2 Kings 21:18 - Pijin Deuterocanon

¹⁸ An taem hemi dae, olketa berem hem long wanfala spesol gaden kolsap long haos blong hem, wea olketa kolem “Gaden blong Usa”. An san blong hem Amon, hemi sensim hem fo kamap king.

Pijin Bible

¹⁸ An taem hemi dae, olketa berem hem long wanfala spesol gaden kolsap long haos blong hem, wea olketa kolem “Gaden blong Usa”. An san blong hem Amon, hemi sensim hem fo kamap king.

2 Kings 21:18 ပူးပေါင်းရင်းမြစ်များ

2 Kings 21:19

Taem Amon hemi kamap king long Jiuda, hemi kasem tuenti-tu yia. An hemi king long Jerusalem fo tufala yia nomoa. An mami blong hem hemi Mesulemet hu hemi dota blong Harus blong taon long Jotba.

2 Kings 21:26

Olketa berem King Amon long spesol gaden wea olketa kolem, “Gaden blong Usa”. Nao Josaea, san blong Amon, hemi sensim hem fo kamap king.

1 Kronikols 3:14

an Amon hemi bonem Josaea.

2 Kronikols 21:20

Long taem Jehoram hem kamap king, hemi kasem teti-tu yia, an hemi king long Jerusalem fo eitfala yia. Taem hemi dae, no eniwan hemi sore long hem. Olketa berem hem long Biktaon blong King Deved, bat i no long beregraon blong olketa king.

2 Kronikols 24:16

Olketa berem hem long beregraon blong olketa king long Biktaon blong King Deved, bikos hemi duim gudfala waka long olketa pipol blong Israel, an long God, an long Tambuhaos.

2 Kronikols 24:25

King Joas hemi garekil nogud taem olketa soldia blong Siria i gobaek. Den tufala bikman blong hem i mekem plan fo sensimbaek wanem Joas hemi duim taem hemi kilim dae san blong Prist Jehoeada. So tufala kam kilim dae Joas long bed blong hem. Olketa berem hem long Biktaon blong King Deved, bat i no long beregraon blong olketa king.

2 Kronikols 28:27

Taem hemi dae, olketa berem hem long Jerusalem bat i no long beregraon blong olketa king. An san blong hem, Hesekaea hemi sensim hem fo kamap king.

2 Kronikols 32:33

Taem hemi dae, olketa berem hem long grev long nambawan ples long beregraon blong laen blong King Deved. An long taem ya, olketa pipol blong Jerusalem an Jiuda i barava tinghae fogud long hem. Den san blong hem Manase hemi sensim hem fo kamap king.

2 Kronikols 33:20

Nao taem hemi dae, olketa berem hem kolsap long haos blong hem. An san blong hem Amon hemi sensim hem fo kamap king.

Jeremaea 1:2

Yawe hemi stat fo talemaot olketa Mesij blong hem long profet ya long taem wea King Josaea, san blong Amon, hemi kasem mektetin yia fo rul long Jiuda,

Jeremaea 22:19

“Bae olketa pulum bodi blong yu go aotsaet long Jerusalem an torowem hem godaon long dea, olsem nao bodi blong wanfala dongki wea hemi dae.”

Sefenaea 1:1

Hem ya nao Mesij blong Yawe wea hemi talemaot long Profet Sefenaea, san blong Kusi, long taem wea King Josaea, san blong King Amon, hemi king long Jiuda. Profet ya hemi blong laen blong King Hesekaea. King Hesekaea hemi dadi blong Amaraea, an Amaraea hemi dadi blong Gedalaea, an Gedalaea hemi dadi blong Kusi, an Kusi hemi dadi blong Profet Sefenaea.

1 Samuel 25:1

Profet Samuel hemi dae, an evriwan long Israel i kam tugeta an krae fo hem. Bihaen, olketa berem hem long ples blong hem long Rama. Bihaen long taem ya, Deved hemi go long drae eria long Paran.