2 Korin 1:7 - Pijin Deuterocanon

⁷ So mifala bilivim tumas dat yufala save stanap strong. Bikos yufala safa long olketa semsamting wea mifala safa long hem, bae God hemi strongim tingting blong yufala olsem hemi duim long mifala tu.

Pijin Bible

⁷ So mifala bilivim tumas dat yufala save stanap strong. Bikos yufala safa long olketa semsamting wea mifala safa long hem, bae God hemi strongim tingting blong yufala olsem hemi duim long mifala tu.

2 Korin 1:7 ပူးပေါင်းရင်းမြစ်များ

Matiu 23:30

Yufala sei sapos yufala stap long taem bifoa, bae yufala no duim diskaen wea olketa olo blong yufala i duim fo kilim dae olketa profet.

1 Korin 10:13

Evrisamting wea hemi kam fo traem yufala ya, hemi diskaen samting wea hemi save kasem eni pipol nomoa ya. An God hemi save kipim promis olowe, so bae hemi no letem enisamting fo traem yufala wea hemi save winim paoa blong yufala. Bikos taem enisamting hemi traem yufala, bae God hemi helpem yufala fo gohed fo stanap strong, mekem yufala save faendem wei fo win.

2 Korin 1:14

nomata yufala save lelebet nomoa abaotem mifala. So taem Masta blong yumi Jisas hemi kambaek, bae yufala save praod long mifala, long sem wei wea bae mifala save praod long yufala.

2 Korin 12:20

Mi wari fo go kasem yufala, nogud laef blong yufala i deferen from wanem mi laek lukim long yufala. Sapos olsem, bae mi tu mi deferen from wanem yufala laekem. Mi fraet, nogud yufala gohed fo raoa an joles an kros kuiktaem an tingting long yufala seleva nomoa. An nogud yufala suea long nara man an stori nogud abaotem nara pipol, an nogud yufala praod an evrisamting hemi olobaot nomoa.

2 Korin 7:9

Bat distaem mi hapi nao. I no bikos mi bin mekem yufala filnogud, bat bikos hemi bin mekem yufala fo sensim olketa wei blong yufala. Yufala filnogud long wei wea hemi mekem yufala sens olsem God laekem, so leta blong mifala i no spoelem yufala.

2 Timoti 2:12

Sapos yumi gohed fo biliv an no givap, bae yumi save rul wetem hem tu. Bat sapos yumi sei yumi no save long hem, bae hemi sei hemi no save long yumi tu.

2 Timoti 3:11

Yu save finis long wei wea olketa spoelem mi an mekem mi safa tumas. Ya, yu save finis long wei wea olketa mekem mi safa taem mi stap long Antiok an Aekoniam an Listra. Bat Masta nao hemi helpem mi an sevem mi long evrisamting ya.

Jemes 1:12

Man hu hemi gohed fo stanap strong taem enikaen hadtaem hemi kasem hem, hem nao hemi hapi. Taem hemi stanap strong long evri hadtaem, God bae hemi givim hem laef wea hemi promis fo givim long olketa hu i lavem hem.

Revelesin 1:9

Mi Jon, mi brata blong yufala bikos yumi evriwan biliv long Jisas. Yumi evriwan fren tugeta, nomata olketa mekem yumi safa bikos yumi biliv long Jisas. Olketa bin putum mi long smolfala aelan long Patmos, bikos mi bin talemaot toktok blong God an olketa tru toktok abaotem Jisas.