2 Kings 4:4 - Pijin Deuterocanon

⁴ Nao yu an tufala san blong yu, yutrifala mas go insaet long haos an satem doa, den yu kapsaetem disfala oel go long olketa emti botol. Taem wanfala botol hemi fulap, yu putum go long ples fo kipim, den yu gohed fulapem narawan moa.”

Pijin Bible

⁴ Nao yu an tufala san blong yu, yutrifala mas go insaet long haos an satem doa, den yu kapsaetem disfala oel go long olketa emti botol. Taem wanfala botol hemi fulap, yu putum go long ples fo kipim, den yu gohed fulapem narawan moa.”

2 Kings 4:4 ပူးပေါင်းရင်းမြစ်များ

2 Kings 4:3

Den Elaesa hemi sei long hem, “Yu go lukim olketa pipol hu i stap kolsap long yu, an yu askem olketa fo givim plande emti botol long yu, mekem yu save yusim fastaem.

2 Kings 4:5

Oraet, woman ya wetem tufala san blong hem i go insaet long haos, an satem doa. Tufala san ya i gohed fo karim kam olketa emti botol long hem. Hemi tekem smolfala botol oel ya, an hemi stat fo kapsaetem oel go long olketa botol ya.

Aesaea 26:20

(Profet) !Olketa pipol blong mi! !Yufala go insaet long haos blong yufala an satem doa! Yufala go an haed fo lelebet taem go-go kros blong Yawe hemi finis.

Matiu 6:6

Bat yu ya, taem yu prea, yu mas go insaet long rum long haos blong yu an yu mas satem doa, an yu save prea long Dadi blong yu wea no eniwan save lukim. An hem nomoa hemi lukim yu, an bae hem nao hemi givim gudfala samting long yu.

Gudnius abaotem Jisas Kraes wea Mak hemi raetem 5:40

Nao olketa pipol ya jes laf nomoa long hem. So Jisas hemi raosim olketa pipol ya fo goaot from haos ya. An bihaen, hemi go wetem mami an dadi blong gele ya an trifala disaepol blong hem, an olketa go insaet long rum wea gele ya hemi stap long hem.

Gudnius abaotem Jisas Kraes wea Jon hemi raetem 6:11

Jisas hemi tekem faefala bred ya an hemi talem tengkiu long God fo olketa, an hemi searemaot long evriwan hu i sidaon long ples ya. Hemi duim semsamting long tufala fis ya tu, an evriwan i kaikai go-go olketa barava fulap.

Aposol 9:40

Nao Pita hemi talem evriwan fo go aotsaet, an bihaen, hemi nildaon an hemi prea. Hemi tane go long disfala woman wea hemi dae finis an hemi sei, “!Tabita, yu getap nao!” Nao woman ya hemi openem ae blong hem, an taem hemi lukim Pita nomoa hemi stat fo getap nao.

Efesas 3:20

Paoa blong God wea hemi waka finis long tingting blong yumi, hemi save duim olketa samting wea hemi winim enisamting yumi save askem o tingim.