2 Kings 4:16 - Pijin Deuterocanon

¹⁶ Den Elaesa hemi sei long hem, “Distaem long neks yia, bae yu karim wanfala pikinini boe blong yu.” An woman ya hemi tok olsem, “!Nomoa Masta! !Yu man blong God, plis yu no laea long mi!”

Pijin Bible

¹⁶ Den Elaesa hemi sei long hem, “Distaem long neks yia, bae yu karim wanfala pikinini boe blong yu.” An woman ya hemi tok olsem, “!Nomoa Masta! !Yu man blong God, plis yu no laea long mi!”

2 Kings 4:16 ပူးပေါင်းရင်းမြစ်များ

Jenesis 17:21

Bat mi promis bae mi kipim spesol agrimen blong mi wetem san blong yu Aesak, wea Sera bae hemi bonem long disfala taem neks yia.”

Jenesis 18:10

Yawe nao, hemi wanfala long trifala ya, an hemi tok olsem long Ebraham, “Neks yia, long disfala sem mans, bae mi kambaek fo lukim yutufala moa, an long taem ya, bae waef blong yu hemi garem wanfala pikinini boe.” Nao Sera hemi gohed fo stanap nomoa bihaen long Ebraham, long doa blong haostent ya, an hemi gohed fo lisin nomoa long toktok blong olketa ya.

1 Kings 17:18

Nao mami blong hem hemi tok long profet olsem, “?Man blong God, waswe nao yu agensim mi? !Ating yu kam long ples ya fo mekem mi tingabaotem olketa sin blong mi, an kilim dae pikinini blong mi!”

1 Kings 17:24

Nao woman ya hemi tok olsem, “Distaem, mi save gudfala wea yu wanfala man blong God. An wanem yu talem hemi tru Mesij blong Yawe.”

1 Kings 18:9

Den Obadaea hemi tok olsem, “?Waswe nao yu laek fo putum mi long han blong Ehab, mekem hemi kilim mi dae? !Mi no duim eni rong samting!

2 Kings 2:19

Olketa pipol blong Jeriko i kam lukim Profet Elaesa. An olketa tok olsem long hem, “Profet, yu save, disfala ples hemi wanfala gudfala taon, bat wata nao hemi nogud. Hemi mekem graon blong mifala fo no groum olketa kaikai.”

2 Kings 4:15

Den Elaesa hemi tok olsem long Gehasi, “Kolem hem kam.” So hemi kolem disfala woman, an hemi kam stanap long doa.

2 Kings 4:17

Bat woman ya hemi babule, an long semtaem long yia bihaen, hemi bonem wanfala pikinini boe, olsem wea Elaesa hemi bin talem.

2 Kings 4:28

Den woman ya hemi krae olsem, “Masta, mi nating askem yu fo pikinini, yu nomoa yu talem. An mi bin tok olsem, ‘Yu no laea long mi.’”

Gudnius abaotem Jisas Kraes wea Luk hemi raetem 1:13

Bat enjel ya hemi tok olsem long hem, “Sekaraea, yu no fraet. God hemi herem prea blong yu finis nao, so bae waef blong yu Elisabet hemi bonem wanfala pikinini boe fo yu. An bae yu kolem hem Jon.