2 Korin 10:7 - Pijin Deuterocanon

⁷ Yufala ya, yufala lukim wanem hemi lukgud long aotsaet nomoa. Eniwan hu hemi talemaot dat hem nao hemi man blong Kraes, hemi mas tingting gud moa bikos mifala tu blong Kraes olsem disfala man.

Pijin Bible

⁷ Yufala ya, yufala lukim wanem hemi lukgud long aotsaet nomoa. Eniwan hu hemi talemaot dat hem nao hemi man blong Kraes, hemi mas tingting gud moa bikos mifala tu blong Kraes olsem disfala man.

2 Korin 10:7 ပူးပေါင်းရင်းမြစ်များ

Matiu 23:5

Olketa duim nomoa olketa gudfala samting, mekem olketa pipol lukim nomoa ya. An strap fo taengem Lo long bodi blong olketa, olketa mekem hem bik tumas. An olketa rop wea i hangdaon long en blong kaleko blong olketa, olketa mekem bikfala tu.

Gudnius abaotem Jisas Kraes wea Luk hemi raetem 16:15

So Jisas hemi talem olketa olsem, “Yufala save traehad fo mekem olketa pipol fo tinghae long yufala, bat God hemi save nomoa long maen blong yufala. Bikos wanem yufala olketa pipol i tingse hemi bikfala samting tumas, long ae blong God hemi olsem samting nating nomoa ya.”

Gudnius abaotem Jisas Kraes wea Jon hemi raetem 7:24

Yufala mas stop fo jajem olketa samting falom wanem hemi lukgud long aotsaet nomoa. Bat yufala mas jajem evrisamting falom wanem hemi barava tru nao.”

1 Korin 1:12

Mi minim diswan wea yufala save raoa tumas long toktok. Wanfala man hemi sei, “Mi long seksin blong Pol ya.” Narawan hemi sei, “Mi long seksin blong Apolos ya.” An narawan hemi sei moa, “Mi long seksin blong Pita ya.” An narawan hemi sei, “Mi long seksin blong Kraes ya.”

1 Korin 14:37

Sapos wanfala man hemi tingse hem nao niusman blong God an hem nao garem paoa blong Holi Spirit, hemi mas save dat wanem mi raetem go long yufala ya hemi strongfala toktok blong Masta nao.

1 Korin 15:23

Bat bae evriwan i falom barava gudfala taem blong hem. Kraes nao hemi bin laefbaek fastaem long evriwan. An taem hemi kambaek, bae olketa pipol blong hem olketa laefbaek tu.

1 Korin 3:23

An yufala ya, yufala i blong Kraes, an Kraes hemi blong God.

1 Korin 9:1

Yufala save dat mi fri. An yufala save dat mi aposol. An yufala save dat mi lukim Jisas Masta blong yumi. An yufala save dat yufala stat fo biliv long Masta from waka blong mi nomoa.

2 Korin 10:1

Samfala man sei mi hambol tumas taem mi stap wetem yufala an mi save raf nomoa taem mi stap farawe from yufala. Nao Kraes hemi kaen an hemi no raf,

2 Korin 11:18

Bikos plande pipol tokpraod nomoa falom tingting blong wol, mi save tokpraod olsem tu.

2 Korin 11:23

Olketa sei olketa nao wakaman blong Kraes, bat mi nao gudfala wakaman blong Kraes winim olketa. Mi barava tok olsem krangge man. Mi nao mi bin wakahad winim olketa. Mi nao mi bin stap long prisin plande taem winim olketa. Mi nao olketa bin wipim mi tumas winim olketa. Mi nao mi bin kolsap dae plande taem winim olketa.

2 Korin 11:4

Yufala bin letem olketa pipol fo kam nomoa an tokabaotem wanfala Jisas wea hemi deferen from diswan wea mifala talemaot. An yufala hapi nomoa wetem wanfala kaen spirit an wanfala kaen gudnius wea hemi barava deferen long Holi Spirit an disfala Gudnius wea mifala tekem kam long yufala.

2 Korin 12:11

Mi tok olsem wanfala krangge man nao, bat yufala stap kuaet nomoa, so mi seleva mi mas tok olsem. Hemi fitim fo yufala nao tokabaotem gudfala waka blong mi. Bikos mi no tingim dat mi samting nating an olketa wea yufala kolem olketa nambawan aposol i gudfala winim mi.

2 Korin 13:3

Bae mi duim olsem, mekem yufala barava luksave dat Kraes nao hemi yusim mi fo talemaot toktok blong hem. An bae hemi no save wik taem hemi stretem yufala. Nomoa. Bae hemi somaot bikfala paoa blong hem long yufala.

2 Korin 5:12

Mifala no trae fo haemapem mifala seleva moa, bat mifala laek fo som nomoa samting mifala bin duim, mekem yufala save praod long mifala. Olsem, yufala garem samting fo talem long olketa pipol hu i save tokpraod abaotem wanem man save lukim nomoa bat olketa no wari abaotem wei blong olketa.

Galesia 3:29

So yufala olketa pipol blong Kraes, yufala stap olsem pikinini blong Ebraham nao, an bae yufala tekem wanem God hemi promisim.

1 Jon 4:6

Bat yumi blong God nao. Eniwan hu hemi savegud long God, hem nao hemi save lisin long toktok blong yumi. Bat eniwan hu hemi no blong God, hemi nating save lisin long toktok blong yumi tu. So long disfala wei ya nao yumi save luksave sapos eniwan hemi garem Holi Spirit wea hemi barava tru, o sapos hemi garem enemi blong Kraes wea hemi save laea tumas.

1 Samuel 16:7

Bat Yawe hemi tok olsem long hem, “Yu no tingabaotem hem, nomata hemi tolfala man an hemi luknaes. Mi no laekem hem, bikos wei blong mi fo lukluk long pipol hemi no olsem wei blong man. Man hemi lukluk long bodi nomoa, bat mi Yawe mi lukluk insaet long haat blong hem.”