2 Kings 20:10 - Pijin Deuterocanon

¹⁰ An king hemi tok olsem, “!Hemi isi nomoa fo mekem hemi muv gohed tenfala step! !Yu mekem sado ya hemi muv gobaek tenfala step!”

Pijin Bible

¹⁰ An king hemi tok olsem, “!Hemi isi nomoa fo mekem hemi muv gohed tenfala step! !Yu mekem sado ya hemi muv gobaek tenfala step!”

2 Kings 20:10 ပူးပေါင်းရင်းမြစ်များ

2 Kings 2:10

Den Profet Elaeja hemi tok olsem long hem, “Yu askem wanfala had samting, bat sapos yu lukim mi taem Yawe hemi tekem mi from yu, bae yu garem paoa ya. Bat sapos yu no lukim mi, bae yu no garem.”

2 Kings 20:11

Den Profet Aesaea hemi prea long Yawe, an Yawe hemi mekem sado ya hemi muv gobaek tenfala step long olketa step blong haos wea King Ehas hemi bin wakem bifoa.

2 Kings 20:9

Nao profet hemi tok moa olsem long king, “Bae Yawe hemi mekem wanfala saen fo yu, fo somaot dat bae hemi kipim promis blong hem. ?Waswe, yu laek fo lukim sado long olketa step, hemi muv go? ?Oraet, distaem yu laekem sado ya fo muv gohed tenfala step, o yu laekem hemi muv gobaek tenfala step?”

2 Kings 3:18

An Elaesa hemi tok olsem moa, “Hemi wanfala isi samting nomoa fo Yawe hemi duim. Bat bae hemi mekem wanfala samting wea hemi bikfala go moa. Bae hemi mekem yufala fo winim olketa pipol blong Moab.

Aesaea 49:6

an hemi tok olsem long mi, ‘Bae yu mekem olketa laen blong Israel wea i laef yet, fo kamap strong moa olsem fastaem. Bat mi garem waka fo yu wea hemi bikfala moa. Bae mi mekem yu fo kamap olsem laet fo olketa narafala kantri, mekem paoa blong mi fo sevem pipol, hemi kasem evri pat long wol.’”

Gudnius abaotem Jisas Kraes wea Jon hemi raetem 14:12

Mi talem yufala tru samting nao, man hu hemi biliv long mi, bae hemi duim tu olketa waka wea mi duim ya. An bae hemi duim olketa bikfala waka moa winim olketa waka blong mi ya, bikos bae mi go an stap wetem Dadi ya.

Josua 10:12

Long datfala de, wea Yawe hemi mekem Josua wetem ami blong Israel fo winim olketa laen blong Amoa long faet, Josua hemi prea go long Yawe long ae blong olketa pipol blong Israel, an hemi tok olsem, “San, yu stop antap long Gibeon an saen kamdaon. Mun, yu stop antap long vali ya long Aejalon an saen kamdaon.”

Josua 10:13

So Yawe hemi mekem san fo stop long wanfala ples, an mun tu fo stop long wanfala ples go-go kasem taem wea olketa winim olketa enemi long datfala faet. Olketa raetemdaon disfala stori wetem toktok blong Josua insaet long wanfala buk wea olketa kolem Buk blong Jasa. Long datfala taem, san hemi stap long wanfala ples long midol de, an hemi gohed fo kolsap wanfala ful de.