2 Kings 7:6 - Pijin Deuterocanon

⁶ Hem olsem bikos Yawe hemi mekem olketa soldia blong Siria fo ranawe. Hemi mekem olketa herem wanfala noes olsem wanfala bikfala ami long olketa soldia wetem olketa hos an kaat fo faet. So olketa tingse king blong Israel hemi bin peim king long laen blong Het, an king blong Ijip, fo kam wetem ami fo faetem olketa.

Pijin Bible

⁶ Hem olsem bikos Yawe hemi mekem olketa soldia blong Siria fo ranawe. Hemi mekem olketa herem wanfala noes olsem wanfala bikfala ami long olketa soldia wetem olketa hos an kaat fo faet. So olketa tingse king blong Israel hemi bin peim king long laen blong Het, an king blong Ijip, fo kam wetem ami fo faetem olketa.

2 Kings 7:6 ပူးပေါင်းရင်းမြစ်များ

2 Samuel 10:6

Taem olketa blong Amon i save dat olketa mekem King Deved barava kros fogud long olketa, olketa haerem samfala ami blong Aram. Olketa kolem kam 20,000 soldia blong Aram wea olketa stap long Bet-Rehob an long Soba, an 12,000 man blong taon long Tob, an olketa kolem king blong Maaka tu wetem 1,000 man blong hem. Olketa evriwan i kam joenem olketa fo faet.

2 Samuel 5:24

Den taem yu herem noes antap long olketa baka tri ya, olsem wea olketa soldia i gohed fo mas kam, yu go kuiktaem fo faetem olketa, bikos mi nao mi gohed fo mas go fastaem long yu mekem yu winim olketa.”

1 Kings 10:29

An olketa baem olketa kaat fo faet long Musri tu. Long Musri, praes blong wanfala kaat fo faet hemi 600 silva seleni, an praes blong wanfala hos hemi 150 silva seleni. An olketa bisnisman blong Solomon i salem olketa hos an kaat fo faet go long olketa king long laen blong Het, an long olketa king long Siria.

1 Kings 20:20

Olketa ya i kilim evri soldia blong Siria wea i kam fo faetem olketa. So olketa soldia blong Siria i fraet an ranawe, bat olketa soldia blong Israel i aftarem olketa. Bat King Ben-Hadad hemi go long hos blong hem an ranawe, wetem samfala soldia blong hem wea olketa raed long hos.

2 Kings 19:7

!Yu no fraet! Bae mi tanem tingting blong hem, mekem hemi gobaek long kantri blong hem taem hemi herem wanfala ripot. An long dea nao, bae mi jes mekem olketa pipol fo kilim hem dae long naef fo faet.”

2 Kings 7:5

So taem hemi stat fo tudak, olketa go long ples blong ami blong Siria. Bat wea, taem olketa kasem ples ya, no eniwan i stap.

Stori abaotem Job 15:21

Insaet long tingting blong hem, hemi herem olketa samting wea hemi fraetem tumas. An taem hemi tingse hemi stap gudfala nomoa, bae olketa man fo stil i kam spoelem hem.

Sams 14:5

Bat bae olketa ya i fraet fogud, bikos God hemi saet wetem olketa pipol wea i obeim hem.

Aesaea 31:1

(Profet) !Sore tumas long yufala pipol hu i godaon long Ijip fo help! ?Waswe, yufala tingse olketa hos wetem olketa kaat blong olketa an olketa strongfala soldia hu i save raed long olketa hos ya i save helpem yufala? !Nomoa ya! Yawe nao hemi Holi God blong Israel, bat yufala nating trastem hem nomoa o askem hem fo help.

Aesaea 36:9

Bat nomata olsem, ami blong yufala hemi wik tumas, an yufala kanduit winim wanfala smolfala ofisa long ami blong mi. An nomata yu dipen long Ijip fo sendem kam olketa kaat fo faet, an olketa soldia fo faet long hos, bae yu no save winim mi.

Jeremaea 46:21

Olketa soldia blong narafala kantri wea yufala peim olketa fo faet, i olsem yang buluka wea i fat fogud. Taem enemi i kam, olketa no save stanap strong, nao olketa ranawe nomoa. De blong bikfala trabol hemi kam fo kasem olketa. Ya, taem fo panisim olketa hemi kam.

Esikiel 1:24

Taem olketa flae, mi herem noes long wing blong olketa hemi here olsem noes blong bikfala wev taem hemi brek antap long rif. An hemi olsem tu noes blong bikfala ami taem olketa faet, an hemi olsem tu voes blong God hu hemi garem evri paoa. Taem olketa stanap kuaet, olketa daonem wing blong olketa.

Esikiel 10:5

Noes long wing blong olketa enjel ya hemi bikfala tumas, mekem man save herem nomata hemi stanap farawe kam narasaet long bikfala open eria blong Tambuhaos. Noes ya hemi bikfala olsem voes blong Yawe hu hemi garem evri paoa taem hemi gohed fo tok.

Revelesin 9:9

Olketa werem kaleko fo faet wea olketa mekem long aean. An noes blong wing blong olketa, hemi olsem bikfala noes blong plande kaat fo faet wea olketa hos save pulum taem olketa ran go long faet.

Jajis 7:21

Olketa soldia blong Gidion i gohed fo stanap raonem ami blong Midian. An olketa evriwan i bloum trampet. Oraet, Yawe hemi mekem ami blong Midian i barava fraet fogud. So olketa ran olobaot an tekem olketa naef fo faet an gohed fo kilim olketa wantok blong olketa seleva. So evriwan long olketa enemi ya i singaot long fraet an ranawe nao. Olketa ranawe go fo ples long Serera, bat olketa kasem nomoa taon long Bet-Akesia wea hemi stap long spialaen blong Abel-Mehola kolsap long ples long Tabat.

1 Samuel 14:15

Den olketa deferen seksin long ami blong Filistia i fraet fogud, nomata olketa go faet o olketa stap long olketa haostent, olketa seke tumas. Bihaen, graon hemi seksek, an God hemi mekem olketa barava fraet fogud an konfius.

1 Samuel 26:6

Den hemi tok long Ahimelek hu hemi man blong Het, an Abisae wea hemi brata blong Joab, wea mami blong hem nao Seruia. Hemi askem tufala olsem, “?Hu nao long yutufala hemi wande kam wetem mi fo go insaet long ples wea Sol hemi stap long hem?” An Abisae hemi tok olsem, “Mi nao ya.”