2 Korin 11:28 - Pijin Deuterocanon

²⁸ Plande samting moa mi no save talem, bat long evri de nomoa mi save wari tumas long olketa sios.

Pijin Bible

²⁸ Plande samting moa mi no save talem, bat long evri de nomoa mi save wari tumas long olketa sios.

2 Korin 11:28 ပူးပေါင်းရင်းမြစ်များ

Aposol 15:36

Samfala taem bihaen, Pol hemi tok olsem fo Banabas, “Yumitufala mas gobaek moa an lukim olketa Kristin long evri taon wea yumitufala bin talemaot toktok blong Masta long hem. Yumitufala mas lukim hao nao olketa gohed distaem.”

Aposol 18:23

An taem hemi bin stap fo longtaem lelebet long Antiok, Pol hemi lusim ples ya moa. Hemi wakabaot go kasem olketa ples insaet long eria blong tufala provins long Galesia an Frijia wea hemi waka fo helpem olketa Kristin fo kamap strong moa long biliv blong olketa.

Aposol 20:2

Hemi wakabaot goraon long provins long Masedonia. An long plande ples hemi toktok wetem olketa Kristin fo mekem tingting blong olketa i stap strong moa. Bihaen nao, hemi go kasem provins long Akaea,

Aposol 9:31

Nao long taem ya, olketa pipol blong sios insaet long olketa provins long Jiudia an Galili an Samaria, no eniwan hemi faetem olketa moa. Holi Spirit hemi gohed fo helpem olketa, an hemi mekem sios fo ka-kamap strong moa, an hemi mekem namba blong olketa pipol fo kamap plande moa. An olketa gohed fo mekhae long Masta oltaem.

Leta wea Pol hemi raetem go long sios long Rom 1:14

Mi mas helpem evri pipol, nomata olketa stap long taon o olketa stap long bus, nomata olketa skul gud o olketa no skul.

Leta wea Pol hemi raetem go long sios long Rom 11:13

Nao mi tok go long yufala olketa pipol hu i no Jiu. Mi tinghae long waka blong mi, wea mi aposol fo yufala pipol hu i no Jiu.

Leta wea Pol hemi raetem go long sios long Rom 15:16

wea hemi mekem mi wakaman blong Jisas Kraes fo mi waka fo olketa pipol hu i no Jiu. Mi waka fo God olsem prist long Tambuhaos. Mi talemaot Gudnius blong God, mekem olketa pipol hu i no Jiu save kam long God, fo Holi Spirit mekem olketa kamap holi. Long wei ya, bae olketa kamap olsem sakrifaes wea God hemi hapi tumas long hem.

Leta wea Pol hemi raetem go long sios long Rom 16:4

Tufala kolsap dae from tufala wakahad fo helpem mi, an mi hapi tumas long tufala. An olketa sios blong olketa pipol hu i no Jiu olketa talem tengkiu long tufala tu.

1 Korin 7:17

Yumi evriwan mas gohed nao long diskaen laef wea Masta hemi givim long yumi finis. Hemi diskaen laef wea yumi stap long hem taem God hemi kolem yumi. Diswan nao hemi wanfala rul wea mi talemaot long evri sios.

Kolosi 2:1

Mi laekem yufala fo save dat mi hadwaka tumas fo helpem yufala an fo helpem olketa pipol long Leodisia wetem olketa nara pipol moa wea olketa no lukim fes blong mi yet.