2 Korin 1:17 - Pijin Deuterocanon

¹⁷ ?Waswe, yufala tingse mi toktok nating nomoa bikos mi no falom disfala plan blong mi ya? Nomoa. Mi no mekem plan falom wanem mi seleva laekem nomoa, an mi no save talem “Yes” an “No” long semtaem.

Pijin Bible

¹⁷ ?Waswe, yufala tingse mi toktok nating nomoa bikos mi no falom disfala plan blong mi ya? Nomoa. Mi no mekem plan falom wanem mi seleva laekem nomoa, an mi no save talem “Yes” an “No” long semtaem.

2 Korin 1:17 ပူးပေါင်းရင်းမြစ်များ

Jeremaea 23:32

An mi agensim tu olketa hu i talemaot olketa spesol drim wea i fulap long laea nomoa. Olketa gohed fo talemaot plande bikfala laea ya, an lidim pipol blong mi fo gorong. Mi no sendem olketa ya an mi no siusim olketa olsem profet. Olketa laea profet ya no save helpem olketa pipol blong mi.” Hem nao mesij blong Yawe.

Sefenaea 3:4

Olketa profet i bikhed tumas, an olketa trikim olketa pipol. Olketa prist blong Jerusalem i spoelem tambu long Tambuhaos, an olketa brekem lo blong God.

Matiu 1:19

Nao Josef hemi wanfala gudfala man ya, so taem hemi save dat Meri hemi babule finis, hemi no wande fo mekem Meri fo filsem long ae blong evriwan. So hemi tingting fo lusim Meri long gudfala wei, wea famili blong tufala nomoa olketa save.

Matiu 5:37

So taem yufala mekem promis, yufala mas talem nomoa ‘Ya, bae mi duim,’ o yufala mas talem ‘Nomoa, bae mi no duim.’ Sapos yufala yusim nem blong narasamting moa, oraet, diskaen hemi kam from Seitan nao ya.”

Gudnius abaotem Jisas Kraes wea Jon hemi raetem 8:15

Yufala jajem olketa samting falom barava wei blong man long wol nomoa. Mi no save jajem eniwan.

2 Korin 1:12

Mifala praod bikos tingting blong mifala hemi somaot dat mifala no falom save blong man, bat mifala falom nomoa paoa blong kaenfala lav blong God. Hemi olsem bikos mifala toktru olowe an mifala falom stretfala wei wea God hemi laekem. Oltaem, mifala duim olsem. An taem mifala stap wetem yufala, mifala bin duim olsem tu.

2 Korin 11:18

Bikos plande pipol tokpraod nomoa falom tingting blong wol, mi save tokpraod olsem tu.

Galesia 1:16

hemi som kam San blong hem long mi, mekem mi save talemaot Gudnius abaotem hem long olketa pipol hu i no Jiu. An long taem ya, mi no askem eni man fo helpem mi ya,

Galesia 2:2

God nao hemi mekem klia long mi fo mi mas go. An long wanfala miting wetem olketa lida long sios nomoa, mi talem gudfala long olketa abaotem hao mi bin talemaot disfala Gudnius long olketa pipol hu i no Jiu. Bikos mi tingse, nogud disfala waka mi bin duim an mi gohed yet fo duim hemi kamap samting nating nomoa.

1 Tesalonaeka 2:18

So mifala traehad tumas fo kambaek moa long ples blong yufala. An mi Pol, tu-tri taem nao mi traehad finis fo faendem samfala wei fo kam lukim yufala, bat Seitan nao hemi blokem ka-kam blong mifala.

Jemes 5:12

Olketa Kristin fren, bikfala samting wea yufala mas save hemi olsem ya. Taem yufala mekem promis, yufala mas no suea long enisamting long heven o long wol. Sapos yufala save dat samting hemi tru, yufala mas sei, “Hemi tru.” An sapos yufala save dat samting hemi no tru, yufala mas sei, “Hemi no tru”. Sapos yufala tok olsem, bae God no save panisim yufala.

Jajis 9:4

Nao olketa tekem seventi silva seleni long tambu haos blong disfala god Baal-Berit an givim go silva ya long Abimelek. Nao hemi tekem seleni ya, an hemi peim go long samfala ravis man fo mekem olketa kam joenem hem.