2 Kings 8:16 - Pijin Deuterocanon

¹⁶ Long mekfaev yia wea Joram, san blong King Ehab, hemi king long Israel, Jehoram, san blong King Jehosafat, hemi kamap king long Jiuda.

Pijin Bible

¹⁶ Long mekfaev yia wea Joram, san blong King Ehab, hemi king long Israel, Jehoram, san blong King Jehosafat, hemi kamap king long Jiuda.

2 Kings 8:16 ပူးပေါင်းရင်းမြစ်များ

1 Kings 22:42

Long datfala taem, hemi kasem teti-faev yia, an hemi king long Jerusalem fo tuenti-faev yia. An mami blong hem, hemi Asuba, dota blong Silhi.

1 Kings 22:44

An hemi mekem piis wetem king blong Israel.

1 Kings 22:50

King Jehosafat hemi dae, an olketa berem hem long beregraon blong olketa olfala king long Biktaon blong King Deved. Nao san blong hem, Jehoram, hemi sensim hem fo kamap king.

1 Kings 22:51

Long mekseventin yia wea king Jehosafat hemi king long Jiuda, Ahasaea, san blong King Ehab, hemi kamap king long Israel. Hemi king long Samaria fo tufala yia.

2 Kings 1:17

Bihaen, King Ahasaea hemi dae olsem Mesij blong Yawe wea Elaeja hemi bin talemaot. Bat King Ahasaea hemi no garem pikinini boe, so brata blong hem, Joram, hemi sensim hem fo kamap king. Long mektu yia wea King Jehoram, san blong King Jehosafat, hemi king long Jiuda, Joram hemi kamap king long Israel.

2 Kings 11:2

Bat wanfala nomoa hemi mistim, hem nao hemi san blong king ya, an nem blong hem Joas. Kolsap nomoa olketa kilim hem dae wetem olketa narafala pikinini blong king, bat wanfala anti blong hem, Jehoseba, hemi sevem hem. Woman ya, hemi dota blong King Jehoram, an hemi sista blong King Ahasaea. Hemi go tekem Joas ya wetem woman hu hemi givim susu long hem, an hemi go haedem tufala long wanfala bedrum. So kuin ya hemi no kilim hem dae.

2 Kings 3:1

Long mekeitin yia wea King Jehosafat hemi king long Jiuda, Joram, san blong King Ehab, hemi kamap king long Israel. Hemi king long Israel fo tuelfala yia long Samaria.

2 Kings 8:25

Long mektuel yia wea king Joram, san blong King Ehab, hemi king long Israel, Ahasaea, san blong King Jehoram, hemi kamap king long Jiuda.

2 Kronikols 22:1

Ahasaea hemi lasbon blong King Jehoram. Olketa pipol blong Jerusalem i mekem hem sensim dadi blong hem fo kamap king bikos olketa soldia blong Arab i bin kam kilim dae olketa narafala san blong Jehoram ya. So Ahasaea, san blong King Jehoram, hemi kamap king long Jiuda.