2 Kings 5:25 - Pijin Deuterocanon

²⁵ Oraet, hemi go lukim masta blong hem, Elaesa. Elaesa hemi askem hem olsem, “?Yu kam long wea?” Bat hemi tok olsem, “Mi no go long eni ples.”

Pijin Bible

²⁵ Oraet, hemi go lukim masta blong hem, Elaesa. Elaesa hemi askem hem olsem, “?Yu kam long wea?” Bat hemi tok olsem, “Mi no go long eni ples.”

2 Kings 5:25 ပူးပေါင်းရင်းမြစ်များ

Jenesis 16:8

an hemi askem hem olsem, “!Haga! ?Yu stat kam long wea ya? ?An yu go wea nao ya? !Yu slev gele blong Sarae ya!” An Haga hemi tok olsem, “Mi ranawe from bos blong mi Sarae ya.”

Jenesis 4:9

Nao bihaen, Yawe hemi askem Kein olsem, “?Wea nao brata blong yu?” Bat Kein hemi tok olsem, “Mi no save. ?Waswe, waka blong mi nao fo lukaftarem brata blong mi?”

2 Kings 20:14

Bihaen, Profet Aesaea hemi kam long Hesekaea an askem hem olsem, “King. ?Olketa pipol long wea nao ya? ?An wanem nao olketa talem long yu?” King hemi tok olsem, “Olketa kam farawe tumas. Olketa kam from Babilon.”

2 Kings 5:22

An Gehasi hemi tok olsem, “Ya, evrisamting hemi oraet nomoa, bat masta blong mi hemi sendem mi kam fo tok long yu olsem, ‘Distaem nomoa tufala yangfala profet i jes kam. Tufala kam from olketa hil long distrik blong Efrem, plis yu givim kam teti-foa kilo silva, an tufala nambawan kaleko fo tufala.’ ”

2 Kronikols 26:19

Bat Yusaea hemi holem wanfala dis an hemi redi fo bonem insens. Hemi kros tumas an faerem olketa prist. So long disfala tambu ples long frant long Olta fo Bonem Insens, seknomoa, wanfala ravis sik blong skin hemi kam long fohed blong hem.

Provebs 30:20

Wei blong woman fo durong hemi olsem, hemi go slip wetem narafala man an suim, den hemi sei, “Mi kaikai nomoa.”

Esikiel 33:31

Oltaem olketa pipol blong mi i hipap kam raonem yu fo herem olketa samting wea bae yu talem, bat olketa nating duim nomoa wanem yu talem long olketa. Maos blong olketa i fulap nomoa long ravis tok, an olketa gohed nomoa fo tingim long wei fo ravem pipol fo winim seleni.

Matiu 26:21

An taem olketa gohed fo kaikai, Jisas hemi tok olsem, “Mi talem yufala tru samting nao, bae wanfala man long yufala hemi givim mi go long han blong olketa enemi blong mi.”

Gudnius abaotem Jisas Kraes wea Jon hemi raetem 13:2

Long taem olketa kaikai long ivining, Seitan hemi putum tingting insaet long maen blong Jiudas finis fo hemi mas givim Jisas go long han blong olketa enemi. Disfala Jiudas hemi san blong Saemon Iskariot.

1 Samuel 10:14

Bihaen, angkol blong Sol hemi lukim hem wetem wakaman blong hem, an hemi askem tufala olsem, “?Wea nao, yutufala stap kam?” An Sol hemi tok olsem, “Mitufala bin go lukaotem olketa dongki wea i lus, bat taem mitufala no faendem olketa, mitufala go lukim Samuel.”