitem taem wea yufala kamap pipol hu i barava falom wei blong Kraes moa.

Galesia 6:4

Evriwan mas lukluk gud long hem seleva, sapos waka blong hem hemi gud o nomoa. Sapos waka blong hem hemi gud, hemi save hapi long wei blong hem seleva, nomata hemi no lukluk tumas long wei blong nara man.

Efesas 3:17

An mi prea dat Kraes bae hemi stap long laef blong yufala hu i biliv long hem. Mi prea wea evrisamting yufala duim hemi mas kamaot long lav blong God,

Kolosi 1:23

Bat yufala mas stanap strong an falom nomoa disfala wei fo biliv. Nogud enisamting hemi pulum yufala, mekem yufala lusim nomoa disfala wei fo biliv strong long Gudnius wea yufala bin herem finis. Gudnius ya olketa bin talemaot finis long evri pipol long wol. An mi Pol, mi tu mi wanfala wakaman blong hem.

Kolosi 1:27

God hemi laek fo somaot disfala tokhaed long olketa pipol blong hem. An disfala tokhaed ya, hemi garem gudfala samting wea God hemi laek fo givim long evri pipol long wol. An disfala tokhaed ya hemi olsem, Kraes hemi stap insaet long yufala finis nao, wea yufala save weitem hem fo bae hemi tekem yufala go stap wetem God.

Kolosi 2:19

bat hemi no stap strong long Kraes. Kraes nao hemi hed blong sios, an sios nao hemi olsem bodi blong hem. An hed ya nao hemi save mekem evri haf long bodi fo olketa grou strong an joen gud tugeta wetem olketa bon an string blong hem. An long wei ya nao, bodi blong Kraes ya hemi grouap gudfala olsem God hemi laekem.

Kolosi 2:7

Yufala mas stap joen gud wetem Kraes olsem wanfala tri o wanfala haos wea hemi stanap strong long graon. An biliv blong yufala long hem hemi mas go-gohed fo kamap strong moa, olsem olketa bin tisim yufala long hem finis. An oltaem nomoa yufala mas talem tengkiu long hem.

1 Timoti 2:15

Bat bae God hemi sevem olketa woman, bikos olketa nao i save bonem pikinini. Bat olketa mas gohed tu fo biliv an fo somaot lav an fo stap holi long laef blong olketa.

2 Timoti 3:8

Olketa man hu i goraon long olketa woman olsem ya, olketa save tok agensim barava tru toktok, olsem Janis an Jambris wea tufala bin tok agensim Mosis. Olketa no garem eni stretfala tingting, an biliv blong olketa hemi barava go nogud nomoa.

Taetas 1:13

So yu mas tokhad long olketa laea tisa ya, mekem olketa biliv moa long disfala tru tising.

Taetas 1:16

Nomata hemi talem hemi barava save long God, wei blong hem hemi somaot dat hemi nating save long God. Olketa pipol olsem, i barava nogud tumas an nating wiling fo obeim God an olketa no save duim eni gud samting.

Taetas 2:2

Olketa oloman mas save hao fo lukaftarem olketa seleva gud an hao fo kontrolem olketa seleva, an olketa mas somaot barava gudfala wei long laef blong olketa. Biliv blong olketa mas stret gudfala, an olketa mas barava lavem pipol an stanap strong long hadtaem.

Hibrus 12:15

Yufala mas lukaot gud, mekem no eniwan long yufala hemi tanem baeksaet blong hem long kaenfala lav blong God ya. Nogud eniwan long yufala hemi kamap olsem wanfala poesen tri wea hemi save mekem plande pipol fo nogud.

Hibrus 4:1

Nao disfala promis blong God fo yumi save go an res wetem hem, hemi stap yet. So, yumi mas lukaot, nogud samfala long yufala i no go kasem disfala ples fo res ya.

Hibrus 6:8

Bat sapos nilagras nomoa hemi grou long wanfala pisgraon, graon ya hemi ravis nomoa ya. No longtaem, bae God hemi save spoelem disfala graon an bae faea hemi bonem.

Jemes 4:4

Yufala lusim finis wei blong God. ?Waswe, yufala no save dat disfala wei fo falom wol hemi agensim God? So eniwan hu hemi laek fo falom wei blong wol, hemi enemi blong God nao.

1 Pita 5:9

So yufala mas stanap strong long biliv blong yufala, mekem yufala save stopem hem. Yufala save, long evri ples long disfala wol, evri Kristin i safa fogud long semkaen trabol wea hemi kasem yufala.

Revelesin 2:5

Yufala mas tingimbaek gudfala wei wea yufala bin stap long hem fastaem. Nao yufala mas lusim olketa ravis wei blong yufala, an yufala mas gohed moa fo duim wanem yufala bin duim kam fastaem. Bat sapos yufala no lusim olketa ravis wei blong yufala, bae mi kam an tekemaot disfala bikfala lam blong yufala.